କେଶ ପାଇଁ ଲାଭଦାୟକ ହୋଇଥାଏ ନଡିଆ ପାଣି, ଅନେକ ସମସ୍ୟାରୁ ମିଳିବ ମୁକ୍ତି

ନଡ଼ିଆ ପାଣି ସ୍ୱାସ୍ଥ୍ୟ ପାଇଁ ଯେତିକି ଲାଭଦାୟକ, ଏହା କେଶ ପାଇଁ ମଧ୍ୟ ସେତିକି ଉପକାରୀ ବୋଲି ବିବେଚନା କରାଯାଏ । ନଡ଼ିଆ ପାଣିରେ ଭିଟାମିନ୍ ଏବଂ ମିନେରାଲ୍ସର ପରିମାଣ ବହୁତ ଅଧିକ ମିଳିଥାଏ । ଯେଉଁ କାରଣରୁ କେଶ ଭଲ ରହିଥାଏ ଏବଂ ଲମ୍ବ ମଧ୍ୟ ହୋଇଥାଏ । ପ୍ରାୟତଃ ଲୋକମାନେ ନଡିଆ ତେଲ ଲଗାଇ କେଶ ମାଲିସ୍ କରନ୍ତି । ଯେଉଁ କାରଣରୁ କେଶ ମୋଟା, ଲମ୍ବା ଏବଂ ମଜ୍‌ବୁତ୍‌ ହୋଇଥାଏ । ତେବେ ନଡିଆ ତେଲ କେଶକୁ ହେଲଦି ରଖିଥାଏ । ସେହିଭଳି ନଡିଆ ପାଣିରେ କେଶ ଏବଂ ସ୍କିନ୍‌କୁ ମାଲିସ୍ କରିବା ମଧ୍ୟ ଲାଭଦାୟକ ହୋଇଥାଏ । ଏପରି ଭାବେ ଆପଣ କେଶରେ ନଡିଆ ପାଣି ଲଗାଇବା ଦ୍ୱାରା କେଶର ଅନେକ ସମସ୍ୟାରୁ ମୁକ୍ତି ମିଳିଥାଏ । ତାହେଲେ ଆସନ୍ତୁ ଜାଣିବା ଯେ କେଶରେ ନଡ଼ିଆ ପାଣି କିପରି ଲଗାଇବା ଏବଂ ଏହାର ଲାଭ କ’ଣ ?

ଜାଣନ୍ତୁ ରୁପି ସମସ୍ୟା ଥିଲେ କେଶରେ ନଡ଼ିଆ ପାଣି କିପରି ଲଗାଯାଏ ?
ଯଦି ଆପଣଙ୍କ ରୁପି ସମସ୍ୟା ହେଉଛି, ତେବେ ଆପଣ କେଶରେ ତାଜା ନଡିଆ ପାଣି ଲଗାଇ ପାରିବେ । ଏଥିପାଇଁ ଆପଣଙ୍କୁ ପ୍ରାୟ ଅଧା କପ୍ ନଡ଼ିଆ ପାଣି ନେବାକୁ ପଡିବ । ଏହା ପରେ ଏକ ପାତ୍ରରେ ନଡ଼ିଆ ପାଣି ବାହାର କରି ଏକ ଚାମଚ ମହୁ ମିଶାନ୍ତୁ । ତାପରେ ଏହାକୁ ତେଲ ଭଳି ମାଲିସ୍ କରି କେଶରେ ଲଗାନ୍ତୁ । ନଡିଆ ପାଣି ଲଗାଇବା ପରେ ଏହାକୁ ୨୦ ରୁ ୨୫ ମିନିଟ୍ ପର୍ଯ୍ୟନ୍ତ କେଶରେ ଛାଡିଦିଅନ୍ତୁ ଏବଂ ତାପରେ ପାଣିରେ ଭଲ ଭାବେ ଧୋଇ ଦିଅନ୍ତୁ । ଯଦି ଆପଣ ସାମ୍ପୁ କରିବାକୁ ଚାହୁଁଛନ୍ତି, ତେବେ ଆପଣ ସାମ୍ପୁରେ ମଧ୍ୟ କେଶ ଧୋଇ ପାରିବେ । ଏହିପରି ସପ୍ତାହରେ ୨ ରୁ ୩ ଥର କେଶରେ ନଡିଆ ପାଣି ବ୍ୟବହାର କରିପାରିବେ । ଏହା କେଶକୁ ନରମ କରିବ ଏବଂ ରୁପି ସମସ୍ୟା ମଧ୍ୟ ଦୂର କରିବ ।

ଜାଣନ୍ତୁ ସିଲ୍କି କେଶ ପାଇଁ ନଡିଆ ପାଣି କିପରି ବ୍ୟବହାର କରିବେ ?
କେଶ ଝଡିବା ଏବଂ ଫାଟିବା ଦୂର କରିବାରେ ନଡିଆ ପାଣି ବହୁତ ଭଲ କାମ କରିଥାଏ । ଏଥିପାଇଁ ଆପଣ ପ୍ରାୟ ଅଧା କପ୍ ସତେଜ ନଡ଼ିଆ ପାଣି ନିଅନ୍ତୁ । ଏହାପରେ ରାତିସାରା ୪ ରୁ ୫ଟି ବାଦାମକୁ ଭିଜାଇ ସକାଳେ ସେଥିରେ ଏକ ଭଲ ପେଷ୍ଟ ପ୍ରସ୍ତୁତ କରନ୍ତୁ । ତାପରେ ଏହି ପେଷ୍ଟକୁ ନଡ଼ିଆ ପାଣିରେ ମିଶାନ୍ତୁ ଏବଂ କେଶକୁ ମାଲିସ୍ କରନ୍ତୁ । ଏହାକୁ ପ୍ରାୟ ଅଧା ଘଣ୍ଟା କେଶରେ ରଖନ୍ତୁ ଏବଂ ତାପରେ ସାମ୍ପୁରେ କେଶ ଧୋଇ ଦିଅନ୍ତୁ । ତେବେ ସପ୍ତାହରେ ୧ ରୁ ୨ ଥର ଏହା କରିବା ଦ୍ୱାରା, ଆପଣଙ୍କ କେଶ କିଛି ଦିନ ମଧ୍ୟରେ ବହୁତ ନରମ ଓ ସିଲ୍କି ହୋଇଯିବ । ସେଥିପାଇଁ ଯଦି ଆପଣଙ୍କର ମଧ୍ୟ କେଶରେ ଏହି ସବୁ ସମସ୍ୟା ହେଉଛି, ତେବେ ଆପଣ ମଧ୍ୟ ନଡିଆ ପାଣି କେଶରେ ଲାଗାଇବା ଆରମ୍ଭ କରନ୍ତୁ । ଦେଖିବେ କିଛି ମଧ୍ୟରେ ଏହି ସବୁ କେଶ ସମସ୍ୟା ଦୂର ହେବ ।

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।