ଚାଣକ୍ୟଙ୍କ ଅନୁଯାୟୀ ପ୍ରତ୍ୟେକ ମନୁଷ୍ୟ ସଫଳତା ପାଇଁ ଜୀବନରେ ସଂଘର୍ଷ କରିଥାଏ । କିଛ ବ୍ୟକ୍ତିଙ୍କୁ ଏଥିରେ ସଫଳତା ମିଳିଥାଏ ତ କିଛି ବ୍ୟକ୍ତି ଏଥିରେ ଅସଫଳ ହୋଇଥାନ୍ତି । ଚାଣକ୍ୟ ନୀତି କହେ ଯେ ଅସଲ ସଫଳ ତାହା ଯିଏ ଅନ୍ୟକୁ ବି ସଫଳତା ପାଇଁ ପ୍ରେରିତ କରିଥାଏ । ନିୟମ ଓ ଅନୁଶାସନରେ ଥିବା ବ୍ୟକ୍ତି ଶୀଘ୍ର ସଫଳତା ପାଇଥାନ୍ତି ।
ଆଚାର୍ଯ୍ୟ ଚାଣକ୍ୟ ତାଙ୍କର ନୀତିରେ ବଡ଼ ଓ ଛୋଟ ବ୍ୟକ୍ତିଙ୍କ ସହିତ ଜଡ଼ିତ ଏମିତି କିଛି କଥା କହିଛନ୍ତି ଯାହାକୁ ସାଧାରଣ ଲୋକ ଜାଣିବା ଏତେ ସହଜ ହୋଇନଥାଏ । ଚାଣକ୍ୟ ଆଜି ତାଙ୍କ ନୀତି ଶ୍ଳୋକରେ ଏମିତି କିଛି ବ୍ୟକ୍ତିଙ୍କ ବିଷୟରେ କହିଛନ୍ତି ଯାହାଙ୍କ ପାଇଁ କୌଣସି ସୀମା ବନ୍ଧନ ନଥାଏ । ସେମାନେ ସବୁଠି ଆଦର ପାଇଥାନ୍ତି ।
ଶ୍ଳୋକ :
କୋଅତିଭାରଃ ସମର୍ଥାନାଂ କିଂ ଦୂରଂ ବ୍ୟବସାୟିନାମ୍ ।
କୋ ବିଦେଶଃ ସୁବିଧାନାଂ କଃ ପରଃ ପ୍ରିୟବାଦିନାମ୍ ।।
ଏହି ଶ୍ଳୋକରେ ଆଚାର୍ଯ୍ୟ ଚାଣକ୍ୟ କହିଛନ୍ତି ଯେ କେଉଁ ପ୍ରକାର ଲୋକଙ୍କ ପାଇଁ କୌଣସି ପ୍ରକାର ସୀମା ବନ୍ଧନର କୌଣସି ଆବଶ୍ୟକ ନଥାଏ । ଚାଣକ୍ୟଙ୍କ ଅନୁଯାୟୀ ଶକ୍ତିଶାଳୀ ଲୋକଙ୍କ ପାଇଁ କୌଣସି କାମ କଠିନ ନଥାଏ ।
ସେହିପରି ବେପାରୀଙ୍କ ପାଇଁ କୌଣସି ସ୍ଥାନ ଦୂର ହୋଇନଥାଏ । ବିଦ୍ୱାନଙ୍କ ପାଇଁ ଦେଶ ବିଦେଶର କୌଣସି ସୀମା ନଥାଏ । ମଧୂର କଥା କହୁଥିବା ଲୋକଙ୍କର କେହି ଶତ୍ରୁ ନଥାଏ ।
ନୀତି ଅନୁସାରେ ଯେ ବେପାରୀ, ସେମାନଙ୍କୁ ସ୍ଥାନ ଓ ସୀମାର ଧ୍ୟାନ ରଖିବା ଉଚିତ୍ ନୁହେଁ । ଯଦି ସେମାନେ ଏପରି ଭାବିବେ ତେବେ ଲାଭ ପ୍ରାପ୍ତ କରି ପାରିବେ ନାହିଁ । ଯେମିତି ବିଦ୍ୱାନ ପାଇଁ ସୀମା ବନ୍ଧନ ହୋଇ ନଥାଏ । ଜ୍ଞାନ ଆହରଣ ପାଇଁ ସେ କାହିଁ ବି ଯାଇ ପାରନ୍ତି ।
ଯଦି ଏପରି ଭାବିବେ ତେବେ ସେ ଜ୍ଞାନ ଆହରଣ କରିପାରିବେ ନାହିଁ । ସେହିପରି ଯେଉଁ ବ୍ୟକ୍ତି ମଧୂର କଥା କୁହନ୍ତି ସେମାନଙ୍କର କେହି ଶତ୍ରୁ ନଥାନ୍ତି । ଯାହାଙ୍କର କେହି ଶତ୍ରୁ ନଥାନ୍ତି ତାଙ୍କ ପାଇଁ କୌଣସି ବି ଲକ୍ଷ୍ୟ ହାସଲ କରିବା ଅସମ୍ଭବ ନୁହେଁ ।