ଆମେରିକା ଓ ଦକ୍ଷିଣ କୋରିଆର ସବୁଠୁ ବଡ଼ ମିଳିତ ସମରାଭ୍ୟାସ, କିମ୍ ଜୋଙ୍ଗ ଉନ୍ଙ୍କୁ ଜବାବ ଦେବାକୁ ପ୍ରସ୍ତୁତି
ଆମେରିକା ଓ ଦକ୍ଷିଣ କୋରିଆର ବିରାଟ ମିଲିଟାରୀ ଡ୍ରିଲ। କିମ ଜୋଙ୍ଗ ଉନ୍କୁ ଜବାବ ଦେବାକୁ ମିଲିଟାରୀ ଡ୍ରିଲ। ଉତ୍ତର କୋରିଆର ପରମାଣୁ ଆକ୍ରମଣ ଭୟ ମଧ୍ୟରେ ଆରମ୍ଭ ହୋଇଛି ‘ଉଲଚି ଫ୍ରିଡମ୍ ସିଲ୍ଡ’ ମିଲିଟାରୀ ଡ୍ରିଲ। ଦୀର୍ଘ ବର୍ଷ ଭିତରେ ଏହା ଆମେରିକା ଓ ଦକ୍ଷିଣ କୋରିଆ ମଧ୍ୟରେ ସବୁଠୁ ବଡ଼ ମିଳିତ ସମରାଭ୍ୟାସ।
ଆକାଶରେ ଗର୍ଜୁଛି ଦୁଇ ଦେଶର ଘାତକ ବିମାନ। ଏୟାରକ୍ରାଫ୍ଟ, ଓ୍ଵାର୍ ସିପ୍, ଟ୍ୟାଙ୍କ ଓ ୧୦ ହଜାରରୁ ଅଧିକ ସୈନ୍ୟଙ୍କୁ ନେଇ ଚାଲିଛି ସମରାଭ୍ୟାସ। ଡ୍ରୋନ୍ ଆକ୍ରମଣ, ୟୁକ୍ରେନ୍ ଉପରେ ରୁଷ ଆକ୍ରମଣର ନୂଆ ରଣକୌଶଳ ଓ ଏୟାରପୋର୍ଟ, ବନ୍ଦର ଓ ଶିଳ୍ପାଞ୍ଚଳରେ ଆକ୍ରମଣର କିପରି ସାମ୍ନା କରାଯିବ ଏହାର ଅଭ୍ୟାସ କରୁଛନ୍ତି ଦୁଇ ଦେଶର ସେନା। ଅଗଷ୍ଟ ୨୨ରୁ ଆରମ୍ଭ ହୋଇଥିବା ଏହି ସମରାଭ୍ୟାସ ୧ ସେପ୍ଟେମ୍ବର ଯାଏ ଚାଲିବ। ୨୦୧୯ ମସିହାରେ ଉତ୍ତର କୋରିଆ ଶାସକ କିମ୍ ଜୋଙ୍ଗ ଉନ୍ ଓ ଆମେରିକା ପୂର୍ବ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଦ୍ୱିତୀୟ ବୈଠକ ବାତିଲ ହେବାରେ ଦୁଇ ଦେଶ ମଧ୍ୟରେ ଉତ୍ତେଜନା ଲାଗି ରହିଛି।
While Washington and Seoul describe their exercises as defensive, North Korea portrays them as invasion rehearsals and has used them to justify its nuclear weapons and missiles development. https://t.co/WxBQFtzPEb
— WBUR (@WBUR) August 22, 2022
ଅନ୍ୟପଟେ ଆମେରିକା ଓ ଦକ୍ଷିଣ କୋରିଆ ମଧ୍ୟରେ ବଢୁଥିବା ସମ୍ପର୍କକୁ ନେଇ ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନ ପରମାଣୁ ଆକ୍ରମଣ କରିବାକୁ ଧମକ ଦେଇଛନ୍ତି। ତେଣୁ ପ୍ରତିରକ୍ଷା ପାଇଁ ଆମେରିକା ଓ ଦକ୍ଷିଣ କୋରିଆ ଏହି ସମରାଭ୍ୟାସ କରୁଥିବା କହିଛି। ମାତ୍ର କିମ୍ ଜୋଙ୍ଗ ଉନ କହିଛନ୍ତି ଆକ୍ରମଣର ଏହା ପୂର୍ବାଭାସ।
