ଭାବନା ସମସ୍ତଙ୍କର ଥାଏ ସେ ମଣିଷ ହେଉ କି ପଶୁ । ଟିକେ ଭାବନ୍ତୁ ଆପଣଙ୍କୁ ଯଦି କୌଣସି ଏକ ପିଞ୍ଜରା ଭିତରେ ବନ୍ଦ କରିଦିଆଯାଏ ଏବଂ ସେଥିରେ ଆପଣଙ୍କ ଅନୁମତି ବିନା କିଏ ଆପଣଙ୍କ ସହିତ ସେଲ୍ଫି ନିଏ ତେବେ ଆପଣଙ୍କୁ କେମିତି ଲାଗିବ । ମନ ହେବ କି ବୁଲେଇକି ଗୋଟେ ଚାପୁଡା ମାରନ୍ତି କି । କିଛି ଏମିତି ହିଁ ଘଟିଛି ଏକ ହାତୀ ସହିତ । କିଛି ଲୋକ ହାତୀର ଫଟୋ ଉଠାଇ ମଜା ନେଉଥିଲେ । ଯାହା ହାତୀଟିକୁ ପସନ୍ଦ ଆସିନଥିଲା । ତାପରେ ହାତୀଟି ନିଜ ଶୁଣ୍ଢ ସାହାଯ୍ୟରେ ଏମିତି କିଛି କଲା ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି ।
ଦେଖନ୍ତୁ ଭିଡିଓ :
When in Zambia….don’t stand too close!!#phoneenvy #elephants #MissionZ2019 #viralvideo pic.twitter.com/HybhmYe6Vn
— Ernie Ley (@FritoCorn1) June 28, 2019
ଏହି ଭିଡିଓଟି ଏରନେଇ ଲେ ନାମକ ଏକ ଟ୍ବିଟର ୟୁଜର ସେୟାର କରିଛନ୍ତି । ଏହି ଭିଡିଓରେ କିଛି ପର୍ଯ୍ୟଟକ ହାତୀର ମଜା ନେଉଥିବାର ନଜର ଆସୁଛନ୍ତି । କିନ୍ତୁ ଏହି ମଜା ସମୟରେ ଜଣେ ମହିଳା ନିଜ ମୋବାଇଲରେ ଯେମିତି ହିଁ ଫଟୋ ଉଠାଇବାକୁ ଆରମ୍ଭ କରିଛନ୍ତି ହାତୀଟିକୁ ତାହା ପସନ୍ଦ ଆସିନାହିଁ । ଫଳରେ ହାତୀଟି ଫଟୋ ଉଠାଉଥିବା ମହିଳାଙ୍କୁ ଶୁଣ୍ଢରେ ଏମିତି ପ୍ରହାର କରିଛି ଯାହାପରେ କେବେବି ମହିଳା ଜଣଙ୍କ ଆଉ ଫଟୋ ଉଠାବାକୁ ସାହାସ କରିବେନି । ତେବେ ଏହି ସମୟର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ କିଏ ହାତୀ ସପକ୍ଷରେ ଯୁକ୍ତି କରିଛନ୍ତି ତ କିଏ ମହିଳାଙ୍କ ପକ୍ଷରେ ମଧ୍ୟ ସ୍ବର ଉଠାଇଛନ୍ତି ।