ସୁରକ୍ଷାବଳ ଉପରକୁ ଆକ୍ରମଣ : ଭୟଙ୍କର ବୋମା ବିସ୍ଫୋରଣରେ ୮ ପୋଲିସ ଅଧିକାରୀଙ୍କ ମୃତ୍ୟୁ
ପଶ୍ଚିମ କଲମ୍ବିଆରେ ଭୟଙ୍କର ବିସ୍ଫୋରକ ଆକ୍ରମଣରେ ୮ ଜଣ ପୋଲିସ ଅଧିକାରୀଙ୍କ ମୃତ୍ୟୁ ଘଟିଛି। ଶୁକ୍ରବାର ହୋଇଥିବା ଏହି ଆକ୍ରମଣକୁ ରାଷ୍ଟ୍ରପତି କଡ଼ା ନିନ୍ଦା କରିଛନ୍ତି। ରାଷ୍ଟ୍ରପତି ଗୁସ୍ତାଭୋ ପେଟ୍ରୋ କହିଛନ୍ତି, ଦେଶର ପାଖାପାଖି ୬୦ ବର୍ଷର ସଂଘର୍ଷକୁ ଶେଷ କରିବାକୁ ପ୍ରତିଶ୍ରୁତି ଦେବା ପରେ ସୁରକ୍ଷାବଳ ଉପରେ ହୋଇଥିବା ଏହା ସବୁଠୁ ଘାତକ ଆକ୍ରମଣ। ପୋଲିସ କର୍ମଚାରୀମାନେ ଗାଡ଼ିରେ ଡ୍ୟୁଟିରେ ଯାଉଥିବା ସମୟରେ ଏହି ବିସ୍ଫୋରଣ ହୋଇଥିଲା। ଫଳରେ ଘଟଣାସ୍ଥଳରେ ହିଁ ଗାଡ଼ିରେ ଥିବା ସମସ୍ତ ୮ ଜଣଙ୍କ ମୃତ୍ୟୁ ଘଟିଛି।
ରାଷ୍ଟ୍ରପତିଙ୍କ କହିବାନୁସାରେ, ମୁଁ ଏହି ଆକ୍ରମଣକୁ କଡ଼ା ନିନ୍ଦା କରୁଛି। ଆକ୍ରମଣରେ ୮ ଜଣ ପୋଲିସ କର୍ମୀ ପ୍ରାଣ ହରାଇଛନ୍ତି। ମୃତକଙ୍କ ପରିବାରକୁ ମୁଁ ସହାନୁଭୂତି ଜଣାଉଛି। ଏହା ଦେଶର ଶାନ୍ତିରେ ବାଧକ ସୃଷ୍ଟି କରିଛି। ଘଟଣାର ତଦନ୍ତ ପାଇଁ ମୁଁ ଅଧିକାରୀଙ୍କୁ ଘଟଣାସ୍ଥଳକୁ ପଠାଇଛି।
Bomb Blast: Explosive attack in Colombia, eight policemen death, President orders probehttps://t.co/87OkyZyr4g
— Pardaphash News (@HindiPardaPhash) September 3, 2022
ଏମ୍-୧୯ ବିଦ୍ରୋହୀ ଆନ୍ଦୋଳନର ସଦସ୍ୟ ଥିବା ପେଟ୍ରୋ, ନ୍ୟାସ୍ନାଲ ଲିବରେସନ୍ ଆର୍ମୀ (ଇଏଲଏନ୍) ବିଦ୍ରୋହୀଙ୍କ ସହ ଆଲୋଚନାକୁ ପୁଣିଥରେ ଆରମ୍ଭ କରି ପୂର୍ଣ୍ଣ ଶାନ୍ତି ପ୍ରତିଷ୍ଠା ପାଇଁ ସଂକଳ୍ପ ନେଇଥିଲେ। ଏଥିପାଇଁ କଲମ୍ବିଆର ପୂର୍ବ କ୍ରାନ୍ତିକାରୀ ସଶସ୍ତ୍ର ବଳ (ଏଫ୍ଏଆରସି) ସୈନ୍ୟବାହିନୀ ପାଇଁ ୨୦୧୬ ଶାନ୍ତି ଚୁକ୍ତି ଲାଗୁ କରିଥିଲେ। ଫଳରେ କମ୍ ଦଣ୍ଡ ବଦଳରେ ଅପରାଧ ଘଟାଇଥିବା ଅଭିଯୁକ୍ତଙ୍କ ସହ ଆତ୍ମସମର୍ପଣ ପାଇଁ ଆଲୋଚନା କରାଯାଇପାରିବ।