ନୌସେନାରେ ହେବେ ୨୦ ପ୍ରତିଶତ ମହିଳା ଅଗ୍ନିବୀର, ଜାଣନ୍ତୁ ବର୍ତ୍ତମାନ ତିନି ସେନାରେ କେତେ ଅଛନ୍ତି ମହିଳା
ନୌସେନା କହିଛି ଯେ ଚଳିତ ବର୍ଷ ୨୦ ପ୍ରତିଶତ ମହିଳାଙ୍କୁ ଅଗ୍ନିବୀରରେ ଭର୍ତ୍ତି କରାଯିବ। ତିନିଟି ସେନା ମଧ୍ୟରୁ ନୌସେନାରେ ହିଁ ଅଧିକ ମହିଳା ଅଛନ୍ତି। ଚାରି ବର୍ଷ ପାଇଁ ସେନାରେ ନିଯୁକ୍ତି ପାଇଁ ଅଣାଯାଇଥିବା ‘ଅଗ୍ନିପଥ ସ୍କିମ୍’ରେ ମହିଳାମାନେ ମଧ୍ୟ ନିଯୁକ୍ତି ପାଇବେ। ଏହି ବର୍ଷ ନୌସେନାରେ ୩ ହଜାର ‘ଅଗ୍ନିବୀର’ ନିୟୋଜିତ ହେବେ। ଏଥିମଧ୍ୟରୁ ୨୦ ପ୍ରତିଶତ ଅର୍ଥାତ୍ ପ୍ରାୟ ୬୦୦ ମହିଳା ଅଗ୍ନିବୀର ହେବେ।
ଯେଉଁମାନେ ଅଗ୍ନିପଥ ଯୋଜନା ଅଧୀନରେ ସେନାରେ ଯୋଗ ଦିଅନ୍ତି ସେମାନଙ୍କୁ ଅଗ୍ନିବୀର କୁହାଯିବ। ଅଗ୍ନିପଥ ଯୋଜନାକୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଜୁନ୍ ୧୪ ରେ ଘୋଷଣା କରିଥିଲେ। ଏହି ଯୋଜନା ଅଧୀନରେ ୧୭.୫ ରୁ ୨୧ ବର୍ଷର ଯୁବକମାନଙ୍କୁ ତିନି ବର୍ଷ ପାଇଁ ତିନି ସେନାରେ ନିଯୁକ୍ତି ଦିଆଯିବ। ତେବେ, ଚଳିତ ବର୍ଷ ୨୩ ବର୍ଷ ଯୁବକମାନଙ୍କୁ ଛୁଟି ଦିଆଯାଇଛି। ଚାରି ବର୍ଷ ପରେ, ଏହି ଅଗ୍ନିବୀର ସେନାରେ ୨୫ ପ୍ରତିଶତ ସେନାରେ ରହିବେ ଏବଂ ଅବଶିଷ୍ଟାଂଶ ଡିସଚାର୍ଜ ହେବେ।
ଅଗ୍ନିପଥ ଯୋଜନା ଅଧୀନରେ ଚଳିତ ବର୍ଷ ତିନୋଟି ସେବାରେ ୪୬ ହଜାର ଯୁବକ ନିଯୁକ୍ତି ପାଇବେ। ୧୯୯୨ ମସିହା ପର୍ଯ୍ୟନ୍ତ ମହିଳାଙ୍କୁ କେବଳ ମେଡିକାଲ ସେବାରେ ନିଯୁକ୍ତି କରାଯାଉଥିଲା କିନ୍ତୁ ୧୯୯୨ ଜୁଲାଇ ମାସ ପରଠାରୁ ମହିଳାଙ୍କୁ ସେନାରେ ଅନ୍ୟ ବିଭାଗ, ଯେପରିକି ସର୍ଟ ସର୍ଭିସ୍ କମିଶନ ଅଫିସର ଭାବେ ଭର୍ତି କରାଗଲା। ଯେଉଁଥିରେ ମହିଳାମାନେ ୧୦ ରୁ ୧୪ ବର୍ଷ ପର୍ଯ୍ୟନ୍ତ ସେବା ପ୍ରଦାନ କରୁଥିଲେ। କିନ୍ତୁ ସୁପ୍ରିମ କୋର୍ଟଙ୍କ ଆଦେଶ ପରେ ବର୍ତ୍ତମାନ ମହିଳାଙ୍କୁ ପୁରୁଷଙ୍କ ଭଳି ପର୍ମାନେଣ୍ଟ କମିଶନ ଦିଆଯିବ। ତେବେ ସେନାର ତିନିଟି ବିଭାଗ ମଧ୍ୟରୁ ଅଧିକ ମହିଳା ଅଛନ୍ତି ନୌସେନାରେ ଅଛନ୍ତି। କହିବାକୁ ଗଲେ ୬.୫ ପ୍ରତିଶତ ମହିଳା ଅଛନ୍ତି । ସ୍ଥଳ ବାହିନୀରେ ୧୨ ହଜାର ୧୮ ଲକ୍ଷ ପୁରୁଷ ସେନା ଥିବା ବେଳେ ୬ ହଜାର ୮୦୫ ମହିଳା ସେନା ଅଛନ୍ତି।
ସେହିପରି ବାୟୁ ସେନାରେ ୧.୪୬ ଲକ୍ଷ ପୁରୁଷ ଓ ୧ ହଜାର ୬୦୭ ମହିଳା ସେନା ଅଛନ୍ତି। ମେଡ଼ିକାଲ ସର୍ଭିସରେ ୬ ହଜାର ୫୦୦ ମହିଳା ସେନା ବାହିନୀ ରହିଛନ୍ତି। ଯେଉଁଥିରେ ୧ ହଜାର ୬୬୬ ମହିଳା ଆର୍ମି ମେଡ଼ିକାଲ କୋପ (AMC), ୧୮୯ ଆର୍ମି ଡେଣ୍ଟାଲ କୋପ (ADC) ଓ ୪ ହଜାର ୭୩୪ ମିଲେଟାରୀ ନର୍ସିଂ ସର୍ଭିସ୍ (MNS) ରେ ଅଛନ୍ତି।
