ଆଜିଠାରୁ କଂଗ୍ରେସ ଆରମ୍ଭ କରିବ ‘ଭାରତ ଯୋଡୋ ଯାତ୍ରା’: ୧୨ ଟି ରାଜ୍ୟ ପରିଦର୍ଶନ କରିବେ ରାହୁଲ ଗାନ୍ଧୀ, ପିତା ରାଜୀବଙ୍କୁ ଅର୍ପଣ କଲେ ଶ୍ରଦ୍ଧାଞ୍ଜଳି

ଆଜିଠାରୁ ଆରମ୍ଭ ହେବ ‘ ଭାରତ ଯୋଡୋ ଯାତ୍ରା ‘। କନ୍ୟାକୁମାରୀରେ ଏକ ମେଗା ରାଲିରେ କଂଗ୍ରେସ ଏହାର ୩,୫୭୦ କିଲୋମିଟର ଲମ୍ବା ‘ଭାରତ ଯୋଡୋ ଯାତ୍ରା’ ଆରମ୍ଭ କରିବ। କଂଗ୍ରେସ ସାଂସଦ ରାହୁଲ ଗାନ୍ଧୀ ବୁଧବାର ଚେନ୍ନାଇରେ ପହଞ୍ଚିଛନ୍ତି। ଏଠାରେ ସେ ତାଙ୍କ ପିତା ରାଜୀବ ଗାନ୍ଧୀଙ୍କ ସମାଦୀ ସକାଳେ ପରିଦର୍ଶନ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ତେବେ ଏହି ଯାତ୍ରାକୁ ତାମିଲନାଡୁ ବିଜେପି ମୁଖ୍ୟ ନିନ୍ଦା କରିଛନ୍ତି। ତାମିଲନାଡୁ ବିଜେପି ମୁଖ୍ୟ ଅନନାମଲାଇ କହିଛନ୍ତି ଯେ ରାହୁଲ ଗାନ୍ଧୀ ‘ଯୋଡୋ ଇଣ୍ଡିଆ’ ପାଇଁ ପ୍ରସିଦ୍ଧ ନୁହଁ ‘ଭାରତ ଛାଡ’ ଯାତ୍ରା ପାଇଁ ପ୍ରସିଦ୍ଧ। ଯେତେବେଳେକି ରାହୁଲ ଗାନ୍ଧୀ ଏହି ଯାତ୍ରା ମାଧ୍ୟମରେ ଦେଶ ଭ୍ରମଣ କରିବେ। ସେତେବେଳେ ସେ ଜାଣିବେ ଯେ ଆଠ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ମୋଦୀ କିପରି ଦେଶ ପରିବର୍ତ୍ତନ କରିଛନ୍ତି।

କନ୍ୟାକୁମାରୀରେ ସେ ଏକ କାର୍ଯ୍ୟକ୍ରମରେ ଯୋଗଦେବେ, ଯେଉଁଠାରେ ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ, ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଏବଂ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଗେଲ ଉପସ୍ଥିତ ରହିବେ। ଖଦିର ଜାତୀୟ ପତାକା ଏଠାରେ ରାହୁଲଙ୍କୁ ହସ୍ତାନ୍ତର କରାଯିବ। କଂଗ୍ରେସ କହିଛି ଯେ ଏହି ସମାବେଶକୁ ଆଦର୍ଶ ଏବଂ ଅର୍ଥନୈତିକ ଅସମାନତା, ସାମାଜିକ ପୋଲାରାଇଜେସନ୍ ଏବଂ ରାଜନୈତିକ କେନ୍ଦ୍ରୀକରଣର ମୁକାବିଲା ପାଇଁ ଆୟୋଜନ କରାଯାଉଛି।

କଂଗ୍ରେସର ଭାରତ ଯୋଡ ଯାତ୍ରା ଆଜିଠାରୁ ଆରମ୍ଭ ହେବ, ପାଞ୍ଚ ମାସ ମଧ୍ୟରେ ୩୫୭୦ କିଲୋମିଟର ଅତିକ୍ରମ କରିବ କରିବେ ପାର୍ଟି ଅଧିକାରୀ। ଏହି ଯାତ୍ରା ପାଞ୍ଚ ମାସ ମଧ୍ୟରେ ୧୨ ଟି ରାଜ୍ୟ ଏବଂ ଦୁଇଟି ୟୁନିଅନ୍ ବା କେନ୍ଦ୍ର ଶାସିତ ଅଞ୍ଚଳକୁ ଅନ୍ତର୍ଭୁକ୍ତ କରିବ। କହିବାକୁ ଗଲେ କନ୍ୟାକୁମାରୀ ଠାରୁ ଶ୍ରୀନଗର ପର୍ଯ୍ୟନ୍ତ ୩,୫୭୦ କିଲୋମିଟର ଯାତ୍ରା ଯାହାକି ପାଞ୍ଚ ମାସରେ ୧୨ ଟି ରାଜ୍ୟ ଓ ଦୁଇଟି କେନ୍ଦ୍ର ଶାସିତ ଅଞ୍ଚଳ କଭର କରିବ। ତେବେ ଏହା ବାସ୍ତବରେ ସେପ୍ଟେମ୍ବର ୮ ରେ ସକାଳ ୭ ଟାରୁ ଆରମ୍ଭ ହେବ ଯେତେବେଳେ ରାହୁଲ ଗାନ୍ଧୀ ଏବଂ ଅନ୍ୟାନ୍ୟ କଂଗ୍ରେସ ନେତା ଏହି ପଦଯାତ୍ରା ଆରମ୍ଭ କରିବେ।

Leave A Reply

Your email address will not be published.