ଭାରତରେ ପିଏଚ୍ଡି କରିବାକୁ ଇଚ୍ଛୁକ ଛାତ୍ରଛାତ୍ରୀଙ୍କ ପାଇଁ USIEF ର ଫେଲୋସିପ୍, ବିଦେଶ ଭ୍ରମଣ ସହ ମିଳିବ ଏସବୁ ସୁବିଧା
ଭାରତୀୟ ଇନ୍ଷ୍ଟିଚ୍ୟୁଟ୍ରେ ପିଏଚ୍ଡି (Ph.D) ପାଇଁ ରେଜିଷ୍ଟ୍ରେସନ୍ କରିଥିବା ଛାତ୍ରଛାତ୍ରୀଙ୍କ ପାଇଁ ୟୁନାଇଟେଡ୍ ଷ୍ଟେଟ୍ସ-ଇଣ୍ଡିଆ ଏଜୁକେସନାଲ ଫାଉଣ୍ଡେସନ୍ United States-India Educational Foundation (USIEF) ପକ୍ଷରୁ ଫୁଲବ୍ରାଇଟ୍ କଲାମ୍ କ୍ଲାଇମେଟ୍ ଫେଲୋସିପ୍ (Fulbright Kalam Climate Fellowship) ଘୋଷଣା କରାଯାଇଛି। ଡକ୍ଟରାଲ ରିସର୍ଚ୍ଚ ୨୦୨୩-୨୪ ପାଇଁ ଏହି ଫେଲୋସିପ୍ର ଘୋଷଣା ହୋଇଛି। ଭାରତର ବିଭିନ୍ନ ସମ୍ବଳ ଉପରେ ରିସର୍ଚ୍ଚ କରୁଥିବା ତଥା ଉଚ୍ଚ ଆକାଂକ୍ଷାସମ୍ପନ୍ନ ଛାତ୍ରଛାତ୍ରୀ ଏଥିପାଇଁ ଆବେଦନ କରିପାରିବେ ।
ୟୁଏସ୍ର ଆବେଦନକାରୀ ଯେଉଁମାନେ ଭାରତୀୟ ଇନ୍ଷ୍ଟିଚ୍ୟୁଟ୍ରେ ପିଏଚ୍ଡି ଡିଗ୍ରୀ ପାଇଁ ୧ ନଭେମ୍ବର ୨୦୨୧ ପୂର୍ବରୁ ରେଜିଷ୍ଟେସନ୍ କରିଛନ୍ତି, ସେମାନେ ଏଥିପାଇଁ ଆବେଦନ କରିପାରିବେ। ଏହି ଫେଲୋସିପ୍ ପାଇଁ ଆବେଦନ କରିବାର ଶେଷ ତାରିଖ ରହିଛି ୧୫ ସେପ୍ଟେମ୍ବର ୨୦୨୨। ସେପ୍ଟେମ୍ବର ୧୫ ଦିନ କିମ୍ବା ତା’ ପୂର୍ବରୁ ପ୍ରାର୍ଥୀ ଏଥିପାଇଁ ଆପ୍ଲାଏ କରିପାରିବେ।
#Fellowship Applications invited for 2023-2024 Fulbright-Kalam Climate Fellowships
USIEF administers the Fulbright-Kalam Climate Fellowships to build long-term capacity to address climate change-related issues in India and the U.S.Apply: https://t.co/pD8yM3GODQ pic.twitter.com/fvKBONqgqm
— NGOBOX India (@NGOBOX) April 14, 2022
ମିଳିବ ଏସବୁ ସୁବିଧା:
ଏହି ଫେଲୋସିପ୍ରେ ପ୍ରାର୍ଥୀଙ୍କୁ ଜେ ୧ ଭିସା (J-1 Visa Support), ମାସିକ ଷ୍ଟାଇପେଣ୍ଡ୍, ୟୁଏସ୍ ସରକାରଙ୍କ ଗାଇଡ୍ ଲାଇନ୍ ଅନୁସାରେ ଦୁର୍ଘଟଣା ଓ ଅସୁସ୍ଥତାଜନିତ ସାହାଯ୍ୟ, ଭାରତ ଓ ଆମେରିକାକୁ ଇକୋନୋମିକ କ୍ଲାସ୍ରେ ବିମାନ ଯାତ୍ରା ସୁଯୋଗ (Round-trip economy class air travel between India and the U.S), ସବୁ ପ୍ରକାରର ରହଣି ସୁବିଧା ଯୋଗାଇ ଦିଆଯିବ। ଏଥିସହ ଛାତ୍ରଛାତ୍ରୀଙ୍କୁ ରିସର୍ଚ୍ଚ ଓ ପ୍ରାକ୍ଟିକାଲ ପାଇଁ ଗମନାଗମନ ଖର୍ଚ୍ଚ ମଧ୍ୟ ଯୋଗାଇ ଦିଆଯିବ।
ଜରୁରୀ ସୂଚନା:
- ଆବେଦନ କାରୀଙ୍କୁ ଅନ୍ଲାଇନ୍ରେ ଫର୍ମପୂରଣ କରିବାକୁ ହେବ। ଏଥିପାଇଁ https://apply.iie.org/ffsp2023/ ଉପରେ କ୍ଲିକ୍ କରନ୍ତୁ।
- ଅନ୍ଲାଇନ୍ରେ ଫର୍ମ ପୂରଣ କରିବା ପୂର୍ବରୁ ସମସ୍ତ ସୂଚନା Application Instructions କୁ ସତର୍କତାର ସହ ପଢ଼ନ୍ତୁ।
- ସବ୍ମିଟ୍ କରିବା ପୂର୍ବରୁ ଫର୍ମକୁ ପୁନର୍ବାର ଯାଞ୍ଚ କରନ୍ତୁ।
- ଅଧା ପୂରଣ ହୋଇଥିବା ଫର୍ମକୁ ଗ୍ରହଣ କରାଯିବ ନାହିଁ।
ଅଧିକ ସୂଚନା ପାଇଁ ଅଫିସିଆଲ ୱେବ୍ସାଇଟ୍ https://www.usief.org.in/Fellowships/Fulbright-Kalam-Climate-Fellowship.aspx କୁ ଯାଆନ୍ତୁ।
