ମଧ୍ୟପ୍ରଦେଶରେ ମନରେଗା ଜବ କାର୍ଡରେ ଏକ ଘୋଟାଲା ସାମ୍ନାକୁ ଆସିଛି । ବାସ୍ତବରେ ଏଠାରେ ଏମିତି ଘଟଣା ସାମ୍ନାକୁ ଆସିଛି । ଯେଉଁଥିରେ MGNREGA ମଜୁରୀର ଜବ କାର୍ଡରେ ଦୀପିକା ପାଦୁକୋନ ଏବଂ ଜ୍ୟାକଲିନ ଫର୍ଣ୍ଣାଣ୍ଡିସଙ୍କ ଫଟୋ ରହିଛି । ତେବେ ଏହି କାର୍ଡରେ ଜୁନ୍ ଏବଂ ଜୁଲାଇ ମାସର ଦରମା ମଧ୍ୟ ଉଠା ଯାଇ ସାରିଛି ।
ଖବର ଅନୁଯାୟୀ କର୍ତ୍ତୃପକ୍ଷଙ୍କ ନିକଟକୁ ଏହିଭଳି ଅନେକ କାର୍ଡ ଆସିଛି ଯେଉଁଥିରେ ଅଭିନେତ୍ରୀଙ୍କ ଫଟୋ ଲଗାଇ ଲକ୍ଷ ଲକ୍ଷ ଟଙ୍କା ପ୍ରତ୍ୟାହାର କରାଯାଇଛି। ଯେତେବେଳେ ଚାକିରୀ କାର୍ଡର ଉପଯୁକ୍ତ ହିତାଧିକାରୀମାନେ MNREGAରେ କାମ କରି ସେମାନଙ୍କ ରାଶି ପାଇ ନଥିଲେ ସେତେବେଳେ ଏହି ବିଷୟ ଜଣାପଡିଥିଲା । ତେବେ ସେମାନେ ଅନଲାଇନରେ ପଚାରିବା ପରେ ଜାଣିବାକୁ ପାଇଲେ ଯେ ସେମାନଙ୍କ କାର୍ଡ ନକଲି ଥିଲା । ସୂଚନା ଅନୁଯାୟୀ ଆରଟିଆଇ କାର୍ଯ୍ୟକର୍ତ୍ତା ସନ୍ଦୀପ ମାଣ୍ଡାର କହିଛନ୍ତି ଯେ ଏହା କୌଣସି ବୈଷୟିକ ତ୍ରୁଟି ହେତୁ ନୁହେଁ, ବରଂ ଏହା ଏକ ସୁଚିନ୍ତିତ ଷଡଯନ୍ତ୍ର ଯେଉଁଥିରେ ଲକ୍ଷ ଲକ୍ଷ ଟଙ୍କାର ଦୁର୍ନୀତି ଘଟିଛି। ଏହାକୁ ଉଚ୍ଚ ସ୍ତରରେ ପରୀକ୍ଷା କରାଯିବା ଉଚିତ ବୋଲି ସେ କହିଛନ୍ତି । ତେବେ ଇଣ୍ଟରନେଟରେ ଅଭିନେତ୍ରୀମାନଙ୍କ ଫଟୋ ଦେଖି ଅନେକ ଗ୍ରାମବାସୀ ବି ଆଶ୍ଚର୍ଯ୍ୟ ହୋଇଯାଇଥିଲେ ବୋଲି କହିଛନ୍ତି ।