୪୫ ହଜାର ସ୍କୁଲରୁ ବାହାରିବେ ଲକ୍ଷ ଲକ୍ଷ ‘ରାଣୀ ଲକ୍ଷ୍ମୀବାଈ’, ୟୁପି ସରକାରଙ୍କ ନିଆରା ଯୋଜନା
ଝିଅମାନଙ୍କୁ ସକ୍ଷମ କରିବା ପାଇଁ ଉତ୍ତର ପ୍ରଦେଶ ସରକାର ଏକ ବଡ଼ ପଦକ୍ଷେପ ନେଇଛନ୍ତି। ୟୁପି ସରକାର ‘ରାଣୀ ଲକ୍ଷ୍ମୀବାଈ ଆତ୍ମରକ୍ଷା ପ୍ରଶିକ୍ଷଣ’ ଯୋଜନା ଅଧୀନରେ ୨ ଲକ୍ଷରୁ ଅଧିକ ଛାତ୍ରୀଙ୍କୁ ଆତ୍ମରକ୍ଷା କୌଶଳ ଶିଖାଇବେ।
ଝିଅମାନଙ୍କୁ ସକ୍ଷମ କରିବା ପାଇଁ ଉତ୍ତର ପ୍ରଦେଶ ସରକାର ଏକ ବଡ଼ ପଦକ୍ଷେପ ନେଇଛନ୍ତି। ୟୁପି ସରକାର ‘ରାଣୀ ଲକ୍ଷ୍ମୀବାଈ ଆତ୍ମରକ୍ଷା ପ୍ରଶିକ୍ଷଣ’ ଯୋଜନା ଅଧୀନରେ ୨ ଲକ୍ଷରୁ ଅଧିକ ଛାତ୍ରୀଙ୍କୁ ଆତ୍ମରକ୍ଷା କୌଶଳ ଶିଖାଇବେ। ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୌଳିକ ଶିକ୍ଷା ବିଭାଗ ଅନ୍ତର୍ଗତ ସ୍କୁଲ ଚାଲୋ ଅଭିଯାନର ଶୁଭାରମ୍ଭ ସହିତ ଆତ୍ମରକ୍ଷା ତାଲିମର ମଡ୍ୟୁଲ୍ ମଧ୍ୟ ପ୍ରକାଶ କରିଛନ୍ତି।
ବୀରାଙ୍ଗନା ଲକ୍ଷ୍ମୀବାଈ ଆତ୍ମରକ୍ଷା ପ୍ରଶିକ୍ଷଣର ମଡ୍ୟୁଲ୍ ଅଧୀନରେ ୪୫ ହଜାରରୁ ଅଧିକ ସରକାରୀ ବିଦ୍ୟାଳୟରେ ପଢ଼ୁଥିବା ୧୧ରୁ ୧୪ ବର୍ଷର ଲକ୍ଷାଧିକ ଛାତ୍ରୀଙ୍କୁ ଆତ୍ମରକ୍ଷା ତାଲିମ ଦିଆଯିବ। ମୌଳିକ ଶିକ୍ଷା ବିଭାଗର ବିଦ୍ୟାଳୟ ଏବଂ କସ୍ତୁରବା ବିଦ୍ୟାଲୟର ଛାତ୍ରୀମାନଙ୍କୁ ପ୍ରଶିକ୍ଷଣ ପ୍ରଦାନ କରାଯିବ।
ଆତ୍ମରକ୍ଷା ତାଲିମର ଏକ ବିସ୍ତୃତ ମଡ୍ୟୁଲ୍ ପ୍ରସ୍ତୁତ କରାଯାଇଛି, ଯେଉଁଥିରେ ଆତ୍ମରକ୍ଷା କୌଶଳ ସହିତ ଏହାର ଗୁରୁତ୍ୱ ବିଷୟରେ କୁହାଯିବ। ଏହା ବ୍ୟତୀତ ଇଭ୍ ଟିଜିଂ, ସାଇବର ବୁଲିଙ୍ଗ୍, ଏସିଡ୍ ଆକ୍ରମଣ ଭଳି ଜିନିଷଗୁଡ଼ିକ ବିଷୟରେ ମଧ୍ୟ ସଚେତନ କରାଯିବ। ଏହି ତାଲିମ ସମୟରେ ଝିଅମାନଙ୍କୁ ଖେଳକୁଦ ମାଧ୍ୟମରେ ସ୍ୱାସ୍ଥ୍ୟ ପ୍ରତି ବି ସଚେତନତା ସୃଷ୍ଟି କରାଯିବ।
ବିଦ୍ୟାଳୟଗୁଡ଼ିକର ଶାରୀରିକ ଶିକ୍ଷକ ଏବଂ ପ୍ରଶିକ୍ଷକମାନେ ପ୍ରତିଦିନ ଗୋଟିଏ ଘଣ୍ଟାର ସେଶନ ନେବେ। ଏହି ମଡ୍ୟୁଲ୍ ଅଧୀନରେ ୫୦-୫୦ ବ୍ୟାଚ୍ରେ ୧୨୦୦ ଶାରୀରିକ ଶିକ୍ଷକଙ୍କୁ ଏକ ସପ୍ତାହ ପର୍ଯ୍ୟନ୍ତ ସ୍ୱତନ୍ତ୍ର ତାଲିମ ଦିଆଯିବ। ତାଲିମ ପରେ ଶିକ୍ଷକମାନେ ବି ପ୍ରମାଣପତ୍ର ପାଇବେ।
