ଚୋରି କରି କରି ହେଇଗଲା କୋଟିପତି, ଭାରତ ଠୁ ନେପାଳ ଯାଏ ରହିଛି ଢ଼େର ସମ୍ପତ୍ତି
ଧରା ପଡିଲା କୋଟିପତି ଚୋର। ଚୋରି କରି କରି ସବୁ ଟଙ୍କା ସାଇତି ରଖୁଥିଲା, ଯାହାପରେ ସେ ଏବେ କୋଟିପତି ବନିଯାଇଛି । ଏତେ ସତର୍କତାର ସହ ଚୋରି କରୁଥିଲା ଯେ କେବେବି ଧରା ପଡ଼ିନଥିଲା । ଦୀର୍ଘ ୨୫ ବର୍ଷ ଧରି ସେ ଚୋରି କରୁଥିଲା । ଏବେ ଦିଲ୍ଲୀ ପୁଲିସ ହାତରେ ଧରା ପଡିଛି । ନିଜ ଦେଶରେ ଚୋରି କରି କରି ବୋଧେ ଅଣ୍ଟିଲାନି ଯୁବକ ଜଣକ ନେପାଳ ଯାଏ ପଳେଇଲେ । ଭାରତଠୁ ନେଇ ନେପାଳ ଯାଏ ଏବେ ତାଙ୍କ ପାଖରେ କୋଟି କୋଟି ଟଙ୍କାର କୋଠାବାଡି ସହ ସମ୍ପତ୍ତି ରହିଛି ।
ଧରା ପଡିଲା କୋଟିପତି ଚୋର। ଚୋରି କରି କରି ସବୁ ଟଙ୍କା ସାଇତି ରଖୁଥିଲା, ଯାହାପରେ ସେ ଏବେ କୋଟିପତି ବନିଯାଇଛି । ଏତେ ସତର୍କତାର ସହ ଚୋରି କରୁଥିଲା ଯେ କେବେବି ଧରା ପଡ଼ିନଥିଲା । ଦୀର୍ଘ ୨୫ ବର୍ଷ ଧରି ସେ ଚୋରି କରୁଥିଲା । ଏବେ ଦିଲ୍ଲୀ ପୁଲିସ ହାତରେ ଧରା ପଡିଛି । ନିଜ ଦେଶରେ ଚୋରି କରି କରି ବୋଧେ ଅଣ୍ଟିଲାନି ଯୁବକ ଜଣକ ନେପାଳ ଯାଏ ପଳେଇଲେ । ଭାରତଠୁ ନେଇ ନେପାଳ ଯାଏ ଏବେ ତାଙ୍କ ପାଖରେ କୋଟି କୋଟି ଟଙ୍କାର କୋଠାବାଡି ସହ ସମ୍ପତ୍ତି ରହିଛି ।
ଅଭିଯୁକ୍ତର ପରିବାର ପୂର୍ବରୁ ଉତ୍ତରପ୍ରଦେଶରେ ରହୁଥିବାବେଳେ ଏବେ ନେପାଳରେ ରହୁଥିବା ଜଣାପଡିଛି । ପୋଲିସ କହିବା ଅନୁସାରେ ସିଦ୍ଧାର୍ଥନଗରରେ ଅଭିଯୁକ୍ତର ପତ୍ନୀ ନାଁରେ ଗେଷ୍ଟହାଉସ୍ ଥିବାବେଳେ ତା ନିଜ ନାଁରେ ନେପାଳରେ ଏକ ଅଲିଶାନ ହୋଟେଲ ଚାଲିଛି । ଚୋରି କରି କରି ଅଭିଯୁକ୍ତ ଜଣକ ଲକ୍ଷେ୍ନ ଓ ଦିଲ୍ଲୀରେ ଦାମୀ ଘର କିଣିଛି । ସୂଚନା ଅନୁସାରେ ୨୦୦୧ ରୁ ୨୦୨୩ ମଧ୍ୟରେ ଅଭିଯୁକ୍ତଙ୍କ ନାଁ ରେ ରହିଛି ସର୍ବାଧିକ ଅପରାଧିକ ମାମଲା ।
୪୮ ବର୍ଷୀୟ ଯୁବକର ପ୍ରକୃତ ନାମ ମନୋଜ ଚୌବେ । ଗତ ୨୫ ବର୍ଷ ଧରି ମନୋଜ ନିଜ ପରିବାର ଠାରୁ ଅଲଗା ରହୁଥିଲା । ଯେଉଁଠି ରହୁଥିଲା ସେଠି ନିଜର ଅଲଗା ପରିଚୟ ଦେଉଥିଲା । ଶୁଣିଲେ ଆଶ୍ଚର୍ଯ୍ୟ ହେବେ କିନ୍ତୁ ସେ ଏକା ୨୦୦ ଚୋରି କରିଛି ।
ମନୋଜ ପ୍ରଥମେ ୧୯୯୭ରେ ଦିଲ୍ଲୀ ଆସି ଥାନାରେ ଥିବା କ୍ୟାଣ୍ଟିନରେ କାମ କରୁଥିଲା । ହେଲେ କ୍ୟାଣ୍ଟିନରୁ ଚୋରୀ କରୁଥିବା ଧରାପଡିବାରୁ ତାକୁ ଜେଲ କୁ ପଠାଗଲା । ଜେଲରୁ ଆସିବା ପରେ ପୁଣି ଚୋରୀ କଲା । ବିଶେଷ କରି ସେ ବନ୍ଦ ପଡିଥିବା ଘର, ଫ୍ଲାଟକୁ ବେଶୀ ଟାର୍ଗେଟ କରୁଥିଲା । ହେଲେ ଧରା ପଡିଲେ କହୁଥିଲା ଯେ ଦିଲ୍ଲୀରେ ପାର୍କିଙ୍ଗର ଠିକା ନେଇଛି । ଏଥିରୁ ତା’ର ରୋଜଗାର ହେଉଛି ।
ଏତେ ଚୋରି କଲା ଯେ ଶେଷରେ ନେପାଳ ଯାଇ ହୋଟେଲ କଲା । ସବୁଠାରୁ ବଡ଼ କଥା ହେଉଛି ସେ ନିଜର ମିଛ ପରିଚୟ ଦେଇ ଜଣେ ଜଳସେଚନ ବିଭାଗ ଅଧିକାରୀଙ୍କ ଝିଅକୁ ବିବାହ କଲା । ସ୍ତ୍ରୀ ପାଇଁ ସିଦ୍ଧାର୍ଥନଜରରେ ଆଲିସାନ୍ ଘର କରିବା ସହ ପରିବାର ପାଇଁ ଲକ୍ଷେ୍ନøରେ ଆଉ ଏକ ବଡ ଘର ବନାଇଲା । ଏକାଧିକ ଜମିକୁ ଲିଜରେ ଦେଇ ସେଥିରୁ ମାସିକ ଲକ୍ଷ ଲକ୍ଷ ଟଙ୍କା ରୋଜଗାର କରୁଥିଲା । କିନ୍ତୁ ଶେଷରେ ଦିଲ୍ଲୀ ପୋଲିସ ହାତରେ ଧରା ପଡିଲା ।
ଜଣେ ବ୍ୟକ୍ତି ଏଫଆଇଆର ଦେବା ପରେ ଏହାର ଯାଞ୍ଚ ଆରମ୍ଭ କରିଥିଲା ଦିଲ୍ଲୀ ପୁଲିସ । ସିସିଟିଭିରେ ମନୋଜ ମୁହଁ ଦେଖାଯାଇଥିଲା । ସ୍କୁଟି ନମ୍ବର ଯାଞ୍ଚ କରିବାରୁ ସବୁ ସତ ଧରାପଡିଲା । ଗତ ମାସ ଜୁଲାଇ ୧୦ ତାରିଖରେ ମନୋଜକୁ ଧରିଥିଲା ପୁଲିସ । ଏବେ ମନୋଜ ଜେଲରେ ଅଛି ।
