କାମ୍ବୋଡିଆ ନାଇଟ୍ କ୍ଲବରେ ନିଆଁ, ୮ ମୃତ
କାମ୍ବୋଡିଆ ନାଇଟ୍ କ୍ଲବରେ ଭୟଙ୍କର ଅଗ୍ନିକାଣ୍ଡ । ନିଆଁ ଲାଗିବା ଯୋଗୁଁ ୮ ଜଣ ମୃତ୍ୟୁବରଣ କରିଥିବା ବେଳେ ଅନେକ ଆହତ ହୋଇଛନ୍ତି । ନିଆଁକୁ ଆୟତ୍ତ କରିବା ପାଇଁ ଅଗ୍ନିଶମ କର୍ମଚାରୀଙ୍କୁ ଅନେକ ଘଣ୍ଟା ସମୟ ଲାଗିଥିଲା ।
କାମ୍ବୋଡିଆର ରାଜଧାନୀ ନେମ ପେହ୍ନ ନାମକ ନାଇଟ କ୍ଲବରେ ନିଆଁ ଲାଗି ୮ ଜଣଙ୍କର ମୃତ୍ୟୁ ହୋଇଛି । ସାଉଥ ଚାଇନା ମର୍ନିଂ ପୋଷ୍ଟ ସୂଚନା ଅନୁସାରେ, ନିଆଁରେ ପୋଡି ହୋଇ ଯାଇଥିବା ମୃତକଙ୍କ ମଧ୍ୟରେ ୬ ଜଣ ଚୀନ ନାଗରିକ ଏବଂ ୨ ଜଣ ଭିଏତନାମ ନାଗରିକ ସାମିଲ ।
ପୋଲିସ କହିବା ମୁତାବକ, ନେମ ପେହ୍ନ ସହର ୬୯୬୯ ନାଇଟ କ୍ଲବରେ ସ୍ଥାନୀୟ ସମୟାନୁସାରେ ୫ଟାରେ ନିଆଁ ଲାଗିଯାଇଥିଲା । ନିଆଁ ୫ମ ମହଲାରେ ଲାଗିଥିଲା । ତେବେ ନିଆଁ କେମିତି ଲାଗିଲା, ତାହାର ଯାଞ୍ଚ ଚାଲିଛି ।
ନିଆଁକୁ ଆୟତ୍ତ କରିବା ପାଇଁ ଅନେକ ଘଣ୍ଟା ଲାଗିଥିଲା । ପୋଲିସ ପ୍ରାରମ୍ଭିକ ଯାଞ୍ଚରୁ ସର୍ଟ ସର୍କିଟ ଯୋଗୁଁ ନିଆଁ ଲାଗିବା କଥା କହିଛି । ତେବେ କିଛି ଜଳିପୋଡି ମରିଥିବା ବେଳେ ଅନ୍ୟ କେତେକ ଅମ୍ଳଜାନ ଅଭାବ ଯୋଗୁଁ ମରିଯାଇଛନ୍ତି ।
A nightclub fire in Cambodia has killed eight people, including six Chinese nationals and two Vietnamese people at the weekend in downtown capital Phnom Penh. Local police said the victims were renovation workers and died of suffocation in the fire caused by a short circuit in… pic.twitter.com/GAVlfZzT4F
— Global Times (@globaltimesnews) July 3, 2023
ସୂଚନାଯୋଗ୍ୟ, ଗତବର୍ଷ ଡିସେମ୍ବରରେ ଥାଇ-ଭିଏତନାମା ସୀମାରେ ଥିବା ଏକ କ୍ୟାସିନୋରେ ନିଆଁ ଲାଗିଯାଇଥିଲା । ଯେଉଁଥିରେ ୨୬ ଜଣ ଲୋକ ମରିଯାଇଥିଲେ । ଏଠାରେ ମଧ୍ୟ ସର୍ଟ ସର୍କିଟ ଯୋଗୁଁ ନିଆଁ ଲାଗିଯାଇଥିଲା । ୨୦୨୨ରେ ୪୫୪ ଟି ନିଆଁଜନିତ ଦୁର୍ଘଟଣା ମାମଲା ଦାଏର ହୋଇଛି । ଯେଉଁଥିରେ ୪୨ ଲୋକ ମରିଥିବା ବେଳେ ଅନ୍ୟ ୫୫ ଜଣ ଲୋକ ଆହତ ହୋଇଛନ୍ତି ।
