କେନ୍ୟୁଜ୍(ବ୍ୟୁରୋ): ଦୁର୍ଘଟଣାରେ ଭାରତୀୟ ଦୁଇ ଛାତ୍ରଙ୍କ ମୃତ। ସେମାବାର ଦିନ ଟକ୍ସାସର ଦକ୍ଷିଣ ନ୍ୟାସବିଲରେ ଏହି ଦୁର୍ଘଟଣା ଘଟିଛି। ମୃତ ଦୁଇ ଜଣ ଛାତ୍ର ହେଉଛନ୍ତି ଜୁଡି ଷ୍ଟେନଲି(୨୩) ଓ ବୈଭବ ଗୋପିସେଟ୍ଟି(୨୬)। ଟେନେସି ଷ୍ଟେଟ ବିଶ୍ବବିଦ୍ୟାଳୟରେ(TSU) ଏଗ୍ରିକଲଚର ଖାଦ୍ୟ ବିଜ୍ଞାନର ଉଭୟ ସ୍ନାତକୋତ୍ତର କରୁଥିଲେ।ଦୁଇଜଣଙ୍କ ମୃତ୍ୟୁ ପରେ ବିଶ୍ବବିଦ୍ୟାଳୟର ଛାତ୍ରଛାତ୍ରୀ ମାନେ ଫେସବୁକ ପୋଷ୍ଟରେ ମୃତ ଛାତ୍ରଙ୍କୁ ନିଜ ଜନ୍ମ ମାଟିରେ ଫେରାଇ ନେଇ ଅନ୍ତିମ ସଂସ୍କାର କରିବା ପାଇଁ ସହପାଠିମାନଙ୍କୁ ଅପିଲ କରିଥିଲେ । ଯାହାଦ୍ବାରା ସହପାଠୀ ମାନେ ସାହାଯ୍ୟ ବାବଦକୁ ୪୨୦୦ ଡଲାର ଅର୍ଥ ଦେଇଛନ୍ତି। ତେବେ ଆଉ କିଛି ଫର୍ମାଲିଟି ପୂରଣ ହେବା ପରେ ଉଭୟଙ୍କୁ ଭାରତ ଅଣାଯାଇପାରିବ ବୋଲି ମୃତ ଛାତ୍ରଙ୍କ ସହପାଠି ମତ ଦେଇଛନ୍ତି।