ଆମେରିକା ରାଷ୍ଟ୍ରପତି ନିର୍ବାଚନରୁ ଓହରିଲେ ଭାରତୀୟ ବଂଶୋଦ୍ଭବ ବିବେକ ରାମସ୍ବାମୀ, ଟ୍ରମ୍ପଙ୍କୁ କରିବେ ସମର୍ଥନ
ଆମେରିକା ରାଷ୍ଟ୍ରପତି ନିର୍ବାଚନ ରେସରୁ ରିପବ୍ଲିକାନ ପାର୍ଟି ପ୍ରାର୍ଥୀ ଭାରତୀୟ ବଂଶୋଦ୍ଭବ ବିବେକ ରାମସ୍ବାମୀ ଓହରିଛନ୍ତି । ବିବେକ ଦଳୀୟ ପ୍ରାର୍ଥୀ ତଥା ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସମର୍ଥନ କରିବାକୁ ଘୋଷଣା କରିଛନ୍ତି ।
ଆମେରିକାରେ ରାଷ୍ଟ୍ରପତି ନିର୍ବାଚନ ପ୍ରକ୍ରିୟା ଆରମ୍ଭ ହୋଇଛି । ଆମେରିକା ରାଷ୍ଟ୍ରପତି ନିର୍ବାଚନ ରେସରୁ ରିପବ୍ଲିକାନ ପାର୍ଟି ପ୍ରାର୍ଥୀ ଭାରତୀୟ ବଂଶୋଦ୍ଭବ ବିବେକ ରାମସ୍ବାମୀ ଓହରିଛନ୍ତି । ବିବେକ ଦଳୀୟ ପ୍ରାର୍ଥୀ ତଥା ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସମର୍ଥନ କରିବାକୁ ଘୋଷଣା କରିଛନ୍ତି । ଟ୍ରମ୍ପଙ୍କ ଠାରୁ ଆୟୋୱା କାକସରେ ପରାସ୍ତ ପରେ ୩୮ ବର୍ଷିୟ ରାମସ୍ବାମୀ ଏଭଳି ନିଷ୍ପତ୍ତି ନେଇଛନ୍ତି।
ବିବେକ ନିର୍ବାଚନ ରେସରୁ ବାଦ୍ ପଡିବା ଘୋଷଣା କରିବା ବେଳେ ଜଣେ ମହିଳା ଚିତ୍କାର କରି ନିର୍ବାଚନରୁ ନ ଓହରିବାକୁ କହିଥିଲେ । କିନ୍ତୁ ସେ କେଉଁଆଡେ ଯାଉନାହାନ୍ତି ବରଂ ସମସ୍ତଙ୍କ ସହିତ ରହି ଟ୍ରମ୍ପକୁ ସମର୍ଥନ କରିବେ ବୋଲି କହିଛନ୍ତି ।
This entire campaign is about speaking the TRUTH. We did not achieve our goal tonight & we need an America-First patriot in the White House. The people spoke loud & clear about who they want. Tonight I am suspending my campaign and endorsing Donald J. Trump and will do everything…
— Vivek Ramaswamy (@VivekGRamaswamy) January 16, 2024
ସେହିପରି ଆସନ୍ତା ରାଷ୍ଟ୍ରପତି ନିର୍ବାଚନ ପାଇଁ ଗୋଟିଏ ପାଦ ଆଗକୁ ବଢିଛନ୍ତି ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ରିପବ୍ଲିକାନ୍ ପାର୍ଟି ପ୍ରାର୍ଥୀ ଭାବରେ ଆୟୋୱା କାକସରେ ବିପୁଳ ଭୋଟରେ ଜିତିଛନ୍ତି ଟ୍ରମ୍ପ । ୨୦୨୪ ରାଷ୍ଟ୍ରପତି ନିର୍ବାଚନ ଅଭିଯାନ ଔପଚାରିକ ଭାବେ ଆରମ୍ଭ ହୋଇଛି । ଆମେରିକାର ରାଷ୍ଟ୍ରପତି ନିର୍ବାଚନ ପ୍ରାର୍ଥୀତ୍ୱରେ ଡୋନାଲ୍ଡ ଟ୍ରମ୍ପ ବର୍ତ୍ତମାନ ରିପବ୍ଲିକାନ୍ ପାର୍ଟିରୁ ଆଗୁଆ ଅଛନ୍ତି । ଆୟୋୱା କାକସରେ ଟ୍ରମ୍ପଙ୍କ ଦମଦାର ବିଜୟ ପରେ ବାଇଡେନଙ୍କ ସହ ଲଢେଇ ହେବାର ସମ୍ଭାବନା ରହିଛି ।
