ଶୀତ ଋତୁରେ ତ୍ୱଚା ଶୁଷ୍କ ହୋଇଯାଉଛି କି, ଖାଆନ୍ତୁ ପିଜୁଳି; ମିଳିବ ଅନେକ ଫାଇଦା
ଥଣ୍ଡା ପାଗ ଗରମରୁ ଆରାମ ପ୍ରଦାନ କରୁଥିବାବେଳେ ଏହା ଅନେକ ପ୍ରକାର ସଂକ୍ରମଣ ମଧ୍ୟ କରିଥାଏ । ତେଣୁ, ଏହି ସମୟ ମଧ୍ୟରେ ସବୁଜ ପନିପରିବା ଏବଂ ଋତୁକାଳୀନ ଫଳ ଖାଇବା ପରାମର୍ଶ ଦିଆଯାଇଛି, ଯାହା ଦ୍ୱାରା ଆପଣ ଏହି ସମୟରେ ନିଜକୁ ରୋଗରୁ ରକ୍ଷା କରିପାରିବେ। ଏହି ଫଳଗୁଡ଼ିକ ମଧ୍ୟରୁ ଗୋଟିଏ ହେଉଛି ପିଜୁଳି, ଯାହା ଶୀତଦିନେ ଆସିଥାଏ ଏବଂ ଏହାକୁ ଲୋକମାନେ ଖାଇବାକୁ ବହୁତ ପସନ୍ଦ କରିଥାନ୍ତି ।
ଶୀତଦିନେ ଆସୁଥିବା ପିଜୁଳି ହେଉଛି ସବୁଠାରୁ ସ୍ୱାଦିଷ୍ଟ ଏବଂ ଲୋକପ୍ରିୟ ଫଳ। ପିଜୁଳି କେବଳ ସ୍ୱାଦରେ ଭଲ ନୁହେଁ ବରଂ ପୁଷ୍ଟିକର ଖାଦ୍ୟରେ ମଧ୍ୟ ପରିପୂର୍ଣ୍ଣ । ପୁଷ୍ଟିକର ବିଶେଷଜ୍ଞଙ୍କ ଅନୁଯାୟୀ, ପିଜୁଳିରେ କମ୍ ଗ୍ଲାଇସେମିକ୍ ଇଣ୍ଡେକ୍ସ (GI) ଥାଏ ଯାହା ରକ୍ତରେ ଶର୍କରା ସ୍ତର ପରିଚାଳନାରେ ସାହାଯ୍ୟ କରିଥାଏ। ଏଥିସହ ଏହା ହର୍ମୋନ୍ ସନ୍ତୁଳନ ବଜାୟ ରଖିବାରେ ଏବଂ ହୃଦୟକୁ ସୁସ୍ଥ ରଖିବାରେ ସାହାଯ୍ୟ କରିଥାଏ ।
ଏହା ଆପଣଙ୍କ ତ୍ୱଚାକୁ ସତେଜ ରଖିବାରେ ସାହାଯ୍ୟ କରେ । ଏହା ବ୍ୟତୀତ ପିଜୁଳିରେ ଜଳୀୟ ଅଂଶ ଅଧିକ ପରିମାଣରେ ରହିଛି, ଯାହା ତ୍ୱଚାରେ ଜଳୀୟ ଅଂଶକୁ ବଜାୟ ରଖେ । ଫଳରେ ଶୀତ ଦିନରେ ମଧ୍ୟ ତ୍ୱଚା ଶୁଷ୍କ ହୁଏ ନାହିଁ କିମ୍ବା ଫାଟେ ନାହିଁ ।
ଆସନ୍ତୁ ଜାଣିବା ଏହାର ଅନ୍ୟ ସୁଫଳ:
ପିଜୁଳି ଶରୀରରେ ରୋଗ ପ୍ରତିଷେଧକ ଶକ୍ତି ବଢାଇଥାଏ ।
ପିଜୁଳି ଆଣ୍ଟି ଏଜିଙ୍ଗ ଗୁଣରେ ଭରପୁର ।
ପିଜୁଳି ମଧୁମେହ ରୋଗୀଙ୍କ ପାଇଁ ବେଶ୍ ଉପାଦେୟ ।
ପିଜୁଳି ଖାଇବା ଦ୍ୱାରା ହୃଦୟ ସୁସ୍ଥ ଓ ସୁରକ୍ଷିତ ରହେ ।
