କ୍ଷୀର ସହ ମିଶାଇ ପିଅନ୍ତୁ ଜାଇଫଳ, ଚର୍ମ ଠାରୁ ଆରମ୍ଭ କରି ଗଣ୍ଠି ଯନ୍ତ୍ରଣା ସହ ଦୂର ହେବ ଅନେକ ସମସ୍ୟା
କ୍ଷୀର ପିଇବା ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି ବିବେଚନା କରାଯାଏ ।ଯଦି ଆପଣ ଏଥିରେ ଟିକେ ଜାଇଫଳ ପାଉଡର ମିଶାଇ ଦିଅନ୍ତି କିମ୍ବା ଏହାକୁ କ୍ଷୀରରେ ଫୁଟାଇବା ପିଅନ୍ତି, ତେବେ ଏହା କ୍ଷୀରର ଲାଭକୁ ଦ୍ୱିଗୁଣିତ କରିଥାଏ । ଜାଇଫଳରେ ପ୍ରୋଟିନ୍, ଫାଇବର, କ୍ୟାଲସିୟମ୍, ଆଇରନ୍, ମ୍ୟାଗ୍ନେସିୟମ୍, ଫସଫରସ୍, ପୋଟାସିୟମ୍, ସୋଡିୟମ୍, ଜିଙ୍କ୍, ଭିଟାମିନ୍ ସି, ଭିଟାମିନ୍ ବି ୬, ଭିଟାମିନ୍ ଏ ପରି ପୁଷ୍ଟିକର ଖାଦ୍ୟ ମିଳିଥାଏ । ଯାହା ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଦୂର କରିବାରେ ଲାଭଦାୟକ ହୋଇଥାଏ । ତେବେ ଆସନ୍ତୁ ଜାଣିବା ଜାଇଫଳର ଉପକାରିତା ବିଷୟରେ…
– ଜାଇଫଳରେ ଆଣ୍ଟି-ଇନଫ୍ଲାମେଟୋରୀ ଗୁଣ ଥାଏ ।ଏହାକୁ କ୍ଷୀରରେ ମିଶାଇ ପିଇବା ଦ୍ୱାରା ଗଣ୍ଠି ଏବଂ ମାଂସପେଶୀ ଯନ୍ତ୍ରଣାରୁ ମୁକ୍ତି ମିଳିଥାଏ । ଏହା ଦ୍ୱାରା ଫୁଲା ସମସ୍ୟା ମଧ୍ୟ ହ୍ରାସ ପାଇଥାଏ । ଆର୍ଥ୍ରାଇଟିସ୍ ରୋଗୀଙ୍କ ପାଇଁ ଏହାର ବ୍ୟବହାର ଅତ୍ୟନ୍ତ ଲାଭଦାୟକ ଅଟେ ।
– ଯଦି ଆପଣଙ୍କର ନିଦ୍ରାହୀନତାର ସମସ୍ୟା ଅଛି, ତେବେ ଜାଇଫଳ ଏବଂ କ୍ଷୀରର ବ୍ୟବହାର ଆପଣଙ୍କ ପାଇଁ ଲାଭଦାୟକ ଅଟେ। ଜାଇଫଳରେ ଆଣ୍ଟି ଷ୍ଟ୍ରେସ୍ ଗୁଣ ରହିଛି ଯାହା ଚାପରୁ ମୁକ୍ତି ଦେଇଥାଏ ଏବଂ ଆପଣ ନିଦ୍ରାହୀନତା ସମସ୍ୟାରୁ ମଧ୍ୟ ଆରାମ ମିଳିଥାଏ ।
– ପେଟ ସମ୍ବନ୍ଧୀୟ ସମସ୍ୟାରେ କ୍ଷୀର ଏବଂ ଜାଇଫଳ ଖାଇବା ଲାଭଦାୟକ ଅଟେ । ଏହା ହଜମ ପ୍ରକ୍ରିୟାକୁ ଠିକ୍ ରଖିବା ସହ କୋଷ୍ଠକାଠିନ୍ୟ ଏବଂ ଗ୍ୟାସର ସମସ୍ୟାକୁ ଦୂର କରିଥାଏ ।
– କ୍ଷୀର ଏବଂ ଜାଇଫଳ ପିଇବା ଦ୍ୱାରା ଚର୍ମରେ ଚମକା ଆସିଥାଏ । କ୍ଷୀର ସହିତ ଜାଇଫଳକୁ ଗ୍ରାଇଣ୍ଡ୍ କରି ଏକ ପେଷ୍ଟ ପ୍ରସ୍ତୁତ କରନ୍ତୁ ଏବଂ ଏହାକୁ ମୁହଁରେ ଲଗାନ୍ତୁ ।
– ସବୁବେଳେ ଛୋଟ ଶିଶୁର ପେଟରେ ଗ୍ୟାସ ହେବା ଭଳି ରହିଥାଏ। ଯେଉଁଥି ପାଇଁ ସବୁବେଳେ ଶିଶୁଟି ଚିଡଚିଡା ହୋଇଯାଏ। ଏମିତିରେ ଆପଣ ଶିଶଙ୍କୁ କ୍ଷୀର ଏବଂ ଜାଇଫଳ ପିଇବାକୁ ଦିଅନ୍ତୁ । ଯାହା ପେଟ ଯନ୍ତ୍ରଣାରୁ ତୁରନ୍ତ ମୁକ୍ତି ଦେବ ।
କିପରି କରିବେ ପ୍ରସ୍ତୁତ: କ୍ଷୀରରେ ଜାଇଫଳକୁ ଫୁଟାଇ ଆପଣ ସେବନ କରିପାରିବେ । ଏହା ବ୍ୟତୀତ କ୍ଷୀରରେ ଜାଇଫଳ ପାଉଡର ଫୁଟାଇ ଏକ ମିଶ୍ରଣ ପ୍ରସ୍ତୁତ କରନ୍ତୁ ପରେ ଏହାକୁ ଫିଲ୍ଟର କରି ପିଅନ୍ତୁ ।
