ଚତୁର୍ଥ ଥର ପରିବର୍ତ୍ତନ ହେଲା ଜୁନିଅର ଏନଟିଆରଙ୍କ ଫିଲ୍ମ ‘ଦେବରା ପାର୍ଟ ୧’ର ରିଲିଜ୍ ଡେଟ୍, ଜାଣନ୍ତୁ କେବେ
ଚଳିତ ବର୍ଷର ସାଉଥ ସୁପରଷ୍ଟାର ଜୁନିଅର ଏନଟିଆର ତାଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଦେବରା ପାର୍ଟ ୧’କୁ ନେଇ ଖୁବ୍ ଚର୍ଚ୍ଚାରେ ରହିଛନ୍ତି । ଯେଉଁଠାରେ ଦର୍ଶକମାନେ ଏହି ଫିଲ୍ମର ରିଲିଜକୁ ଉତ୍ସାହର ସହିତ ଅପେକ୍ଷା କରିଛନ୍ତି । ବର୍ତ୍ତମାନ ସୂଚନା ରହିଛି ଯେ ନିର୍ମାତାମାନେ ଏହାର ରିଲିଜକୁ ସ୍ଥଗିତ ରଖିଛନ୍ତି । ଚତୁର୍ଥ ଥର ପାଇଁ ଜୁନିଅର ଏନଟିଆର ଜାହ୍ନବୀ କପୁର ଏବଂ ସୈଫ ଅଲି ଖାନଙ୍କ ଅଭିନୀତ ଫିଲ୍ମ ‘ଦେବରା ପାର୍ଟ ୧’ ର ରିଲିଜ୍ ଡେଟ୍ ପରିବର୍ତ୍ତନ କରାଯାଇଛି । ଏବେ ସୋସିଆଲ ମିଡିଆରେ ‘ଦେବରା’ର ଏକ ନୂଆ ପୋଷ୍ଟର ମଧ୍ୟ ସେୟାର କରାଯାଇଛି, ଯେଉଁଥିରେ ସାଉଥ୍ର ସୁପରଷ୍ଟାର ଜୁନିଅର ଏନଟିଆର ଆକ୍ସନ୍ ଲୁକ୍ରେ ନଜର ଆସିଛନ୍ତି ।
ବର୍ତ୍ତମାନର ସୂଚନା ଅନୁସାରେ, ସେପ୍ଟେମ୍ବର ୨୭ ରେ ରିଲିଜ୍ ହେବାକୁ ଯାଉଛି । ଏହାପୂର୍ବରୁ ଏହି ଫିଲ୍ମ ଅକ୍ଟୋବର ୧୦ରେ ରିଲିଜ ହେବାର ଥିଲା । ଏହି ଫିଲ୍ମଟି ଦେବରା ଉପକୂଳବର୍ତ୍ତୀ ଭୂମି ଉପରେ ଆଧାରିତ । ତେବେ ଫିଲ୍ମ ‘ଦେବରା ପାର୍ଟ ୧’ ରେ ଜୁନିଅର ଏନଟିଆର ଜାହ୍ନବୀ କପୁର ଏବଂ ସୈଫ ଅଲି ଖାନ ମୁଖ୍ୟ ଭୂମିକାରେ ନଜର ଆସିବେ ।
ଏପରି ଭାବେ ସାଉଥ ଷ୍ଟାର NTR ପୁଣି ଥରେ ବକ୍ସ ଅଫିସରେ ଦେଖିବାକୁ ମିଳିବ । ଫିଲ୍ମ ନିର୍ମାତା କୋରାତାଲା ଶିବଙ୍କ ନିର୍ଦ୍ଦେଶିତ ଏହି ଫିଲ୍ମ ଦୁଇଟି ଭାଗରେ ରିଲିଜ୍ ହେବ । ଜାହ୍ନବୀ କପୁର ଏହି ଫିଲ୍ମ ସହିତ ସାଉଥ୍ ଫିଲ୍ମ ଇଣ୍ଡଷ୍ଟ୍ରିରେ ଡେବ୍ୟୁ କରିବାକୁ ଯାଉଛନ୍ତି । ତେବେ ଫିଲ୍ମରେ ଜୁନିଅର ଏନଟିଆର ଏବଂ ଜାହ୍ନବୀ କପୁର ପ୍ରଥମ ଥର ଏକାଠି ନଜର ଆସିବେ । ଏହା ସହ ସୈଫ ଅଲି ଖାନଙ୍କୁ ‘ଦେବରା’ରେ ଭିଲେନ ଭୂମିକାରେ ଦେଖିବାକୁ ମିଳିବ । ଏହି ଫିଲ୍ମରେ ଅଭିନେତା ରାମିଆ କୃଷ୍ଣ ମଧ୍ୟ ନଜର ଆସିବେ ।
ଅଭିନେତା ଜୁନିଅର ଏନଟିଆର ଫିଲ୍ମ ‘ଦେବରା ପାର୍ଟ ୧’ର ପ୍ରଥମ ଗୀତ ମଧ୍ୟ ରିଲିଜ ହୋଇଛି, ଯାହାର ନାମ ‘ଫିୟର ସଙ୍ଗ’ । ଏହା ବ୍ୟତୀତ ବଲିଉଡ ଅଭିନେତା ହ୍ରିତିକ ରୋଶନଙ୍କ ସହ ସାଉଥ ଅଭିନେତା ଜୁନିଅର ଏନଟିଆର ଫିଲ୍ମ ‘ବୀର ୨’ରେ ମଧ୍ୟ ନଜର ଆସିବେ ।
