ଆମେରିକାରେ କମୁନି କରୋନା ମୃତ୍ୟୁ, ୨୪ ଘଣ୍ଟାରେ ଗଲା ୧୮୮୩ ଜୀବନ
ଆମେରିକାରେ କରୋନା ସଙ୍କଟ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଏହି ଭାଇରସ ଆମେରିକାରେ ନିଜର କାୟା ବିସ୍ତାର କରି ଚାଲିଛି । ଅନ୍ୟ ଦେଶ ଅପେକ୍ଷା ଏହି ମହାମାରୀର ପ୍ରଭାବରେ ଆମେରିକାବାସି ଏବେ ତ୍ରାହି ତ୍ରାହି ଡାକୁଛନ୍ତି । ନା କମୁଛି ମୃତ୍ୟୁ ସଂଖ୍ୟା, ନା କମୁଛି ସଂକ୍ରମିତଙ୍କ ସଂଖ୍ୟା । ମିଳିଥିବା ସୂଚନା ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ଆମେରିକାରେ ୧୮୮୩ ଜଣଙ୍କର ମୃତ୍ୟୁ ହୋଇଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ଆମେରିକାରେ କରୋନା ଭାଇରସ ପାଇଁ ୬୫୦୦୦ ରୁ ଅଧିକ ଲୋକ ପ୍ରାଣ ହରାଇ ସାରିଲେଣି । ଏଥି ସହିତ ସଂକ୍ରମିତଙ୍କ ସଂଖ୍ୟା ୧୧ ଲକ୍ଷ ଅତିକ୍ରମ କରିଛି । ବିଶ୍ଵର ୨୧୨ଟି ଦେଶରେ କରୋନା ହଇଚଇ ସୃଷ୍ଟି କରୁଛି । ଆମେରିକା, ଫ୍ରାନ୍ସ, ଇଟାଲୀ, ସ୍ପେନ୍, ବ୍ରିଟେନ, ଜାପାନ, ଭାରତ ସମେତ ଅନେକ ଦେଶ ଏହାର ସୁରକ୍ଷା ପାଇଁ ତାଲା ପକାଇବାକୁ ନିଷ୍ପତ୍ତି ନେବାକୁ ପଡିଲା । ଯେଉଁଥିପାଇଁ ଅର୍ଥନୀତି ଉପରେ ମଧ୍ୟ ଗଭୀର ପ୍ରଭାବ ପଡିଛି ।
ଏହି ସମୟରେ ଆମେରିକାରେ ସଂକ୍ରମଣ ମାମଲା ବଢୁଥିବା ସତ୍ତ୍ୱେ ଅର୍ଥନୀତିକୁ ଟ୍ରାକକୁ ଫେରାଇ ଆଣିବା ପାଇଁ ସରକାର ଧୀରେ ଧୀରେ ତାଲା ଖୋଲିବାକୁ ପ୍ରସ୍ତୁତି ଆରମ୍ଭ କରୁଛନ୍ତି । ଦୀର୍ଘ ଦୁଇ ମାସ ହେଲା ଆମେରିକାରେ କରୋନା ରଚୁଛି ମୃତ୍ୟୁର ତାଣ୍ଡବଲୀଳା । କିଛିଦିନ ତଳେ ଶୁଣିବାକୁ ମିଳିଥିଲା ଯେ ଆମେରିକାରେ କରୋନା ପ୍ରଭାବ ଦୁଇ ସପ୍ତାହ ମଧ୍ୟରେ କମ ହୋଇଯାଇପାରେ କିନ୍ତୁ କମ ହେବା ପରିବର୍ତ୍ତେ ଦିନକୁ ଦିନ ଏଠାରେ ମୃତ୍ୟୁ ସଂଖ୍ୟା ଏବଂ ଆକ୍ରାନ୍ତଙ୍କ ସଂଖ୍ୟା ବଢି ବଢି ଚାଲିଛି । ବର୍ଷ ଶେଷରେ କରୋନା ଭାଇରସ ଆହୁରି ଭୟଙ୍କର ରୂପ ନେବ ବୋଲି ଆମେରିକାର ସ୍ୱାସ୍ଥ୍ୟ ବିଶେଷଜ୍ଞମାନେ ମଧ୍ୟ ଚେତାବନୀ ଦେଇସାରିଲେଣି । ଏତେସବୁ ପରେ ମଧ୍ୟ ଆମେରିକାର ସରକାର ନିଜର ଅର୍ଥନୀତିକୁ ସୁଧାରିବା ପାଇଁ ଲକଡାଉନ ଖୋଲିବା ପାଇଁ ପ୍ରସ୍ତୁତି ଚଳାଇଛନ୍ତି ।
ବିଶ୍ଵର ୨୧୨ଟି ଦେଶରେ କରୋନା ହଇଚଇ ସୃଷ୍ଟି କରୁଛି । କରୋନା ଭାଇରସ୍ କାରଣରୁ ସାରା ବିଶ୍ବରେ ହୋଇଥିବା କ୍ଷତି ପାଇଁ ଆମେରିକା ବର୍ତ୍ତମାନ ଚୀନକୁ ଦାୟୀ କରୁଛି । ଆମେରିକା, ଫ୍ରାନ୍ସ, ଇଟାଲୀ, ସ୍ପେନ୍, ବ୍ରିଟେନ, ଜାପାନ, ଭାରତ ସମେତ ଅନେକ ଦେଶ ଏହାର ସୁରକ୍ଷା ପାଇଁ ତାଲା ପକାଇବାକୁ ନିଷ୍ପତ୍ତି ନେଇଛନ୍ତି । ଯେଉଁଥିପାଇଁ ଅର୍ଥନୀତି ଉପରେ ମଧ୍ୟ ଗଭୀର ପ୍ରଭାବ ପଡିଛି । ଆମେରିକା ଠାରୁ ଯଥେଷ୍ଟ କମ କରୋନା ମୃତ୍ୟୁ ହାର ଥାଇ ମଧ୍ୟ ଭାରତ ସରକାର ଦେଶରେ ତୃତୀୟ ପର୍ୟ୍ୟାୟ ଲକଡାଉନ ଆରମ୍ଭ କରିଛନ୍ତି ଏବଂ ଦେଶର ଲୋକ ଏହାକୁ ମାନିବା ପାଇଁ ବାଧ୍ୟ ହେଉଛନ୍ତି । ଏପରିସ୍ଥଳେ ଆମେରିକାରେ ମୋଟ ମୃତକଙ୍କ ସଂଖ୍ୟା ୬୫ ହଜାରରୁ ଅଧିକ, କିନ୍ତୁ ଟ୍ରମ୍ପ ପ୍ରଶାସନ ରାଜ୍ୟ ସହ ବଜାର ଖୋଲିବାକୁ ପ୍ରସ୍ତୁତ ହେଉଛନ୍ତି । ଆମେରିକା ଭଳି ଦେଶ କରୋନା ପାଇଁ ଏତେମାତ୍ରାରେ ପ୍ରଭାବିତ ହେବ ସତ୍ତ୍ୱେ ସରକାର ଏଭଳି ନିଷ୍ପତ୍ତି ନେବା ସତରେ ଆଶ୍ଚର୍ୟ୍ୟଜନକ ।
