ଆବଶ୍ୟକୀୟ ସାମଗ୍ରୀ
- ପାଳଙ୍ଗ 500 ଗ୍ରାମ
- ଅଟା 500 ଗ୍ରାମ
- ଅଦା
- ବେସନ 2 ଚାମଚ
- ଜିରା ଅଳ୍ପ
- ଜିରା ଗୁଣ୍ଡ ଅଳ୍ପ
- ଲଙ୍କାଗୁଣ୍ଡ
- ଗରମ ମସଲା
- ତେଲ
- ଲୁଣ ସ୍ୱାଦ ଅନୁସାରେ
ପ୍ରସ୍ତୁତି ପ୍ରଣାଳୀ
ପାଲକ ପୁରି ପ୍ରସ୍ତୁତ କରିବା ପାଇଁ ସର୍ବପ୍ରଥମେ ପାଳଙ୍ଗ ଓ ଅଦାକୁ ଭଲଭାବେ ଧୋଇ ଏହାର ଏକ ପେଷ୍ଟ ପ୍ରସ୍ତୁତ କରନ୍ତୁ । ମନେରଖନ୍ତୁ ଏହି ପେଷ୍ଟରେ ପାଣି ମିସାଇବେ ନାହିଁ । ବର୍ତ୍ତମାନ ଏକ ପାତ୍ରରେ ଅଟା, ବେସନ, ଜିରା, ତେଲ, ମସଲା ଗୁଣ୍ଡ( ଜିରାଗୁଣ୍ଡ, ଲଙ୍କାଗୁଣ୍ଡ ଏବଂ ଗରମ ମସଲା) ଓ ଲୁଣ ପକାଇ ଭଲଭାବେ ଗୋଳାଇ ଦିଅନ୍ତୁ ।
ବର୍ତ୍ତମାନ ଏଥିରେ ପୂର୍ବ ପ୍ରସ୍ତୁତ ପେଷ୍ଟ ମିଶାଇ ଭଲଭାବେ ଚକଟନ୍ତୁ । ଭଲଭାବେ ଚକଟି ହୋଇଗଲା ପରେ ଆପଣ ଏହାକୁ ଏକ ସୁତା କପଡ଼ାରେ ଗୁଡ଼ାଇ ରଖିଦିଅନ୍ତୁ ।
କିଛି ସମୟ ପରେ ଏହାକୁ ବାହାର କରି ଛୋଟ ଛୋଟ ଗୁଳା କରି ବେଲି ଦିଅନ୍ତୁ । ବର୍ତ୍ତମାନ ଏକ ପ୍ୟାନରେ ତେଲ ଗରମ କରି ଏହାକୁ ଛାଣି ଦିଅନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କର ପଞ୍ଜାବୀ ଷ୍ଟାଇଲ ପାଲକ ପୁରି । ଏହାକୁ ଆପଣ ଯେକୌଣସି ଚଟଣି କିମ୍ବା ତରକାରୀ ସହିତ ଖାଇପାରିବେ ।