ଆଉ କରିବାକୁ ପଡିବନି ଅପେକ୍ଷା, ଗୋଟେ ଘଣ୍ଟା ପୂର୍ବରୁ ଜଣାପଡିବ ପାଞ୍ଚ ରାଜ୍ୟ ମଧ୍ୟରେ କିଏ ଗଢ଼ିବ ସରକାର
ଏବେ ଟିଭି ଚ୍ୟାନେଲ ଗୁଡିକ ଏକଜିଟ୍ ପୋଲକୁ ୧ ଘଣ୍ଟା ପୂର୍ବରୁ ଦେଖାଇପାରିବେ । ନିର୍ବାଚନ ଆୟୋଗ ନୋଟିଫିକେସନ୍ ଜାରି କରି ଏହି ପରିବର୍ତ୍ତନର ସୂଚନା ଦେଇଛି ।
ଏବେ ଟିଭି ଚ୍ୟାନେଲ ଗୁଡିକ ଏକଜିଟ୍ ପୋଲକୁ ୧ ଘଣ୍ଟା ପୂର୍ବରୁ ଦେଖାଇପାରିବେ । ନିର୍ବାଚନ ଆୟୋଗ ନୋଟିଫିକେସନ୍ ଜାରି କରି ଏହି ପରିବର୍ତ୍ତନର ସୂଚନା ଦେଇଛି । ନିର୍ବାଚନ କମିଶନ ଏକଜିଟ୍ ପୋଲ୍ ଦେଖାଇବାର ସମୟକୁ ନେଇ ଏକ ବଡ଼ ପରିବର୍ତ୍ତନ କରିଛନ୍ତି । ନୂଆ ନୋଟିଫିକେସନ୍ ଅନୁଯାୟୀ, ନଭେମ୍ବର ୩୦ରେ ଅପରାହ୍ନ ୫.୩୦ ରୁ ଏକଜିଟ୍ ପୋଲ୍ ଦେଖାଯାଇପାରିବ। ଏହାପୂର୍ବରୁ ନିର୍ବାଚନ ଆୟୋଗ ପାଞ୍ଚଟି ରାଜ୍ୟରେ ଭୋଟ୍ ଦେବା ଆରମ୍ଭରୁ ନଭେମ୍ବର ୭ ତାରିଖ ସକାଳ ୭ ଟାରୁ ୩୦ ନଭେମ୍ବର ସନ୍ଧ୍ୟା ୬.୩୦ ପର୍ଯ୍ୟନ୍ତ ରୋକ ଲଗାଇ ରଖିଥିଲେ ।
ପାଞ୍ଚଟି ରାଜ୍ୟର ଏକଜିଟ୍ ପୋଲ୍ ଗୁରୁବାର ଅପରାହ୍ନ ୫.୩୦ ରୁ ଟିଭି ଚ୍ୟାନେଲରେ ପ୍ରଦର୍ଶିତ ହେବ ଯେଉଁଥିରେ ସମସ୍ତ ରାଜ୍ୟରେ ଜିତିବାର ସମ୍ଭାବନା ଥିବା ସୂଚନା ଦିଆଯିବ। ସମସ୍ତ ପାଞ୍ଚଟି ରାଜ୍ୟର ନିର୍ବାଚନ ଫଳାଫଳ ଡିସେମ୍ବର ୩ ରେ ଆସିବ। ଏଥିରେ ମଧ୍ୟପ୍ରଦେଶ, ଛତିଶଗଡ, ରାଜସ୍ଥାନ, ତେଲେଙ୍ଗାନା ଏବଂ ମିଜୋରାମ ସାମିଲ ରହିଛି।
ନିର୍ବାଚନ ଆୟୋଗ ଏକ ନିର୍ଦ୍ଦିଷ୍ଟ ସମୟ ପାଇଁ ଏକଜିଟ୍ ପୋଲ୍ ଦେଖାଇବା ଉପରେ ଏକ ନିଷେଧାଦେଶ ଜାରି ରଖିଛନ୍ତି, କାରଣ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ଏକଜିଟ୍ ପୋଲ୍ ଦେଖାଇବା ଫଳାଫଳ ଉପରେ ପ୍ରଭାବ ପକାଇପାରେ ବୋଲି ବିଶ୍ୱାସ କରାଯାଏ। ତଥାପି, ଏକଜିଟ୍ ପୋଲ୍ ଫଳାଫଳ ସବୁବେଳେ ସଠିକ୍ ହୋଇନଥାଏ ।
Correction on timings of Exit Polls may be noted, which have been revised. pic.twitter.com/juuqu3sf7a
— Spokesperson ECI (@SpokespersonECI) November 30, 2023
