ବନ୍ଦେ ଭାରତରେ ପୁଣି ପରସାଗଲା ଖରାପ କ୍ୱାଲିଟିର ଖାଦ୍ୟ, ଯାତ୍ରୀଙ୍କୁ ମିଳିଲା ଫିମ୍ପି ଲାଗିଥିବା ଦହି
ବନ୍ଦେ ଭାରତରେ ପରସା ଯାଇଥିବା ଖାଦ୍ୟର କ୍ୱାଲିଟିକୁ ନେଇ ପୁଣିଥରେ ଚର୍ଚ୍ଚା । ଡେରାଡୁନ୍ରୁ ଦିଲ୍ଲୀର ଆନନ୍ଦ ବିହାର ଯାତ୍ରା କରୁଥିବା ଜଣେ ଯାତ୍ରୀ ଟ୍ରେନ୍ରେ ପରସା ଯାଇଥିବା ଖାଦ୍ୟକୁ ନେଇ ଅଭିଯୋଗ ଆଣିଛନ୍ତି ।
ବନ୍ଦେ ଭାରତରେ ପରସା ଯାଇଥିବା ଖାଦ୍ୟର କ୍ୱାଲିଟିକୁ ନେଇ ପୁଣିଥରେ ଚର୍ଚ୍ଚା । ଡେରାଡୁନ୍ରୁ ଦିଲ୍ଲୀର ଆନନ୍ଦ ବିହାର ଯାତ୍ରା କରୁଥିବା ଜଣେ ଯାତ୍ରୀ ଟ୍ରେନ୍ରେ ପରସା ଯାଇଥିବା ଖାଦ୍ୟକୁ ନେଇ ଅଭିଯୋଗ ଆଣିଛନ୍ତି । ସେ ‘X’ରେ ଏକ ଫଟୋ ପୋଷ୍ଟ କରିଛନ୍ତି, ଯେଉଁଥିରେ ଯାତ୍ରୀଙ୍କୁ ଦିଆଯାଇଥିବା ଦହିରେ ଫଙ୍ଗସ୍ ଦେଖିବାକୁ ମିଳିଛି ।
ଏହି ବ୍ୟକ୍ତିଙ୍କ ନାମ ହର୍ଷଦ ଟୋପକର । ସେ ମାର୍ଚ୍ଚ ୫ରେ ରେଳ ମନ୍ତ୍ରଣାଳୟ, ଉତ୍ତର ରେଲୱେ ଏବଂ ରେଳ ମନ୍ତ୍ରୀଙ୍କ ଅଫିସିଆଲ ଆକାଉଣ୍ଟକୁ ଟ୍ୟାଗ୍ କରି ନିଜର ଅଭିଯୋଗ ପୋଷ୍ଟ୍ କରିଛନ୍ତି । ହର୍ଷଦଙ୍କ ଅଭିଯୋଗର ତୁରନ୍ତ ପରେ ଭାରତୀୟ ରେଲୱେ ଏହି ମାମଲାକୁ ଅବଗତକୁ ନେଇ ତାଙ୍କ ଅଭିଯୋଗ ଉପରେ ଉତ୍ତର ରଖିଛି ।
ହର୍ଷଦ ଯେଉଁ ଖାଦ୍ୟର ଫଟୋ ପୋଷ୍ଟ କରିଛନ୍ତି, ତାହା ତାଙ୍କୁ ବନ୍ଦେ ଭାରତର ଏକ୍ସିକ୍ୟୁଟିଭ୍ କ୍ଲାସ୍ରେ ଯାତ୍ରା ସମୟରେ ପରସା ଯାଇଥିଲା । ଫଟୋରେ ସ୍ପଷ୍ଟ ରୂପେ ଦେଖାଯାଉଛି କି, ତାଙ୍କୁ ଯେଉଁ ଦହି ଦିଆଯାଇଛି, ତାହା ବହୁତ ପୁରୁଣା ଏବଂ ଫଙ୍ଗସ୍ ଲାଗି ଖରାପ ହୋଇଯାଇଛି ।
ସେପଟେ ଯାତ୍ରୀମାନଙ୍କ ସହାୟତା ପାଇଁ ରେଲୱେ ହର୍ଷଦଙ୍କୁ ନିଜ ଯାତ୍ରାର ବିବରଣୀ ସେୟାର କରିବା ପାଇଁ କହିଛି, ଯେପରି ସେମାନେ ମାମଲାର ଯାଞ୍ଚ କରିପାରିବେ । ଉତ୍ତର ରେଲୱେ ଏହି ପୋଷ୍ଟର ଜବାବ ଦେଇଛି ଏବଂ ଇଣ୍ଡିଆନ ରେଲୱେ କ୍ୟାଟରିଙ୍ଗ୍ ଆଣ୍ଡ ଟୁରିଜମ୍ କର୍ପୋରେସନର ଅଫିସିଆଲ ଆକାଉଣ୍ଟକୁ ଟ୍ୟାଗ୍ କରି କହିଛି ଯେ ‘ଦୟାକରି ଏହି ମାମଲା ଉପରେ ଧ୍ୟାନ ଦିଅନ୍ତୁ’ ।
@RailMinIndia @RailwayNorthern @AshwiniVaishnaw
traveling to Vande Bharat from Dehradun to Anad vihar in the executive class today. Found greenish layer most probably fungus in the amul yogurt served. This is not expected from the Vande Bharat service pic.twitter.com/ScwR1C0rlz— Harshad Topkar (@hatopkar) March 5, 2024