ଟ୍ୱିଟରରୁ ଜବ୍ ହରାଇବା ପରେ ସୋସିଆଲ ମିଡିଆରେ ନିଜ ମତ ସେୟାର କଲେ ୨୫ ବର୍ଷୀୟ ଯୁବକ, ପୋଷ୍ଟ ଜିତିଲା ସଭିଙ୍କ ମନ
ଟ୍ୱିଟରରୁ ଫାୟାର୍ ହେବା ପରେ ଜଣେ ୨୫ ବର୍ଷ ବୟସ୍କ ବ୍ୟକ୍ତିଙ୍କ ପୋଷ୍ଟ ବର୍ତ୍ତମାନ ଇଣ୍ଟରନେଟ୍ ଜିତିଛି। ବ୍ୟକ୍ତିଙ୍କ ଜୀବନ ପ୍ରତି ସକରାତ୍ମକ ଦୃଷ୍ଟିକୋଣ ପାଇଁ ବର୍ତ୍ତମାନ ଭାଇରାଲ୍ ପୋଷ୍ଟକୁ ସୋସିଆଲ୍ ମିଡିଆ ବ୍ୟବହାରକାରୀମାନେ ପ୍ରଶଂସା କରୁଛନ୍ତି। ବିଲିୟନେୟାର ଏଲୋନ୍ ମସ୍କ ଟ୍ୱିଟର ନେବା ପରେ ସୋସିଆଲ ମିଡିଆ କର୍ମଚାରୀମାନେ କମ୍ପାନୀରେ ସେମାନଙ୍କ ଭବିଷ୍ୟତ ବିଷୟରେ ଚିନ୍ତାରେ ଥିଲେ।
Just got laid off.
Bird App, it was an absolute honour, the greatest privilege ever to be a part of this team, this culture 🫡💙#LoveWhereYouWorked #LoveTwitter pic.twitter.com/bVPQxtncIg— Yash Agarwal✨ (@yashagarwalm) November 4, 2022
କମ୍ପାନୀ କିଛି କର୍ମଚାରୀ ସେମାନଙ୍କ ବହିଷ୍କାର ବିଷୟରେ ମେଲ୍ ଗ୍ରହଣ କରିବା ଆରମ୍ଭ କରିସାରିଛନ୍ତି ଏବଂ ମାଇକ୍ରୋବ୍ଲଗିଂ ପ୍ଲାଟଫର୍ମରେ ସମାନ ଭାବରେ ପୋଷ୍ଟ କରୁଛନ୍ତି। ଏହି ପଦକ୍ଷେପକୁ ନେଇ ଅନେକ କ୍ରୋଧିତ ଥିବା ବେଳେ କିଛି କର୍ମଚାରୀ ଭାଙ୍ଗି ପଡିଛନ୍ତି। କିନ୍ତୁ ଜଣେ କର୍ମଚାରୀ ବେଶ୍ ଖୁସି ଅଛନ୍ତି। ସେ କହିଛନ୍ତି “ବର୍ତ୍ତମାନ ବରଖାସ୍ତ ହୋଇଛି। ବାର୍ଡ ଆପ୍, ଏହା ମୋ ପାଇଁ ଏହା ସମ୍ମାନଜନକ ପଦ ଥିଲା। ଟ୍ୱିଟରର ଦଳର ଅଂଶ ହେବା ମୋ ପାଇଁ ଭାଗ୍ୟ ବୋଲି କହିଛନ୍ତି ୨୫ ବର୍ଷୀୟ ୟଶ ଅଗ୍ରୱାଲ।
ତାଙ୍କୁ ବରଖାସ୍ତ କରାଯିବା ବିଷୟରେ ସେ ମନ ଦୁଃଖ କରି ନଥିଲେ। ପରବର୍ତ୍ତୀ ସମୟରେ ସେ କମ୍ପାନୀରେ ବିତାଇଥିବା ସମୟ ବିଷୟରେ କହିଥିଲେ। ସେ ଟ୍ୱିଟରର ଲୋଗୋ ଥିବା ଦୁଇଟି ତକିଆ ଧରିଥିବାର ଏକ ଚିତ୍ର ମଧ୍ୟ ସେୟାର କରିଛନ୍ତି। ଏଥିରୁ ଜଣାପଡିଛି ଯେ ଚିତ୍ର ଟ୍ୱିଟର ଅଫିସରେ ନିଆଯାଇଛି। ତାଙ୍କ ବାୟୋ ଅନୁଯାୟୀ ୟଶ ଅଗ୍ରୱାଲ ସୋସିଆଲ ମିଡିଆ ପ୍ଲାଟଫର୍ମର ପବ୍ଲିକ ପଲିସି ଦଳରେ କାର୍ଯ୍ୟ କରିଥିଲେ। ଏହି ଟୁଇଟ୍ କିଛି ଘଣ୍ଟା ପୂର୍ବରୁ ପୋଷ୍ଟ କରାଯାଇଥିଲା ଏବଂ ୩,୩୦୦ ରୁ ଅଧିକ ଲାଇକ୍ ଏବଂ ଅନେକ ମନ୍ତବ୍ୟ ଗ୍ରହଣ କରାଯାଇଛି ଏହି ପୋଷ୍ଟରେ। ଅନେକ ଉପଭୋକ୍ତା ଜୀବନ ପ୍ରତି ତାଙ୍କର ସକରାତ୍ମକ ଦୃଷ୍ଟିକୋଣକୁ ପ୍ରଶଂସା କରିଥିଲେ ଏବଂ ଶ୍ରୀ ଅଗ୍ରୱାଲଙ୍କୁ ତାଙ୍କର ପରବର୍ତ୍ତୀ କାମ ପାଇଁ ଶୁଭେଚ୍ଛା ଜଣାଇଥିଲେ।