ଗ୍ରେଟର ନୋଏଡା: ଗୌର ସିଟିର ୧୬ ଆଭେନ୍ୟୁରେ ଭୟାବହ ଅଗ୍ନିକାଣ୍ଡ, ଚାଲିଛି ଉଦ୍ଧାର କାର୍ଯ୍ୟ
ଗ୍ରେଟର ନୋଏଡା ଏକ୍ସଟେନ୍ସନ୍ସ୍ଥିତ ଏକ ବହୁତଳ ଅଟ୍ଟାଳିଆରେ ଗୁରୁବାର ସକାଳେ ଭୟାବହ ଅଗ୍ନିକାଣ୍ଡ ଘଟିିଛି । ଏଠାରେ ଗୌର ସିଟି-୨ର ୧୬ ଆଭେନ୍ୟୁରେ ଭୀଷଣ ନିଆଁ ଲାଗିଛି ।
ଗ୍ରେଟର ନୋଏଡା ଏକ୍ସଟେନ୍ସନ୍ସ୍ଥିତ ଏକ ବହୁତଳ ଅଟ୍ଟାଳିଆରେ ଗୁରୁବାର ସକାଳେ ଭୟାବହ ଅଗ୍ନିକାଣ୍ଡ ଘଟିିଛି । ଏଠାରେ ଗୌର ସିଟି-୨ର ୧୬ ଆଭେନ୍ୟୁରେ ଭୀଷଣ ନିଆଁ ଲାଗିଛି । ନିଆଁ ପ୍ରଥମେ ଗୋଟିଏ ଫ୍ଲାଟ୍ରେ ଲାଗିଥିଲା, ପରେ ଅନ୍ୟ ଫ୍ଲାଟ୍କୁ ବ୍ୟାପିଯାଇଥିଲା । ଦୁଇଟି ଫ୍ଲାଟ୍ରେ ନିଆଁ ଲାଗିବା କାରଣରୁ ଅନେକ ଲୋକ ବିଲ୍ଡିଂରେ ଫସି ରହିଥିବା ସୂଚନା ରହିଛି ।
ଖବର ପାଇ ଘଟଣାସ୍ଥଳରେ ଦୁଇଟି ଦମକଳ ଗାଡ଼ି ପହଞ୍ଚି ଉଦ୍ଧାର କାର୍ଯ୍ୟ ଚଳାଇଛନ୍ତି । ନିଆଁକୁ ଆୟତ୍ତ କରିବା ପାଇଁ ଚେଷ୍ଟା ଚାଲିଛି । ସୋସାଇଟିର ଟାଓ୍ଵାରରେ ଭୀଷଣ ନିଆଁ ଲାଗିଥିବାରୁ ସମ୍ପୂର୍ଣ୍ଣ ଟାଓ୍ଵାର ଧୂଆଁମୟ ହୋଇଯାଇଛି । ଏହି ଘଟଣାକୁ ନେଇ ସୋସାଇଟିରେ ଭୟର ବାତାବରଣ ଖେଳିଯାଇଛି । ଦମକଳ ଗାଡ଼ି ଘଟଣାସ୍ଥଳରେ ମୁତୟନ ଥିବାବେଳେ ଆମ୍ବୁଲାନ୍ସ ମଧ୍ୟ ପହଞ୍ଚିଛି ।
ତେବେ ନିଆଁ ଲାଗିବାର କାରଣ ଏ ପର୍ଯ୍ୟନ୍ତ ଜଣାପଡ଼ି ନାହିଁ । ସ୍ଥିତିକୁ ଦେଖି ଲୋକମାନେ ଘର ବାହାରକୁ ଚାଲି ଆସିଛନ୍ତି । ସୂଚନା ମୁତାବକ, ଯେଉଁ ଫ୍ଲାଟ୍ରେ ନିଆଁ ଲାଗିଥିଲା, ସେହି ଫ୍ଲାଟ୍ରେ ରହୁଥିବା ପରିବାର କୌଣସି ବିବାହ ସମାରୋହରେ ଯାଇଥିଲେ । ଏହି କାରଣରୁ ଫ୍ଲାଟ୍ଟି ବନ୍ଦ ଥିଲା । ନିଆଁ ଏତେ ଭୟଙ୍କର ଥିଲା ଯେ ପାଖ ଫ୍ଲାଟ୍କୁ ମଧ୍ୟ ବ୍ୟାପିଯାଇଥିଲା । ଅଧିକାରୀମାନେ କହିଛନ୍ତି, ଏ ପର୍ଯ୍ୟନ୍ତ ଅଗ୍ନିକାଣ୍ଡରେ ହୋଇଥିବା କ୍ଷୟକ୍ଷତିର ସମ୍ପୂର୍ଣ୍ଣ ସୂଚନା ମିଳିପାରି ନାହିଁ ।
#WATCH | Uttar Pradesh: Fire broke out in two flats of a residential society in Greater Noida West. The reason for the fire is not yet known, fire tenders have reached the spot. Fire has been brought under control. No loss of life reported: Fire Department pic.twitter.com/zIpvWjvDfd
— ANI (@ANI) March 7, 2024