ସୋନଭଦ୍ର ପୀଡିତଙ୍କ ପରିବାରକୁ ଦେଖାକରିବାକୁ ଯାଉଥିବା ପ୍ରିୟଙ୍କାଙ୍କ ଗାଡିକୁ ଅଟକାଇଲା ୟୁପି ପୋଲିସ, ଧାରଣାରେ ବସିବାରୁ ଉଠାଇନେଲା
ସୋନଭଦ୍ର ଗସ୍ତ ସମୟରେ ଅଧା ବାଟରେ ପ୍ରିୟଙ୍କା ଗାନ୍ଧୀଙ୍କୁ ଅଟକାଇଲା ୟୁପି ପୋଲିସ୍ । ଯାହା ଫଳରେ ବିଚ୍ ରାସ୍ତାରେ ଦେଖାଦେଇଥିଲା ଉତ୍ତେଜନା । ୟୁପି ପୋଲିସର ଏପରି କାର୍ଯ୍ୟକଳାପକୁ ବିରୋଧ କରି କିଛି ସମୟ ଧାରଣାରେ ବସିଥିଲେ ପ୍ରିୟଙ୍କା । ତେବେ ପୋଲିସ୍ ତାଙ୍କୁ ସେଠାରୁ ଗେଷ୍ଟ ହାଉସକୁ ଉଠାଇନେଇଛି ।
ସୂଚନା ଅନୁସାରେ ଜମିଜମାକୁ ନେଇ ସୋନଭଦ୍ରାରେ ହୋଇଥିବା ହିଂସାକାଣ୍ଡ ଘଟଣାରେ ପିଡିତଙ୍କୁ ଭେଟିବାକୁ ଯାଉଥିଲେ । ତେବେ ମୃତକଙ୍କ ପରିଜନଙ୍କୁ ଦେଖାକରିବାକୁ ଯିବା ପୂର୍ବରୁ ପିୟଙ୍କା ପ୍ରଥମେ ଆହତଙ୍କୁ ଦେଖାକରିବାକୁ ହସ୍ପିଟାଲ ଯାଇଥିଲେ । ତେବେ ନାରାୟଣପୁର ଷ୍ଟେସନ ପାଖରେ ତାଙ୍କୁ ପୁଲିସ ଅଟକାଇଥିଲା । ଆଉ ଫେରିବା ବାଟରେ ପ୍ରିୟଙ୍କା ଅଟକାଇ ଉଠାଇନେଇଛି ୟୁପି ପୋଲିସ୍ । ଅନ୍ୟପଟେ ପ୍ରିୟଙ୍କା କହିଛନ୍ତି ତାଙ୍କୁ କେହି ରୋକି ପାରିବେନି । ପୀଡିତଙ୍କୁ ଭେଟିବା ପରେ ହିଁ ଫେରିବେ ।
ଏହା ସହ ପଢନ୍ତୁ ସୋନଭଦ୍ରରେ ନରସଂହାର : ୩୨ ଟି ଟ୍ରାକ୍ଟରରେ ଗାଁରେ ପଶି ମୃତ୍ୟୁର ତାଣ୍ଡବ ରଚିଲେ ୩୦୦ ଲୋକ, ଖେଳିଲେ ରକ୍ତର ହୋଲି
ସମଗ୍ର ଦେଶରେ ଚର୍ଚ୍ଚାର ବିଷୟବସ୍ତୁ ପାଲଟିଛି ସୋନଭଦ୍ର ନରସଂହାର । ଉତ୍ତରପ୍ରଦେଶରେ ହୋଇଥିବା ଏହି ଘଟଣା ଏବେ ସାରା ଦେଶର ରାଜନୀତିକୁ କରିଛି ସରଗରମ । ଘଟଣାରେ ୧୦ ଜଣ ପ୍ରାଣ ହରାଇଥିବା ବେଳେ ଅନେକ ଗୁରୁତର ହେଇଛନ୍ତି । ପୁଲିସ ଏହି ଘଟଣାରେ ୨୬ଜଣଙ୍କୁ ଗିରଫ କରିଥିବାବେଳେ ୫୦ ଜଣଙ୍କ ନାଁରେ ମାମଲା ରୁଜୁ କରିଛି ।
Priyanka Gandhi Vadra in Narayanpur on if she has been arrested: Yes, we still won’t be cowed down. We were only going peacefully to meet victim families(of Sonbhadra firing case). I don’t know where are they taking me, we are ready to go anywhere.’ pic.twitter.com/q1bwkucl0g
— ANI UP (@ANINewsUP) 19 July 2019
