ମଦ ପାଇଁ ବିକଳ ସାରା ଦେଶ : କେଉଁଠି ମରାମରି ତ ଆଉ କେଉଁଠି ପୋଲିସ୍ର ଲାଠି ମାଡ଼, କର୍ଣ୍ଣାଟକରେ ୪୫ କୋଟିର କାରବାର
ନୂଆଦିଲ୍ଲୀ : ମଦ ପାଇଁ ଲମ୍ବା ଲାଇନ୍ । ମଦ ଦୋକାନ ଖୋଲୁ ଖୋଲୁ ଲୋକଙ୍କ ଭିଡ । ଦୀର୍ଘ ଦିନର ତାଲାବନ୍ଦ ପରେ ଆଜି ସକାଳୁ ସମଗ୍ର ଦେଶରେ ଖୋଲିଥିଲା ମଦ ଦୋକାନ । ସକାଳୁ ସକାଳୁ ଅନେକ ମଦ ଦୋକାନ ସାମ୍ନାରେ ଖଚାଖଚ୍ ଭିଡ । କିଛି ସ୍ଥାନରେ ସାମାଜିକ ଦୂରତା ରକ୍ଷା କରି ମଦ ଦୋକାନ ସାମ୍ନାରେ ଲମ୍ବା ଲାଇନ୍ ଲଗାଇଥିଲେ ଗ୍ରାହକ । କର୍ଣ୍ଣାଟକରେ ଆଜି ଗୋଟିଏ ଦିନରେ ୪୫ କୋଟି ଟଙ୍କାର ମଦ ବିକ୍ରି ହୋଇଛି । ଯାହା ଏକ ରେକର୍ଡ଼ ।
ଆଜିଠୁ ଆରମ୍ଭ ହୋଇଛି ଲକ୍ଡାଉନ୍ ୩.୦ । ତେବେ ଲକ୍ଡାଉନ୍ର ଏହି ପର୍ଯ୍ୟାୟରେ ଅନେକ କଟକଣା କୋହଳ କରିଛନ୍ତି କେନ୍ଦ୍ର ଗୃହ ମନ୍ତ୍ରାଳୟ । ତା ମଧ୍ୟରେ ମଦ ବିକ୍ରି ଅନ୍ୟତମ । କେନ୍ଦ୍ର ଗାଇଡ୍ଲାଇନ୍ ଅନୁଯାୟୀ ଗ୍ରୀନ, ଅରେଞ୍ଜ ଏବଂ ରେଡ୍ ଜୋନରେ ସର୍ତ୍ତମୂଳକ ଭାବେ ମଦ ଦୋକାନ ଖୋଲିବାକୁ କୁହାଯାଇଛି । ତେବେ ମଦ ଦୋକାନ ଖୋଲା ହେବାର ଖବର ଆସିବା ପରେ ଉତ୍ସାହିତ ହୋଇପଡିଛନ୍ତି ଅନେକ ଲୋକ ।
#WATCH Andhra Pradesh: Long queue seen outside a liquor shop in Chittoor; social distancing norms flouted. pic.twitter.com/v9IgIrZGqQ
— ANI (@ANI) May 4, 2020
ସେପଟେ ଦିଲ୍ଲୀର ଦେଶବନ୍ଧୁ ଗୁପ୍ତା ମାର୍ଗରେ ସାମାଜିକ ଦୂରତାକୁ ଫୁ କରିଦେଇଛନ୍ତି ଲୋକେ । ମଦ କିଣିବା ପାଇଁ ଠେଲାପେଲା ହେଉଥିବାର ଦେଖିବାକୁ ମିଳିଛି । ଏପରିକି ଭିଡଙ୍କୁ ନିୟନ୍ତ୍ରଣ କରିବାକୁ ନାକେଦମ୍ ହୋଇଛି ପୋଲିସ୍ । ସେହିପରି କରୋଲ ବାଗର ଏକ ମଦ ଦୋକାନ ସାମ୍ନାରେ ପ୍ରାୟ ଦେଢ କିଲୋମିଟର ଲମ୍ବା ଲାଇନ୍ ଦେଖିବାକୁ ମିଳିଛି । ଦିଲ୍ଲୀରେ ମଦ କିଣିବାକୁ ଗହଳି । ଅସମ୍ଭାଳ ଭିଡ଼ ହେବାରୁ ମୁତୟନ ହେଲା ପୋଲିସ ।
#WATCH कृष्णा जिले के मुप्पाला गांव में लोगों ने शराब खरीदने के लिए लंबी कतारें लगाई। भीड़ इतनी ज्यादा है कि लोगों के बीच सोशल डिस्टेंसिंग बनाकर रखने में पुलिस को बहुत परेशानी हो रही है। #आंध्र_प्रदेश pic.twitter.com/lz6LKEZZlL
— ANI_HindiNews (@AHindinews) May 4, 2020
ଆଜି ଦିଲ୍ଲୀରେ ମଦ ଦୋକାନ ଖୋଲିବା ପରେ ହଜାର ହଜାର ଲୋକ ମଦ କିଶିବା ପାଇଁ ଦୋକାନ ବାହାରେ କହଳି କରିଥିଲେ । ଦିଲ୍ଲୀରେ ମାଲବ୍ୟ ନଗର ଠାରେ ଥିବା ଏକ ମଦ ଦୋକାନରେ ଶତାଧିକ ଗ୍ରାହକ ରୁଣ୍ଢ ହେବାରୁ ଦୋକାନ ମାଲିକ ପରିସ୍ଥିତି ନିୟନ୍ତ୍ରଣ କରିବାକୁ ପୁଲିସ ଡକାଇଥିଲେ । ଲୋକେ ଶାରୀରିକ ଦୂରତା ବଜାୟ ନରଖି ମଦ ଦୋକାନ ଆଗରେ ଭିଡ଼ ଜମାଇଥିଲେ । କିଛି ସ୍ଥାନରେ ମଦ ଦୋକାନ ଆଗରେ ଗଣ୍ଡଗୋଳ ପରେ ଦୋକାନ ବନ୍ଦ କରିବାକୁ ନିର୍ଦେଶ ଦେଇଥିଲା ପୋଲିସ । ଓଡ଼ିଶାର ଗ୍ରୀନ ଜୋନରେ ଅନୁମତି ସତ୍ତ୍ୱେ ମଦ ଦୋକାନ ଖୋଲି ନାହାନ୍ତି ବ୍ୟବସାୟୀ ।
