ରାଜସ୍ଥାନ: ଧୋଲପୁରରେ ୧୧ କେଭି ବିଦ୍ୟୁତ୍ ତାରରେ ବାଜିଲା ମହରମ୍ର ତାଜିଆ, ଚାଲିଗଲା ୩ ଜୀବନ; ଜଣେ ଗୁରୁତର
ରାଜସ୍ଥାନର ଧୋଲପୁରରେ ଏକ ଦୁଃଖଦ ଦୁର୍ଘଟଣା ଘଟିଛି। ଏଠାରେ ମହରମ୍ର ତାଜିଆ ଶୋଭାଯାତ୍ରା ବେଳେ ବିଦ୍ୟୁତ୍ ସଂସ୍ପର୍ଶରେ ଆସି ୩ ଯୁବକଙ୍କ ମୃତ୍ୟୁ ଘଟିଛି। ଜଣଙ୍କ ଅବସ୍ଥା ଗୁରୁତର ରହିଛି।
ରାଜସ୍ଥାନର ଧୋଲପୁରରେ ଏକ ଦୁଃଖଦ ଦୁର୍ଘଟଣା ଘଟିଛି। ଏଠାରେ ମହରମ୍ର ତାଜିଆ ଶୋଭାଯାତ୍ରା ବେଳେ ବିଦ୍ୟୁତ୍ ସଂସ୍ପର୍ଶରେ ଆସି ୩ ଯୁବକଙ୍କ ମୃତ୍ୟୁ ଘଟିଛି। ଜଣଙ୍କ ଅବସ୍ଥା ଗୁରୁତର ରହିଛି। ଏହି ଦୁର୍ଘଟଣାରେ ୩ ଜଣଙ୍କର ଘଟଣାସ୍ଥଳରେ ପ୍ରାଣବାୟୁ ଉଡ଼ିଯାଇଥିବା ବେଳେ ଅନ୍ୟ ଜଣଙ୍କୁ ଆହତ ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଦୁର୍ଘଟଣା ସକାଳ ୮ଟାରେ ଘଟିଛି।
ପୋଲିସ ସୂଚନା ମୁତାବକ, ୪ ଜଣ ଯୁବକ ଇସଲାମପୁରାର ପଞ୍ଚାୟତ ତାଜିଆକୁ କାନ୍ଧରେ ନେଇ ଶେରଗଡ ଦୁର୍ଗ ନିକଟରେ ଯାଉଥିଲେ। କିନ୍ତୁ ତାଜିଆର ଉଚ୍ଚତା ଅଧିକ ଥିବା କାରଣରୁ ଏହା ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସିଥିଲା। ଫଳରେ ୩ ଜଣ ଯୁବକ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ।
ଏହି ଦୁର୍ଘଟଣାକୁ ନେଇ ବହୁ ସଂଖ୍ୟକ ଲୋକ ଜିଲ୍ଲା ଡାକ୍ତରଖାନା ବାହାରେ ରୁଣ୍ଡ ହୋଇ ଜୋର୍ରେ ପାଟିତୁଣ୍ଡ କରିଥିଲେ। ଖବର ପାଇ ଜିଲ୍ଲାପାଳ ଅନିଲ ଅଗ୍ରୱାଲ ଓ ଏସ୍ପି ମନୋଜ କୁମାର ପହଞ୍ଚି ବିକ୍ଷୋଭକାରୀଙ୍କ ସହ ଆଲୋଚନା କରିଥିଲେ। ପ୍ରଶାସନ ଏବଂ ଲୋକଙ୍କ ମଧ୍ୟରେ ହୋଇଥିବା ଚୁକ୍ତି ଅନୁସାରେ, ଜିଲ୍ଲାପାଳ ଏହି ଘଟଣାରେ ଅଧୀକ୍ଷଣ ଯନ୍ତ୍ରୀ, କନିଷ୍ଠ ଯନ୍ତ୍ରୀ ଏବଂ ଲାଇନମ୍ୟାନଙ୍କୁ କାର୍ଯ୍ୟରୁ ନିଲମ୍ବିତ କରି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି।