ଆଗ୍ରାରେ ଦୁଃଖଦ ଦୁର୍ଘଟଣା: ଜମ୍ପିଂ ବେଳେ ବିଦ୍ୟୁତ୍ ତାରରେ ଲାଗି ତରଳିଗଲା ପାରାସୁଟ୍, କମାଣ୍ଡୋ ମୃତ
ଉତ୍ତର ପ୍ରଦେଶର ଆଗ୍ରା ଜିଲ୍ଲାରେ ଏକ ବଡ଼ ଦୁର୍ଘଟଣା ଘଟିଛି। ଏଠାରେ ପାରାସୁଟ୍ ଜମ୍ପିଂ ବେଳେ ଜଣେ କମାଣ୍ଡୋଙ୍କ ମୃତ୍ୟୁ ହୋଇଛି।
ଉତ୍ତର ପ୍ରଦେଶର ଆଗ୍ରା ଜିଲ୍ଲାରେ ଏକ ବଡ଼ ଦୁର୍ଘଟଣା ଘଟିଛି। ଏଠାରେ ପାରାସୁଟ୍ ଜମ୍ପିଂ ବେଳେ ଜଣେ କମାଣ୍ଡୋଙ୍କ ମୃତ୍ୟୁ ହୋଇଛି। ମିଳିଥିବା ସୂଚନା ମୁତାବକ, ମଲପୁରା ଥାନା ଅଞ୍ଚଳରେ ପାରାସୁଟ୍ ଜମ୍ପିଂ ବେଳେ ହଠାତ୍ କମାଣ୍ଡୋଙ୍କ ପାରାସୁଟ୍ ହାଇ ଟେନ୍ସନ ବିଦ୍ୟୁତ୍ ଲାଇନ୍ ସଂସ୍ପର୍ଶରେ ଆସି ତରଳି ଯାଇଥିଲା।
ଏହା ଦେଖି ଅଞ୍ଚଳର ଚାଷୀମାନେ ସଙ୍ଗେ ସଙ୍ଗେ ସ୍ଥାନୀୟ ପୋଲିସକୁ ଖବର ଦେଇଥିଲେ। ଏହାପରେ କମାଣ୍ଡୋ ଅଙ୍କୁର ଶର୍ମାଙ୍କୁ ମିଲିଟାରୀ ହସ୍ପିଟାଲ ନିଆଯାଇଥିଲା। ସେଠାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ଘଟିଥିଲା। କୁହାଯାଉଛି ଯେ ମଲପୁରା ଡ୍ରପ୍ ଜୋନ୍ଠାରୁ ଅଳ୍ପ ଦୂରରେ ପାରାସୁଟ୍ ହାଇ ଟେନ୍ସନ ଲାଇନ୍ରେ ଲାଗି ତରଳି ଯାଇଥିଲା। ଏହାପରେ କମାଣ୍ଡୋ ତଳେ ପଡ଼ି ଯାଇଥିଲେ।
ସ୍ଥାନୀୟ ଲୋକମାନେ ଘଟଣାସ୍ଥଳରେ ପହଞ୍ଚି ପୋଲିସକୁ ସୂଚନା ଦେଇଥିଲେ। ପୋଲିସ ସୂଚନା ମୁତାବକ, କମାଣ୍ଡୋ ଅଙ୍କୁର ଶର୍ମା ଜମ୍ମୁ-କାଶ୍ମୀରରେ ମୁତୟନ ଥିଲେ ଏବଂ ସେ ଛୁଟିରେ ଘରକୁ ଆସିଥିଲେ। ଏହି ସମୟରେ ଏହି ଦୁର୍ଘଟଣା ଘଟିଥିଲା।
