ପରାଜୟ ପରେ ଇସ୍ତଫା ପର୍ବ ଆରମ୍ଭ, ଟିମ୍ ଇଣ୍ଡିଆର ବଡ଼ ସଦସ୍ୟ ନେଲେ ବିଦାୟ
ବିଶ୍ୱକପରୁ ବିଦା ହୋଇଛି ବିରାଟ ବାହିନୀ । ନ୍ୟୁଜିଲାଣ୍ଡ ଠାରୁ ୧୮ ରନରେ ପରାସ୍ତ ହୋଇ ଫାଇନାଲ ଆଶାକୁ ଧୂଳିସାତ କରିଛି ଟିମ୍ ଇଣ୍ଡିଆ । ଲକ୍ଷ୍ୟ ବେଶି ବଡ଼ ନଥିଲା । ହେଲେ ଲଢ଼େଇ କରିଥିଲେ ମଧ୍ୟ ପାଖାପାଖି ଯାଇ ମାତ୍ର ୧୮ ରନ୍ରେ ହାରିଗଲା ଭାରତ । ଯାହା ଆଦୌ ଆଶା କରାଯାଉ ନଥିଲା ତାହା କରି ଦେଖାଇଲା ଟିମ୍ ଇଣ୍ଡିଆ । ବର୍ଷା ଯୋଗୁଁ ବାଧାପ୍ରାପ୍ତ ଆଇସିସି ବିଶ୍ବକପ୍ ପ୍ରଥମ ସେମିଫାଇନାଲରେ ଏମିତି ଭାବେ ହାରିଲା ଯେ ଯାହାକୁ କେହି ସ୍ବପ୍ନରେ ବି ଭାବି ନଥିଲେ । ତେବେ ବିଶ୍ୱକପ ଆରମ୍ଭରୁ ବିଜୟ ଅଭିଯାନକୁ ଖୁବ୍ ସୁନ୍ଦର ଭାବରେ ଆରମ୍ଭ କରିଥିଲା ଭାରତ । କିନ୍ତୁ ସେମିଫାଇନାଲରେ ପରାଜୟ ପରେ ଭାଙ୍ଗିଯାଇଛି ୧୩୦ କୋଟି ଭାରତୀୟଙ୍କ ସ୍ୱପ୍ନ ।
ଏହା ସହ ପଢନ୍ତୁ ସେମି ଫାଇନାଲରେ କାହିଁକି ହାରିଲା ଟିମ୍ ଇଣ୍ଡିଆ? ଧୋନୀଙ୍କ ବ୍ୟାଟିଂ କ୍ରମକୁ ନେଇ ପ୍ରଶ୍ନ ଉଠାଇଲେ ବରିଷ୍ଠ ଖେଳାଳି
ଆଉ ଟିମ୍ ଇଣ୍ଡିଆର ଏହି ପରାଜୟ ପରେ ଆରମ୍ଭ ହୋଇଛି ଇସ୍ତଫାର ପର୍ବ । ଆଜ୍ଞା ହଁ ଭାରତୀୟ ଟିମ ମ୍ୟାନେଜମେଂଟର ଜଣେ ସଦସ୍ୟ କାଲି ଇସ୍ତଫା ଦେଇଛନ୍ତି । ଫିଜିଓ ପେଟ୍ରିକ୍ ଫରହାର୍ଟ ନିଜ ପଦରୁ ଇସ୍ତଫା ଦେଇଛନ୍ତି । ଇସ୍ତଫା ଦେବା ପରେ ନିଜ ଟୁଇଟର ଆକାଉଂଟରେ ଲେଖିଛନ୍ତି, ଭାରତୀୟ ଟିମ୍ ସହ ମୋର ଶେଷ ଦିନ । ଆମେ ଯେମିତି ଚାହୁଁଥିଲୁ ସେମିତି ପ୍ରଦର୍ଶନ କରିପାରିଲୁ ନାହିଁ । ମୁଁ ବିସିସିଆଇକୁ ଧନ୍ୟବାଦ ଦେବି ଯିଏ ମତେ ଭାରତୀୟ ଟିମ୍ ସହ ୪ ବର୍ଷ କାମ କରିବା ପାଇଁ ସୁଯୋଗ ଦେଲେ ।
Whilst my last day with the team did not turn out as I wanted it to, I would like to thank @BCCI for the opportunity to work with the team for the last 4 years. My best wishes to all of the players and support staff for the future #TeamIndia
— Patrick Farhart (@patrickfarhart) 10 July 2019
