NEETର ୧,୫୬୩ ଛାତ୍ରଛାତ୍ରୀଙ୍କୁ ମିଳିଥିବା ଗ୍ରେସ୍ ମାର୍କ ହେବ ରଦ୍ଦ, ପୁଣିଥରେ ଦେବାକୁ ପଡ଼ିବ ପରୀକ୍ଷା
ମେଡିକାଲ୍ ପ୍ରବେଶିକା ପରୀକ୍ଷା (NEET)ରେ ୧,୫୬୩ ଛାତ୍ରଛାତ୍ରୀଙ୍କୁ ଦିଆଯାଇଥିବା ଗ୍ରେସ୍ ମାର୍କ ରଦ୍ଦ ହେବ । କେନ୍ଦ୍ର ଏହି ସୂଚନା ସୁପ୍ରିମକୋର୍ଟଙ୍କୁ ଦେଇଛନ୍ତି । NEETର ଏହି ସମସ୍ତ ୧,୫୬୩ ପ୍ରାର୍ଥୀଙ୍କ ସ୍କୋରକାର୍ଡକୁ ରଦ୍ଦ କରାଯିବ । ଗୁରୁବାର କୋର୍ଟଙ୍କୁ ଦିଆଯାଇଥିବା ବିବୃତ୍ତିରେ କେନ୍ଦ୍ର ଘୋଷଣା କରିଛି ଯେ ଏହି ଛାତ୍ରଛାତ୍ରୀଙ୍କୁ ପୁଣି ଥରେ ପରୀକ୍ଷା ଦେବାର ବିକଳ୍ପ ଦିଆଯିବ ।
NEETରେ ଗ୍ରେସ୍ ମାର୍କିଂକୁ ନେଇ NTA ସୁପ୍ରିମକୋର୍ଟଙ୍କୁ କହିଛନ୍ତି ଯେ ୧,୫୬୩ ଛାତ୍ରଛାତ୍ରୀଙ୍କୁ ଗ୍ରେସ୍ ମାର୍କ ଦିଆଯାଇଛି । ସେମାନଙ୍କୁ ପୁଣିଥରେ ପରୀକ୍ଷା ଦେବାର ବିକଳ୍ପ ଦିଆଯାଉଛି । ଯେଉଁ ଛାତ୍ରଛାତ୍ରୀ ପୁନର୍ବାର ପରୀକ୍ଷା ଦେବାକୁ ଚାହାଁନ୍ତି ନାହିଁ, ସେମାନଙ୍କୁ ବିନା ଗ୍ରେସ୍ ମାର୍କରେ ସେମାନଙ୍କର ମୂଳ ମାର୍କ ଦିଆଯିବ ।
NEET ପରୀକ୍ଷା ଫଳାଫଳ ବିବାଦରେ ସୁପ୍ରିମକୋର୍ଟରେ ଶୁଣାଣି ଚାଲିଛି । ପରୀକ୍ଷା ସ୍କାମ୍କୁ ନେଇ ଦାଖଲ ହୋଇଥିବା ତିନୋଟି ଆବେଦନ ଉପରେ ଶୁଣାଣି ଚାଲିଛି । NTA ନିଟ୍ରେ ଗ୍ରେସ୍ ମାର୍କ ପାଇଥିବା ଛାତ୍ରଛାତ୍ରୀଙ୍କୁ ପୁନଃ ପରୀକ୍ଷା ଦେବାର ବିକଳ୍ପ ଦେଇଛି । ଏହିପରି ବର୍ତ୍ତମାନ ୧,୫୬୩ ଛାତ୍ରଛାତ୍ରୀଙ୍କୁ ପୁନର୍ବାର ପରୀକ୍ଷା ଦେବାକୁ ପଡିବ । ସେମାନଙ୍କ ସ୍କୋରକାର୍ଡ ରଦ୍ଦ କରି ଦିଆଯାଇଛି ।
ଆସନ୍ତା ଜୁନ୍ ୨୩ରେ ପୁନର୍ବାର ପରୀକ୍ଷା ହେବ ଏବଂ ଫଳାଫଳ ଜୁନ୍ ୩୦ ସୁଦ୍ଧା ଘୋଷଣା କରାଯିବ । ସେପଟେ ସୁପ୍ରିମକୋର୍ଟ NEET କାଉନସେଲିଂ ଉପରେ ପ୍ରତିବନ୍ଧକ ଲଗାଇବାକୁ ମନା କରି ଦେଇଛନ୍ତି । ପରୀକ୍ଷାରେ ଛାତ୍ରଛାତ୍ରୀମାନଙ୍କୁ ଦିଆଯାଇଥିବା ଗ୍ରେସ୍ ମାର୍କ ଉପରେ କୋର୍ଟରେ ଯୁକ୍ତି ଉପସ୍ଥାପନ କରାଯାଉଛି ।
କୋର୍ଟ ଆବେଦନକାରୀଙ୍କୁ କହିଛନ୍ତି ଯେ NTA ଆପଣଙ୍କ କଥା ଗ୍ରହଣ କରିଛନ୍ତି ଏବଂ ସେ ଗ୍ରେସ୍ ମାର୍କ ହଟାଉଛନ୍ତି । ଏହି ଛାତ୍ରଛାତ୍ରୀମାନଙ୍କୁ ରି-ନିଟ୍ ପରୀକ୍ଷାରେ ହାଜର ହେବାକୁ ବିକଳ୍ପ ଦିଆଯାଇଛି । ଏହି ଛାତ୍ରଛାତ୍ରୀମାନେ ବର୍ତ୍ତମାନ ପୁନଃ ପରୀକ୍ଷା ଦେଇପାରନ୍ତି କିମ୍ବା ଗ୍ରେସ୍ ମାର୍କ ଥିବା ମାର୍କସିଟ୍ ସହିତ NEET UG କାଉନସେଲିଂରେ ସାମିଲ ହୋଇପାରନ୍ତି ।
ତେବେ ପ୍ରତ୍ୟେକ ଛାତ୍ରଛାତ୍ରୀ ପୁନର୍ବାର ପରୀକ୍ଷା ପାଇଁ ଆବେଦନ କରିପାରିବେ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି । କେବଳ ସେହିମାନେ ପୁନଃ ପରୀକ୍ଷା ଦେଇପାରିବେ, ଯାହାଙ୍କର ସମୟ କମ୍ କରି ଦିଆଯାଇଥିଲା । କହି ରଖୁଛୁ ଯେ ଆବେଦନକାରୀ ସୁପ୍ରିମକୋର୍ଟରେ ଦାବି କରିଛନ୍ତି ଯେ ଗ୍ରେସ୍ ମାର୍କ ଦେବାରେ ଅନିୟମିତତା ହୋଇଛି । ତେଣୁ ପରୀକ୍ଷା ବାତିଲ କରି ପୁନର୍ବାର କରାଯାଉ ।
