ନ୍ୟୁଜଲ୍ୟାଣ୍ଡରେ ସିଗାରେଟ ଉପରେ ଲାଗିଲା ଲାଇଫଟାଇମ ବ୍ୟାନ୍, ଆଉ କେବେ ବି ପିଇପାରିବେ ନାହିଁ ସିଗାରେଟ୍
େଓ୍ଵଲିଂଟନ : ସିଗାରେଟ୍ ବା ଧୂମପାନ ଏବେ ଯୁବା ପିଢ଼ିଙ୍କ ପାଇଁ ବିପଦଜନକ ହୋଇପଡ଼ିଛି । ଏହାଦ୍ୱାରା ଅତି ଅଳ୍ପ ବୟସରେ ଯୁବକମାନେ ମୃତ୍ୟୁ ମୁଖରେ ପଡ଼ୁଛନ୍ତି । ବିଶ୍ୱରେ ଅଧିକାଂଶ ରୋଗ ଏବେ ଧୂମାପାନ କାରଣରୁ ହେଉଛି । ଯେତେ ସଚେତନ କରାଗଲା ପରେ ବି ଲୋକେ ଧୂମପାନରୁ ବିରତ ହେଉନାହାଁନ୍ତି । ଧୂମପାନକୁ ସମୂଳେ ବନ୍ଦ କିରିବାକୁ ନ୍ୟୁଜଲ୍ୟାଣ୍ଡ ସରକାର ଏକ କଠୋର ନିଷ୍ପତ୍ତି ନେଇଛନ୍ତି ।
ଏଥିପାଇଁ ଦେଶରେ ସିଗାରେଟ ଉପରେ ଲାଇଫଟାଇମ ବ୍ୟାନ ବା ସର୍ବକାଳୀନ ନିଷେଧାଦେଶ ଜାରି ହୋଇଛି । ଫଳରେ ଏଣିକି ଆଉ କେହି ନ୍ୟୁଜଲ୍ୟାଣ୍ଡରେ ସିଗାରେଟ ପିଇ ପାରିବେ ନାହିଁ । ପ୍ରାୟ ୫୦ ଲକ୍ଷ ଲୋକସଂଖ୍ୟା ଏହି ଦେଶରେ ଆଗାମୀ ବର୍ଷରେ କେହି ବି ଯୁବକ ସିଗାରେଟ ବା ତମ୍ବାଖୁ ଉତ୍ପାଦ ଆଉ କିଣି ପାରିବେ ନାହିଁ ।
ବର୍ତ୍ତମାନ ନ୍ୟୁଜଲ୍ୟାଣ୍ଡରେ ୧୫ ବର୍ଷ ବୟସ ପର୍ଯ୍ୟନ୍ତ ୧୧.୬ ପ୍ରତିଶତ ଯୁବକ ସିଗାରେଟ ପିଉଛନ୍ତି । ଯୁବ ପିଢ଼ିଙ୍କୁ ଏଥିରୁ ନିବୃତ୍ତ କରିବା ପାଇଁ ଏହି କଠୋର ଆଇନ ଆସନ୍ତା ବର୍ଷରୁ ଲାଗୁ ହେବାକୁ ଯାଉଛି । ସ୍ୱାସ୍ଥ୍ୟ ମନ୍ତ୍ରୀ ଡାକ୍ତର ଆୟଶା ବେରାଲ କହିଛନ୍ତି ଯେ ଏହାଦ୍ୱାରା ଦେଶରେ ଆଉ କେହି ଯୁବକ ଧୂମପାନ କିରବେ ନାହିଁ । ଏହି ପ୍ରସ୍ତାବ ଗୁରୁବାର ଅଣାଯାଇଛି । ଏଥିସହ ଏହାର ଉତ୍ପାଦନକୁ ମଧ୍ୟ ହ୍ରାସ କରାଯିବ ବୋଲି ସରକାର କହିଛନ୍ତ ।
ଏହାଦ୍ୱାରା ୨୦୨୭ ସୁଦ୍ଧା ଦେଶରେ ସିଗାରେଟ ନ ପିଉଥିବା ପିଢ଼ି ଦେଖିବାକୁ ମିଳିବେ ବୋଲି ସରକାର କହିଛନ୍ତି । ଏହାଛଡ଼ା ଯୁବକଙ୍କୁ ତମ୍ବାକୁ ଜିନିଷ ଯୋଗାଇଲେ ମଧ୍ୟ ଅପରାଧ ଭାବେ ବିବେଚନା କରାଯିବ । ଦେଶରେ ଯୁବପିଢ଼ିଙ୍କୁ ଠିକ ମାର୍ଗରେ ପରିଚାଳିତ କରିବା ପାଇଁ ସରକାର ଏହି ନିୟମ ଲାଗୁ କିରଛନ୍ତି ।
