ଭୋଟ ବଦଳରେ ନୋଟ୍ ମାମଲା : ସୁପ୍ରିମକୋର୍ଟଙ୍କ ଐତିହାସିକ ନିଷ୍ପତ୍ତି, ସାଂସଦ ଏବଂ ବିଧାୟକଙ୍କ ନାମରେ ରୁଜୁ ହୋଇପାରିବ ମାମଲା
ଭୋଟ ବଦଳରେ ନୋଟ୍ ମାମଲାରେ ସୁପ୍ରିମକୋର୍ଟ ଏକ ବଡ ରାୟ ଶୁଣାଇଛନ୍ତି । ଯଦି କୌଣସି ସାଂସଦ ପଇସା ନେଇ ଗୃହରେ ଭାଷଣ କିମ୍ବା ଭୋଟ୍ ଦେଇଥିବେ ତେବେ ତାଙ୍କ ବିରୋଧରେ ମାମଲା ରୁଜୁ ହେବ । ସୁପ୍ରିମକୋର୍ଟଙ୍କ ୭ ଜଣିଆ ଖଣ୍ଡପୀଠ ଏହି ଐତିହାସକ ରାୟ ଶୁଣାଇଛନ୍ତି ।
ଭୋଟ ବଦଳରେ ନୋଟ୍ ମାମଲାରେ ସୁପ୍ରିମକୋର୍ଟ ଏକ ବଡ ରାୟ ଶୁଣାଇଛନ୍ତି । ସୁପ୍ରିମକୋର୍ଟ ପୂର୍ବ ନିଷ୍ପତ୍ତିକୁ ଖାରଜ କରିଦେଇଛନ୍ତି । ସୁପ୍ରିମକୋର୍ଟ କହିଛନ୍ତି, ପୂର୍ବ ନିଷ୍ପତ୍ତିରେ ଆମେ ସହମତ ନାହୁଁ । ଯଦି କୌଣସି ସାଂସଦ ପଇସା ନେଇ ଗୃହରେ ଭାଷଣ କିମ୍ବା ଭୋଟ୍ ଦେଇଥିବେ ତେବେ ତାଙ୍କ ବିରୋଧରେ ମାମଲା ରୁଜୁ ହେବ ।
ଏଣିକି ଟଙ୍କା ନେଇ ଭୋଟ୍ ଦେଲେ ଆଉ ଛାଡ ନାହିଁ । ସୁପ୍ରିମକୋର୍ଟଙ୍କ ୭ ଜଣିଆ ଖଣ୍ଡପୀଠ ଏହି ଐତିହାସକ ରାୟ ଶୁଣାଇଛନ୍ତି । ଖଣ୍ଡପୀଠରେ ଜଷ୍ଟିସ୍ ଏସ୍ ବୋପାନ୍ନା, ଜଷ୍ଟିସ୍ ଏମ୍ ସୁନ୍ଦରେଶ, ଜଷ୍ଟିସ୍ ପିଏସ୍ ନରସିଂହ, ଜେବି ପରଦିୱାଲ, ଜଷ୍ଟିସ୍ ସଞ୍ଜୟ କୁମାର ଏବଂ ଜଷ୍ଟିସ୍ ମନୋଜ ମିଶ୍ର ଉପସ୍ଥିତ ଥିଲେ ।
ପୂର୍ବରୁ ସୁପ୍ରିମକୋର୍ଟଙ୍କ ରୋକ ଯୋଗୁଁ ମାମଲା ହୋଇପାରୁ ନ ଥିଲା । ୧୯୯୮ ରେ ୫ ଜଣିଆ ଖଣ୍ଡପୀଠ ୩:୨ରେ ଏହାକୁ ବହୁମତ ପ୍ରକାଶ କରିଥିଲେ । ତେଣୁ ପୂର୍ବ ରାୟକୁ ବଦଳାଇଦେଲେ ସୁପ୍ରିମକୋର୍ଟ । ଜନପ୍ରତିନିଧିଙ୍କ ଏଭଳି ଦୁର୍ନୀତି ଗଣତନ୍ତ୍ରକୁ ଧ୍ୱଂସ କରୁଛି ବୋଲି କହିଛନ୍ତି ସୁପ୍ରିମକୋର୍ଟ ମୁଖ୍ୟ ବିଚାରପତି ଡି.ୱାଇ ଚନ୍ଦ୍ରଚୂଡ । ଏଣିକି ଏହି ମାମଲାରେ ସାଂସଦ ଏବଂ ବିଧାୟକଙ୍କ ଉପରେ ମାମଲା ହୋଇପାରିବ । ସମ୍ବିଧାନର ଧାରା ୧୦୫ ଏବଂ ୧୯୪ରେ ଲାଞ୍ଚ ଉପରେ ଛାଡ଼ ପାଇଁ କୌଣସି ବ୍ୟବସ୍ଥା ନାହିଁ, କାରଣ ଲାଞ୍ଚ ଏକ ଅପରାଧିକ କାର୍ଯ୍ୟ । କେହି ବି କାର୍ଯ୍ୟାନୁଷ୍ଠାନ ହେବାରୁ ବଞ୍ଚିପାରିବେ ନାହିଁ ।
#WATCH | Advocate Ashwini Upadhyay says “Today, the Seven-judge Constitution bench of the Supreme Court said that if an MP takes money to ask questions or vote in the Rajya Sabha elections, they cannot claim immunity from prosecution. Supreme Court said that taking money to vote… pic.twitter.com/qrtPK8cv0j
— ANI (@ANI) March 4, 2024
