ଉତ୍ତରାଖଣ୍ଡ ଗସ୍ତରେ ପ୍ରଧାନମନ୍ତ୍ରୀ ମୋଦି, ପାର୍ବତୀ କୁଣ୍ଡରେ କଲେ ପୂଜାର୍ଚ୍ଚନା
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଉତ୍ତରାଖଣ୍ଡ ଗସ୍ତରେ ଅଛନ୍ତି। ମୋଦି ନିଜର ଏକ ଦିବସୀୟ ଯାତ୍ରାରେ ପିଥୋଡ଼ାଗଡରେ ପହଞ୍ଚିଥିଲେ। ଏଠାରେ ମୋଦି ଭଗବାନ ଶିବଙ୍କ ଧାମ ଏବଂ ଆଦି କୈଳାଶ ଶିଖର ଦର୍ଶନ କରିଥିଲେ। ଏହାପରେ ପାର୍ବତୀ କୁଣ୍ଡରେ ପହଞ୍ଚି ପୂଜାର୍ଚ୍ଚନା କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଉତ୍ତରାଖଣ୍ଡ ଗସ୍ତରେ ଅଛନ୍ତି। ମୋଦି ନିଜର ଏକ ଦିବସୀୟ ଯାତ୍ରାରେ ପିଥୋଡ଼ାଗଡରେ ପହଞ୍ଚିଥିଲେ। ଏଠାରେ ମୋଦି ଭଗବାନ ଶିବଙ୍କ ଧାମ ଏବଂ ଆଦି କୈଳାଶ ଶିଖର ଦର୍ଶନ କରିଥିଲେ। ଏହାପରେ ପାର୍ବତୀ କୁଣ୍ଡରେ ପହଞ୍ଚି ପୂଜାର୍ଚ୍ଚନା କରିଥିଲେ।
ନିଜର ଏହି ଦିନିକିଆ ଗସ୍ତ ସମୟରେ ପିଏମ୍ ମୋଦି ସୀମାନ୍ତ ଗୁଞ୍ଜୀ ଗାଁ ମଧ୍ୟ ପରିଦର୍ଶନ କରିବେ। ଏହା ବ୍ୟତୀତ ପ୍ରଧାନମନ୍ତ୍ରୀ ଅଲ୍ମୋଡ଼ାସ୍ଥିତ ଭଗବାନ ଶିବଙ୍କର ଆଉ ଏକ ପ୍ରସିଦ୍ଧ ଧାମ ଜାଗେଶ୍ୱର ମଧ୍ୟ ଯିବେ। ଜାଗେଶ୍ୱରରୁ ସେ ପୁଣି ପିଥୋଡ଼ାଗଡ ଆସିବେ। ଏଠାରେ ସେ ଏକ ଜନସଭାକୁ ସମ୍ବୋଧିତ କରିବେ। ଏହି ଅବସରରେ ମୋଦି ପ୍ରାୟ ୪୨୦୦ କୋଟି ଟଙ୍କା ବ୍ୟୟ ଅଟକଳରେ ପ୍ରସ୍ତୁତ ଯୋଜନାଗୁଡ଼ିକର ଶିଳାନ୍ୟାସ ଏବଂ ଲୋକାର୍ପଣ କରିବେ।
ପ୍ରଧାନମନ୍ତ୍ରୀ ମୋଦିଙ୍କୁ ସ୍ୱାଗତ କରିବା ପାଇଁ ପିଥୋଡ଼ାଗଡ ସହର ପ୍ରସ୍ତୁତ ହୋଇଛି। ମୋଦି ଜୋଲିଙ୍ଗକୋଙ୍ଗରେ ଭଗବାନ ଶିବଙ୍କ ଧାମ ଆଦି କୈଳାଶ ଶିଖର ଦର୍ଶନ ସହିତ ନିଜର ଯାତ୍ରା ଆରମ୍ଭ କରିଥିଲେ। ନିଜ ଗସ୍ତ ସମୟରେ ସେ ଗୁଞ୍ଜୀ ଗ୍ରାମକୁ ଯିବେ, ଯେଉଁଠାରେ ସେ ସ୍ଥାନୀୟ ଲୋକ ଏବଂ ସୁରକ୍ଷା ବାହିନୀର ଯବାନମାନଙ୍କୁ ଭେଟିବେ। ଗୁଞ୍ଜୀରେ ପ୍ରଧାନମନ୍ତ୍ରୀ ମୋଦିଙ୍କୁ ‘ରଁ’ ଜନଜାତିର ଲୋକମାନେ ପାରମ୍ପରିକ ରୂପରେ ସ୍ୱାଗତ କରିବେ।
‘ରଁ’ କଲ୍ୟାଣ ସଂସ୍ଥାର ସଂରକ୍ଷକ ଅଶୋକ ନବିୟାଲ କହିଛନ୍ତି ଯେ ପ୍ରଧାନମନ୍ତ୍ରୀଙ୍କୁ ନେପାଳୀ ବ୍ୟବସାୟୀମାନଙ୍କ ଦ୍ୱାରା ମାନସରୋବର ହ୍ରଦରୁ ଅଣାଯାଇଥିବା ପବିତ୍ର ଜଳକୁ ମଧ୍ୟ ପ୍ରଦାନ କରାଯିବ।
पीएम नरेंद्र मोदी आज उत्तराखंड दौरे पर रहेंगे।
प्रधानमंत्री सेना, ITBP और BRO कर्मियों के साथ स्थानीय लोगों से बातचीत करने के लिए गुंजी गांव का दौरा करेंगे। वह जागेश्वर धाम में पूजा-अर्चना करेंगे। वे पिथौरागढ़ में लगभग 4,200 करोड़ रुपए की कई विकास परियोजनाओं का उद्घाटन और… pic.twitter.com/tEecWQh5xO
— ANI_HindiNews (@AHindinews) October 12, 2023