ଦ୍ୱାରକା ଏକ୍ସପ୍ରେସ୍ ୱେ ଉଦ୍ଘାଟନ କଲେ ମୋଦି, ଏବେ ଦିଲ୍ଲୀରୁ ଗୁରୁଗ୍ରାମ ଯିବାକୁ ଲାଗିବ ମାତ୍ର ୨୫ ମିନିଟ୍
ଦ୍ୱାରକା ଏକ୍ସପ୍ରେସ୍ ୱେକୁ ଉଦ୍ଘାଟନ କରିଛନ୍ତି । ୮ ଲେନ ବିଶିଷ୍ଟ ଏକ୍ସପ୍ରେସ୍ ୱେ ଦିଲ୍ଲୀ-ଗୁରୁଗ୍ରାମ ମଧ୍ୟରେ ଟ୍ରାଫିକ୍ ସମସ୍ୟା କମ୍ କରିବାରେ ସହାୟକ ହେବ । ହରିୟାଣା ଦେଇ ଯାଇଥିବା ୧୯ କିଲୋମିଟର ଲମ୍ବର ଦ୍ୱାରକା ଏକ୍ସପ୍ରେସ୍ ୱେ ନିର୍ମାଣରେ ୪୧୦୦ କୋଟି ଟଙ୍କା ଖର୍ଚ୍ଚ ହୋଇଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବହୁ ପ୍ରତୀକ୍ଷିତ ଦ୍ୱାରକା ଏକ୍ସପ୍ରେସ୍ ୱେକୁ ଉଦ୍ଘାଟନ କରିଛନ୍ତି । ୮ ଲେନ ବିଶିଷ୍ଟ ଏକ୍ସପ୍ରେସ୍ ୱେ ଦିଲ୍ଲୀ-ଗୁରୁଗ୍ରାମ ମଧ୍ୟରେ ଟ୍ରାଫିକ୍ ସମସ୍ୟା କମ୍ କରିବାରେ ସହାୟକ ହେବ । ହରିୟାଣା ଦେଇ ଯାଇଥିବା ୧୯ କିଲୋମିଟର ଲମ୍ବର ଦ୍ୱାରକା ଏକ୍ସପ୍ରେସ୍ ୱେ ନିର୍ମାଣରେ ୪୧୦୦ କୋଟି ଟଙ୍କା ଖର୍ଚ୍ଚ ହୋଇଛି । ଏହି ଏକ୍ସପ୍ରେସ ଦ୍ୱାରା ଦିଲ୍ଲୀରୁ ଗୁରୁଗ୍ରାମକୁ ମାତ୍ର ୨୫ ମିନିଟରେ ପୁରା କରିପାରିବେ ।
ଉଦ୍ଘାଟନ ପୂର୍ବରୁ ପ୍ରଧାନମନ୍ତ୍ରୀ ଗୁରୁଗ୍ରାମରେ ରୋଡ ଶୋ କରିଥିଲେ । ଏହି କାର୍ଯ୍ୟକ୍ରମରେ ହରିୟାଣାର ରାଜ୍ୟପାଳ ସହିତ ମୁଖ୍ୟମନ୍ତ୍ରୀ ଏବଂ କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀ ଉପସ୍ଥିତ ଥିଲେ । ଏହି ୮ ଲେନ୍ ବିଶିଷ୍ଟ ଏହି ଏକ୍ସପ୍ରେସ୍ ୱେ ଦିଲ୍ଲୀ-ଗୁରୁଗ୍ରାମ ମଧ୍ୟରେ ଦେଖାଦେଉଥିବା ଅସମ୍ଭବ ଟ୍ରାଫିକ୍ ସମସ୍ୟା ହ୍ରାସ କରିବାରେ ସହାୟକ ହେବ ।
#WATCH | Haryana | At an event in Gurugram, Prime Minister Narendra Modi says, “Only Congress and its arrogant alliance are facing the biggest problem with these development works worth lakhs of crores of rupees being done in the country. They are not able to sleep. That’s why… pic.twitter.com/fqgcn7CcsO
— ANI (@ANI) March 11, 2024
ଏହି ଏକ୍ସପ୍ରେସ୍ ୱେ ଦେଶର ପ୍ରଥମ ଏଲିଭେଟେଡ୍ ଅର୍ବାନ ଏକ୍ସପ୍ରେସ୍ ୱେ । ଏହି ଏକ୍ସପ୍ରେସ୍ ୱେ କାର୍ଯ୍ୟକାରୀ ହେବା ଦ୍ୱାରା ଦିଲ୍ଲୀ-ଗୁରୁଗ୍ରାମ ଏକ୍ସପ୍ରେସ୍ ୱେ’ରେ ଜମୁଥିବା ଗହଳି କମିବ । ଏହି ୧୬ ଲେନ୍ ବିଶିଷ୍ଟ ଏକ୍ସପ୍ରେସ୍ ୱେରେ ଅନୂନ୍ୟ ୩ଟି ଲେନରେ ଉଭୟ ପାର୍ଶ୍ୱରେ ଯିବା ଆସିବା ବ୍ୟବସ୍ଥା କରାଯିବ । ଦିଲ୍ଲୀର ଦ୍ୱାରକାରୁ ହରିୟାଣାର ଗୁରୁଗ୍ରାମକୁ ଏହି ଏକ୍ସପ୍ରେସ୍ ୱେ ସଂଯୋଗ କରିବ ।
ଦ୍ୱାରକା ଏକ୍ସପ୍ରେସ୍ ୱେରେ ଶିବ-ମୂର୍ତ୍ତି ରହିବ । ଏହି ଏକ୍ସପ୍ରେସ ୱେ ଦ୍ୱାରକା ସେକ୍ଟର ୨୧, ଗୁରୁଗ୍ରାମ ସୀମା ଏବଂ ବସାଇ ହୋଇ ଖିଡକୀ ଦୋଲା ଟୋଲ ପ୍ଲାଜା ନିକଟରେ ସରିବ ।
