ହରିୟାଣାର ନୂଆ ମୁଖ୍ୟମନ୍ତ୍ରୀ ହେବେ ନାୟବ ସିଂ ସୈନୀ
ହରିୟାଣାର ନୂଆ ମୁଖ୍ୟମନ୍ତ୍ରୀ ହେବେ ନାୟବ ସିଂ ସୈନୀ । ବିଧାୟକ ଦଳ ମିଟିଂରେ ଏଭଳି ନିଷ୍ପତ୍ତି ନିଆଯାଇଛି । ଆଜି ସନ୍ଧ୍ୟାରେ ହରିୟାଣା ମୁଖ୍ୟମନ୍ତ୍ରୀ ଭାବେ ଶପଥ ନେବେ ସୈନୀ ।
ହରିୟାଣାର ନୂଆ ମୁଖ୍ୟମନ୍ତ୍ରୀ ହେବେ ନାୟବ ସିଂ ସୈନୀ । ବିଧାୟକ ଦଳ ମିଟିଂରେ ଏଭଳି ନିଷ୍ପତ୍ତି ନିଆଯାଇଛି । ତାଙ୍କ ନାମ ଔପଚାରିକ ଭାବେ ଘୋଷଣା କରାଯାଇଛି । ଆଜି ସନ୍ଧ୍ୟାରେ ହରିୟାଣା ମୁଖ୍ୟମନ୍ତ୍ରୀ ଭାବେ ଶପଥ ନେବେ ସୈନୀ ।
ସୂଚନା ଅନୁସାରେ, ମନୋହର ଲାଲ ଖଟ୍ଟର ଆଜି ସକାଳେ ୧୧ଟାରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଏହା ପରେ ଚଣ୍ଡିଗଡ଼ ବିଧାନସଭାରେ ନୂତନ ମୁଖ୍ୟମନ୍ତ୍ରୀଙ୍କ ନାମକୁ ମନସ୍ତ କରିବା ପାଇଁ ବିଧାନସଭା ଦଳର ବୈଠକରେ ଆରମ୍ଭ ହୋଇଥିଲା । ଏହି ସମୟରେ କୁରୁକ୍ଷେତ୍ରରୁ ବସିଥିବା ସାଂସଦ ତଥା ବିଜେପି ସଭାପତି ନାୟବ ସିଂହ ସୈନୀଙ୍କ ନାମରେ ଏକ ସହମତି ପ୍ରକାଶ ପାଇଥିଲା । ତେବେ ନାୟବ ସିଂହ ସୈନୀ ଅପରାହ୍ନ ୪ ଟାରେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ । ଏହି ସମୟରେ ନାୟବ ସିଂହ ସୈନୀ ରାଜ ଭବନ ଯାଇ ରାଜ୍ୟପାଳଙ୍କୁ ଭେଟିବେ ।
ନାୟବ ସିଂ ସୈନୀ ଓବିସିର ସୈନୀ ସମ୍ପ୍ରଦାୟର । ୨୦୦୨ରେ ରାଜନୈତିକ ଯାତ୍ରା ଆରମ୍ଭ କରିଥିଲେ । ତାଙ୍କୁ ହରିୟାଣା ବିଜେପି ଯୁବମୋର୍ଚ୍ଚାର ଦେଖାଶୁଣା ପାଇଁ ଦାୟିତ୍ୱ ମିଳିଥିଲା । ଏହାପରେ ଜିଲ୍ଲାଧ୍ୟକ୍ଷ ଭାବେ କାମ କରିଥିଲେ । ବର୍ତ୍ତମାନ ସେ ହରିୟାଣା ବିଜେପିର ସଭାପତି ଅଛନ୍ତି । ନାୟବ ହରିୟାଣା ସରକାରରେ ମନ୍ତ୍ରୀ ରହିଛନ୍ତି । ସେ ୨୦୧୪ ରୁ ୨୦୧୯ପର୍ଯ୍ୟନ୍ତ ବିଧାୟକ ଥିଲେ ।
