ଭାଇଦୂଜ ଅବସରରେ ହିମାଚଳ ପ୍ରଦେଶରେ ଏକ ଭୟଙ୍କର ଦୁର୍ଘଟଣା ଘଟିଛି। ଯାହା ଆପଣଙ୍କ ଛାତି ଥରାଇଦେବ। ଚଣ୍ଡିଗଡ଼-ମନାଲି ଜାତୀୟ ରାଜପଥ ନିକଟରେ ଥିବା ମାଣ୍ଡି ନଦୀରେ ଏକ ପିକଅପ୍ ଭ୍ଯାନ ଖସି ପଡିଥିଲା। ଏହି ଦୁର୍ଘଟଣାରେ ୭ ଜଣଙ୍କର ମୃତ୍ୟୁ ହୋଇଥିବାବେଳେ ପିକଅପ୍ ଡ୍ରାଇଭର ଆହତ ହୋଇଛନ୍ତି।
ସୂଚନା ଅନୁଯାୟୀ ଡ୍ରାଇଭର ବାଲହର ଏକ ଟେଣ୍ଟ ହାଉସ୍ କର୍ମଚାରୀ। ଏହି ଦୁର୍ଘଟଣାରେ ପ୍ରାଣ ହରାଇଥିବା ସମସ୍ତ ୭ ଜଣ ବିହାରର ଶ୍ରମିକ ବୋଲି କୁହାଯାଉଛି। ମୃତକଙ୍କ ପରିଚୟ ଜାରି ରହିଛି। ସୂଚନା ପାଇ ପୋଲିସ ଓ ସଦର ପୋଲିସ ଷ୍ଟେସନ ଦାୟିତ୍ୱରେ ଥିବା ବିନୋଦ କୁମାର ଠାକୁର ଘଟଣାସ୍ଥଳରେ ପହଞ୍ଚିଥିଲେ। ଘଟଣା ସ୍ଥଳରେ ମୃତାହତଙ୍କୁ ଭ୍ଯାନରୁ ବାହାର କରିବା ସହିତ ଆହତଙ୍କୁ ଡାକ୍ତରଖାନାରେ ପହଞ୍ଚାଇଥିଲେ।
ପୋଲିସ କହିବା ମୁତାବକ, ସମସ୍ତ କର୍ମଚାରୀ ବିଳମ୍ବିତ ରାତିରେ ବିହାରରୁ ଆସି ବସଷ୍ଟାଣ୍ଡରେ ଓହ୍ଲାଇ ଥିଲେ। ଏହା ପରେ କଣ୍ଟ୍ରାକ୍ଟର ସେମାନଙ୍କୁ ଉଠାଇବାକୁ ଆସିଥିଲେ, କିନ୍ତୁ ବ୍ରିଜ ଘାଟ ନିକଟରେ ଥିବା ପିକଅପ୍ ଅନିୟନ୍ତ୍ରିତ ହୋଇ ତଳେ ପଡ଼ିଯାଇ ରେଲିଂ ଭାଙ୍ଗି ପଡିଥିଲା। ପଛରେ ବସିଥିବା ସମସ୍ତ ୭ ଜଣଙ୍କର ଏହି ଦୁର୍ଘଟଣାରେ ମୃତ୍ୟୁ ଘଟିଛି। ସମସ୍ତ ମୃତଦେହକୁ ଜୋନାଲ ହସ୍ପିଟାଲର ପୋଷ୍ଟ ମର୍ଟମ ହାଉସରେ ରଖାଯାଇଛି ଏବଂ ସେମାନଙ୍କ ସମ୍ପର୍କୀୟଙ୍କ ସହ ଯୋଗାଯୋଗ କରାଯାଉଛି।