ବିହାରର ଶିକ୍ଷୟିତ୍ରୀଙ୍କ ‘ଯାଦୁଗରୀ କାଲକୁଲେଟର’ର ଭିଡିଓ ଭାଇରାଲ, ଟ୍ଵିଟ୍ କରି ଏମିତି କହିଲେ ଆନନ୍ଦ ମହିନ୍ଦ୍ରା ଓ ଶାହାରୁଖ ଖାନ୍
ବିହାରର ଜଣେ ଶିକ୍ଷୟିତ୍ରୀଙ୍କର ଏକ ଖୁବ୍ ସୁନ୍ଦର ଭିଡିଓ ଏବେ ସୋସିଆଲ ମିଡିଆରେ ପ୍ରବଳମାତ୍ରାରେ ଭାଇରାଲ ହେବାରେ ଲାଗିଛି। ଭିଡିଓରେ ଜଣେ ଶିକ୍ଷୟିତ୍ରୀ ହାତକୁ କାଲକୁଲେଟର ଭାବେ ବ୍ୟବହାର କରି ଖୁବ୍ ସହଜରେ ନଅକ ପଣିକିଆ ବୁଝାଉଥିବା ଦେଖିବାକୁ ମିଳିଛି।
କେବଳ ହାତର ଆଙ୍ଗୁଠି ବ୍ୟବହାର କରି ସରଳ ଉପାୟରେ ଗଣିତର ଫର୍ମୁଲା ବୁଝାଉଥିବା ଏହି ଶିକ୍ଷୟିତ୍ରୀଙ୍କୁ ସୋସିଆଲ ମିଡିଆରେ ଖୁବ୍ ପ୍ରଶଂସା କରାଯାଉଛି। ବଲିଉଡ୍ର ସୁପରଷ୍ଟାର ଶାହରୁଖ ଖାନ୍ ଏହି ଶିକ୍ଷୟିତ୍ରୀଙ୍କ ଜ୍ଞାନକୁ ପ୍ରଶଂସା କରି ଭିଡିଓକୁ ନିଜ ଟ୍ଵିଟର ଆକାଉଣ୍ଟରେ ସେୟାର କରିଛନ୍ତି। ଅନ୍ୟପଟେ ବିଜନେସ୍ ଟାଇକୁନ୍ ଆନନ୍ଦ ମହିନ୍ଦ୍ରା ମଧ୍ୟ ଶିକ୍ଷୟିତ୍ରୀଙ୍କୁ ଭୁରି ଭୁରି ପ୍ରଶଂସା କରିଥିବା ଦେଖାଯାଇଛି।
ଆନନ୍ଦ ମହିନ୍ଦ୍ରା ଟ୍ଵିଟରରେ ଭିଡିଓ ସେୟାର କରି ଲେଖିଛନ୍ତି ଏମିତି ସୁନ୍ଦର ସର୍ଟକଟ୍ ଆଗରୁ କେବେ ବି ଦେଖିନଥିଲି। ଇଏ ମୋ ଗଣିତ ଶିକ୍ଷୟିତ୍ରୀ ହୋଇଥାନ୍ତେ କି, ମୁଁ ବି ଗଣିତରେ ଆହୁରି ଭଲ କରିଥାନ୍ତି।
Whaaaat? I didn’t know about this clever shortcut. Wish she had been MY math teacher. I probably would have been a lot better at the subject! #whatsappwonderbox pic.twitter.com/MtS2QjhNy3
— anand mahindra (@anandmahindra) January 22, 2020
ଅନ୍ୟପଟେ ବଲିଉଡ୍ର ବାଦଶାହା ଶାହାରୁଖ ଖାନ୍ ମଧ୍ୟ ଶିକ୍ଷୟିତ୍ରୀଙ୍କ ଭିଡିଓକୁ ସେୟାର କରି ଲେଖିଛନ୍ତି ଏହି ସରଳ ଉପାୟରେ କାଲକୁଲେସନ୍ କରିବା ଦ୍ୱାରା ମୋ ଜୀବନର କେତେକ ସମସ୍ୟା ସମାଧାନ ହୋଇଛି। ମୁଁ ଏହାକୁ ବାୟଜୁସ୍କୁ ପଠାଉଛି ଫଳରେ ସେମାନେ ବି ଏହାକୁ ନିଜ ପ୍ରୋଗ୍ରାମ୍ରେ ସାମିଲ କରିପାରିବେ।
Can’t tell you how many of my life’s issues this one simple calculation has solved wow! Sending it to #byju to include it in their teaching methods. https://t.co/nC8qIojGVF
— Shah Rukh Khan (@iamsrk) January 22, 2020
ସୂଚନାଯୋଗ୍ୟ ଯେ ଭିଡିଓରେ ଥିବା ଶିକ୍ଷୟିତ୍ରୀଙ୍କ ନାଁ ରୁବି କୁମାରୀ ଓ ସେ ବିହାରର ବାଙ୍କା ଜିଲ୍ଲାର ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ସହାୟକ ଶିକ୍ଷୟିତ୍ରୀ ଭାବେ କାମ କରୁଛନ୍ତି। ତାଙ୍କ ଭିଡିଓ ଭାଇରାଲ ହେବା ପରେ ରୁବି ଉଭୟ ଆନନ୍ଦ ମହିନ୍ଦ୍ରା ଓ ଶାହାରୁଖ ଖାନ୍ଙ୍କୁ ଧନ୍ୟବାଦ ଜଣାଇଥିବା ଜଣାଯାଇଛି।
Word of Thanks !
From Ruby Kumari,Govt.Teacher at UMS sarouni, Bounsi,Banka, Bihar, India.
हमारे हाथ में भी केलकुलेटर है 👇🏻 video linkhttps://t.co/qruTUweX9D@iamsrk @anandmahindra @DmBanka @iftekharbas @UNICEFIndia @Banka @hk_senapaty @DrRPNishank @NitishKumar @PMOIndia pic.twitter.com/J7jIcNmSm4— Teachersofbihar (@teachersofbihar) January 22, 2020