ମାଗଣାରେ ରାସନ ବାଣ୍ଟିବେ ମଧ୍ୟ ପ୍ରଦେଶ ସରକାର। ରାଜ୍ୟର ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ଵାନ ଏନେଇ ଘୋଷଣା କରିଛନ୍ତି। ଶିବରାଜ କହିଛନ୍ତି, ୧ ନଭେମ୍ବରରୁ ୮୯ ଜନଜାତି ଥିବା ବ୍ଲକରେ ପ୍ରତି ଘରକୁ ମାଗଣାରେ ରାସନ ଦିଆଯିବ। ଆଦିବାସୀ ଜନଜାତିଙ୍କୁ ନିଜ କାମ ଛାଡ଼ି ଆଉ ରାସନ ଦୋକାନକୁ ଆସିବାକୁ ପଡ଼ିବନି। ଏଥିପାଇଁ ତାଙ୍କ ଗାଡ଼ି ବ୍ୟବହାର କରାଯିବ ଓ ପ୍ରତି ଘରେ ରାସନ ପହଞ୍ଚାଯିବ ବୋଲି ମନ୍ତ୍ରୀ ଘୋଷଣା କରିଛନ୍ତି।
We will start doorstep delivery of rations in 89 tribal blocks from November 1, the foundation day of Madhya Pradesh. Tribals won’t need to visit ration shops by leaving their work. Vehicles owned by tribals will be hired for the distribution work: CM Shivraj Singh Chouhan(18.09) pic.twitter.com/UEklkB8wUZ
— ANI (@ANI) September 18, 2021
ଜବଲପୁରରେ ସ୍ୱାଧୀନତା ସଂଗ୍ରାମରେ ଅଂଶଗ୍ରହଣ କରିଥିବା ଜନଜାତି ନେତାଙ୍କ ସମ୍ମାନରେ ଶନିବାର ଆୟୋଜିତ ଗୌରବ ଦିବସ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଲୋକଙ୍କୁ ସମ୍ବୋଧିତ କରିଛନ୍ତି। ଏ ଅବସରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ଉପସ୍ଥିତ ଥିଲେ।
କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ କହିଛନ୍ତି, କଂଗ୍ରେସ ସରକାର ବେଳେ ଜନଜାତି ସମୁଦାୟର ଛାତ୍ରଙ୍କୁ ଦିଆଯାଉଥିବା ସ୍କଲାରସିପ୍ ରାଶି ମାସକୁ ୨୦୦-୩୦୦ ଟଙ୍କା ଥିଲା। କିନ୍ତୁ ବିଜେପି ସରକାର ଆସିବା ପରେ ଏହି ରାଶି ବଢ଼ି ୧୨୦୦-୧୩୦୦ ଟଙ୍କା ହୋଇଛି। ଜନଜାତିଙ୍କ ଉନ୍ନତି ପାଇଁ ନରେନ୍ଦ୍ର ମୋଦି ସରକାର ସବୁବେଳେ ଉଦ୍ୟମ କରୁଛନ୍ତି ବୋଲି କହିଛନ୍ତି ମୁଖ୍ୟମନ୍ତ୍ରୀ।