‘ମୋ ମା’କୁ ମୁଁ ମାରିଦେଲି’, ମୃତଦେହକୁ ସୁଟକେସରେ ଧରି ଥାନାରେ ପହଞ୍ଚିଲା ଝିଅ
ମା’କୁ ମାରି ଥାନାରେ ଆତ୍ମସମର୍ପଣ କଲା ଝିଅ । ପ୍ରତିଦିନିଆ କଳିରେ ଅତିଷ୍ଠ ହୋଇ ମା’କୁ ହତ୍ୟାକରିବା ପରେ ମୃତଦେହକୁ ନୀଳସୁଟକେସରେ ଭର୍ତ୍ତି କରି ଥାନାରେ ପହଞ୍ଚିଲା ଝିଅ । ପୋଲିସ କଲା ଗିରଫ ।
ସବୁଦିନିଆ କଳିରେ ଅତିଷ୍ଠ ହୋଇ ନିଜ ମା’କୁ ମାରିଲା ଝିଅ । ମା’କୁ ହତ୍ୟା କରିବା ପରେ ସୁଟକେସରେ ଭର୍ତ୍ତି କରି ପୋଲିସ ନିକଟରେ ଆତ୍ମସମର୍ପଣ କରିଛି ଝିଅ । ଶେଷରେ ପୁଲିସ୍ ମୃତଦେହ ଜବତ କରିବା ସହିତ ଝିଅକୁ ଗିରଫ କରିଛି। ଏପରି ଏକ ଲୋମଟାଙ୍କୁରା ଘଟଣା ବେଙ୍ଗାଲୁରୁରେ ଘଟିଛି।
ଖବର ମୁତାବକ, ବୋଙ୍ଗାଲୁରୁରେ ମାଇକୋ ଲେଆଉଟ୍ ଥାନା ଅଞ୍ଚଳରେ ସେନାଲୀ ସେନ୍ ନାମକ ୩୯ ବର୍ଷୀୟ ଯୁବତୀ ପୋଲିସ ଷ୍ଟେସନକୁ ହାତରେ ଏକ ନୀଳ ରଙ୍ଗର ସୁଟକେସ ଧରି ଆସିଥିଲେ । ପୋଲିସ ଅଧିକାରୀ କିଛି ପଚାରିବା ପୂର୍ବରୁ ଯୁବତୀ ଜଣକ ସବୁକିଛି କହିବା ଆରମ୍ଭ କରିଦେଇଥିଲେ । ଯୁବତୀଙ୍କ ଘର କୋଲକତାରେ ହୋଇଥିବା ବେଳେ ବିବାହ ପରେ ସ୍ବାମୀଙ୍କ ସହ ବେଙ୍ଗାଲୁରୁରେ ରହୁଥିଲେ। ତାଙ୍କ ନିକଟରେ ତାଙ୍କ ଶାଶୁ ଓ ମା’ ମଧ୍ୟ ରହୁଥିଲେ।
ହେଲେ ବିଭିନ୍ନ କାରଣରୁ ତାଙ୍କର ନିଜ ମା’ଙ୍କ ସହ ସମ୍ପର୍କ ଭଲ ନ ଥିଲା। ଏପରିକି ଉଭୟ ମା’ ଝିଅଙ୍କ ମଧ୍ୟରେ ପ୍ରତିଦିନ ଝଗଡ଼ା ଲାଗୁଥିଲା । ଏଥିରେ ଅତିଷ୍ଠ ହୋଇ ଯୁବତୀ ଜଣକ ଘଟଣାଦିନ ନିଜ ବେଡରୁମ୍ରେ ୭୦ ବର୍ଷୀୟ ମା’କୁ ୯୦ଟି ନିଦ ବଟିକା ଦେଇଥିଲେ । ତେବେ ବୃଦ୍ଧା ଜଣକ ପେଟ ଯନ୍ତ୍ରଣା ହେବା କହିବାରୁ ଧାରୁଆ ଅସ୍ତ୍ରରେ ମା’ଙ୍କୁ ହତ୍ୟା କରିଥିଲେ ଯୁବତୀ।
#WATCH | Karnataka | Case registered against a 39-year-old woman, Senali Sen for allegedly killing her mother and stuffing her body in a trolley bag. The incident occurred at a residential apartment in Bengaluru.
MICO layout Police say, “Body was brought to the Police Station… pic.twitter.com/pzlry6WB0M
— ANI (@ANI) June 13, 2023
ଏହାପରେ ମା’ଙ୍କ ମୃତଦେହକୁ ଏକ ସୁଟକେସରେ ଭର୍ତ୍ତି କରି ପୋଲିସ ଷ୍ଟେସନରେ ପହଞ୍ଚିଥିଲେ। ପୋଲିସ୍ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଯୁବତୀଙ୍କୁ ଗିରଫ କରିଛି। ଯୁବତୀ ଜଣେ ଫିଜିଓଥେରାପିଷ୍ଟ ।
ତେବେ ଯୁବତୀ ଜଣକ ଫେରାର ନ ହୋଇ ମା’ର ମୃତଦେହକୁ ସୁଟକେସରେ ଧରି ପୋଲିସ ନିକଟରେ ହାଜର ହୋଇଛନ୍ତି । ତେବେ ମା’କୁ ହତ୍ୟା କରିବା ବେଳେ ତାଙ୍କ ସ୍ବାମୀ ଘରେ ନଥିଲେ ଏବଂ ଶାଶୁ ଅନ୍ୟ ରୁମରେ ଶୋଇଥିବା କଥା ଯୁବତୀ ଜଣକ କହିଛନ୍ତି ।
