ସମୁଦ୍ର ମଧ୍ୟରେ ଶତ୍ରୁଙ୍କୁ ଟକ୍କର ଦେବ ଯୁଦ୍ଧାସ୍ତ୍ର ଟରପିଡୋ, DRDO ଦ୍ୱାରା ସଫଳ ହେଲା ପରୀକ୍ଷଣ
ଡିଆରଡିଓ ଦ୍ୱାରା ବିକଶିତ ହୋଇଥିବା ଟରପିଡୋର ପରୀକ୍ଷଣ ସଫଳ ହୋଇଛି । ଏହି ହେଭିେଓ୍ଵଟ ଟରପିଡୋ ସଫଳତାପୂର୍ବକ ପାଣି ଭିତରେ ନିଜ ଲକ୍ଷକୁ ଭେଦ କରିଛି । ଭାରତୀୟ ନୌସେନା ଏବଂ ଡିଆରଡିଓ ପାଇଁ ଏହା ଏକ ବଡ଼ ସଫଳତା ବୋଲି ଭାରତୀୟ ନୌସେନା ବିଭାଗ କହିଛି ।
(କେନ୍ୟୁଜ ବ୍ୟୁରୋ): ଦେଶରେ ହେଉଥିବା ଅତ୍ୟାଧୁନିକ ଯୁଦ୍ଧାସ୍ତ୍ର ନିର୍ମାଣ ଦିଗରେ ଏକ ବଡ଼ ସଫଳତା ମିଳିଛି । ଡିଆରଡିଓ ଦ୍ୱାରା ବିକଶିତ ହୋଇଥିବା ଟରପିଡୋର ପରୀକ୍ଷଣ ସଫଳ ହୋଇଛି । ଏହି ହେଭିେଓ୍ଵଟ ଟରପିଡୋ ସଫଳତାପୂର୍ବକ ପାଣି ଭିତରେ ନିଜ ଲକ୍ଷକୁ ଭେଦ କରିଛି । ଭାରତୀୟ ନୌସେନା ଏବଂ ଡିଆରଡିଓ ପାଇଁ ଏହା ଏକ ବଡ଼ ସଫଳତା ବୋଲି ଭାରତୀୟ ନୌସେନା ବିଭାଗ କହିଛି । ଟରପିଡୋ ସଠିକ ଭାବେ ପାଣି ଭିତରେ ନିଜର ଲକ୍ଷ୍ୟକୁ ଭେଦ କରିବାରେ ସଫଳ ହୋଇଛି । ନୌସେନା ଏହା ମଧ୍ୟ କହିଛି ଯେ, ଆତ୍ମନିର୍ଭରଶୀଳତା ଅନୁସାରେ ଭବିଷ୍ୟତର କୌଣସି ଯୁଦ୍ଧ ପାଇଁ ଏହା ସମର୍ପଣ ହେବ ।
ତେବେ ଗତ ସପ୍ତାହରେ ଭାରତକୁ ଆଉ ଏକ ସଫଳତା ମିଳିଥିଲା । ଏମଏଚ୬୦ ରୋମିୟୋ ହେଲିକେପ୍ଟର ସ୍ୱଦେଶ ନିର୍ମିତ ଏୟାରକ୍ରାଫ୍ଟ କ୍ୟାରିଅର ଆଇଏନଏସ ବିକ୍ରାନ୍ତରେ ସଫଳତା ପୂର୍ବକ ଲ୍ୟାଣ୍ଡିଙ୍ଗ କରିଥିଲା । ତେବେ ଏହା ଦ୍ୱାରା ଭାରତରେ ଯୁଦ୍ଧ କରିବା କ୍ଷମତାରେ ଲାଭ ମିଳିବା ସହ ସାମୁଦ୍ରିକ ଗତିବିଧି ଉପରେ ନଜର ରଖାଯାଇ ପାରିବ ।
#WATCH An indigenously developed Heavy Weight Torpedo successfully engages an underwater target
“It is a significant milestone in Indian Navy’s & DRDO’s quest for accurate delivery of ordnance on target in the underwater domain,” says Indian Navy.
(Video source: Indian Navy) pic.twitter.com/dq99k4If6q
— ANI (@ANI) June 6, 2023
ଭବିଷ୍ୟତର କୌଣସି ଯୁଦ୍ଧରେ ନୌସେନା ର ଭୂମିକା ପ୍ରମାଣିତ ହେବ । ଏଥିରେ ସବମରିନର ଭୂମିକା ମଧ୍ୟ ଗୁରୁତ୍ତ୍ୱପୂର୍ଣ୍ଣ ରହିବ । ସବମରିନର ବ୍ୟବହାର ତୁଳନାରେ ଟରପିଡୋର ଭୂମିକା ଅଧିକ ଗୁରୁତ୍ତ୍ୱପୂର୍ଣ୍ଣ ରହିବ । ଏହି ଯୁଦ୍ଧାସ୍ତ୍ର ପାଣି ଭିତରେ କିଛି ସେକେଣ୍ଡ ମଧ୍ୟରେ ହିଁ ଶତ୍ରୁ ସବମରିନକୁ ଲକ୍ଷ୍ୟ କରି ଏହାକୁ ନଷ୍ଟ କରିବାରେ ସମର୍ଥ ହେବ । ଭାରତ ଦ୍ୱାରା ବିକଶିତ ହୋଇଥିବା ଟରପିଡୋର ସଫଳ ପରୀକ୍ଷଣ, ଭାରତ ଯୁଦ୍ଧ ପାଇଁ ପ୍ରସ୍ତୁତ ହେବା ସମୟରେ ଏହାର ଭୂମିକାକୁ ଦର୍ଶାଇବ ।
