ବର୍ତ୍ତମାନ ପର୍ଯ୍ୟନ୍ତ ଆପଣ ଭୂମିରେ ପ୍ରାୟ ବିଭିନ୍ନ ପ୍ରକାର ହୋଟେଲ ଦେଖିଥିବେ ଓ ଅନେକ ହୋଟେଲ ବିଷୟର ଜାଣିଥିବେ। କିନ୍ତୁ ଆଗାମୀ ଦିନରେ ଆପଣ ଆକାଶରେ ଉଡ଼ୁଥିବା ହୋଟେଲ ଦେଖିବେ। ହୁଏତ ଏହା ଶୁଣି ଆପଣଙ୍କୁ ଆଶ୍ଚର୍ଯ୍ୟ ଲଗୁଥିବ କିନ୍ତୁ ଏହା ସତ। ଦିନକୁ ଦିନ ଟେକ୍ନୋଲଜି ଆଗେଇ ବାରେ ଲାଗିଛି। ଯାହା ସହିତ ବିଭିନ୍ନ ନୂଆ ନୂଆ ପ୍ରଣାଳୀ ଦ୍ଵାରା ଅନେକ ପ୍ରକାର କାମ କରା ଯାଉଛି।
ପୁଣି ଆଗକୁ ଆସିବାକୁ ଯାଉଛି ଫ୍ଲାଇଙ୍ଗ ହୋଟେଲ। ଏହି ହୋଟେଲରେ ଜିମ୍, ସୁଇମିଂ ପୁଲ୍ ଏବଂ ସପିଂ ମଲ୍ ଭଳି ଅନେକ ସୁବିଧା ମଧ୍ୟ ରହିବ। ବର୍ତ୍ତମାନ ଏହି ହୋଟେଲଗୁଡ଼ିକ କେତେ ବଡ଼ ହେବ ସେ ବିଷୟରେ ଆପଣ ଜାଣି ପାରୁଥିବେ। ପାଞ୍ଚ ହଜାର ଯାତ୍ରୀ ଏକାସାଙ୍ଗରେ ଏହି ହୋଟେଲରେ ଯାତ୍ରା କରିପାରିବେ। ଏହି ହୋଟେଲ ବିଷୟରେ ସବୁଠାରୁ ବିଶେଷ କଥା ହେଉଛି ଏହା ଅବତରଣ ନକରି ମାସେ ପର୍ଯ୍ୟନ୍ତ ଉଡ଼ାଣ ଜାରି ରଖିବ। ଏହି ଫ୍ଲାଇଙ୍ଗ ହୋଟେଲ ଏକ ପ୍ରକାର ଜାହାଜ ହେବ।
ଏହି ଫ୍ଲାଇଙ୍ଗ ହୋଟେଲର ଏକ କନସେପ୍ଟ ଭିଡିଓ ଏକ ୟୁଟ୍ୟୁବ ଚ୍ୟାନେଲରେ ରିଲିଜ ହୋଇଛି, ଯାହା ଦେଖିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। କୁହାଯାଇଛି ଯେ ଏହି ଫ୍ଲାଇଙ୍ଗ ହୋଟେଲରେ ୨୦ ଟି ଇଞ୍ଜିନ ରହିବ। ଏହାର ଏପରି ସୁବିଧା ରହିବ ଯେ ଏହାକୁ ମାସେ ପର୍ଯ୍ୟନ୍ତ ଭୂମିରେ ଅବତରଣ କରିବାର ଆବଶ୍ୟକତା ନାହିଁ। ବିମାନ ଯାତ୍ରୀଙ୍କ ସହିତ ଏହି ବିମାନରେ ଖାଦ୍ୟ ସାମଗ୍ରୀ ଏବଂ ଅନ୍ୟାନ୍ୟ ଆବଶ୍ୟକୀୟ ଜିନିଷ ମଧ୍ୟ ରହିବ। ହୋଟେଲ ଏବଂ ବିମାନକୁ ଦିଆଯାଇଥିବା ଇଞ୍ଜିନ ପ୍ରଦୂଷଣ ବିସ୍ତାର କରିବ ନାହିଁ। ଏହି କାରଣରୁ, ଏହା ମାସ ମାସ ଧରି ଆକାଶରେ ଉଡ଼ିବ।
ଟନି ହୋଲମଷ୍ଟନ୍ ଏହି ବିଶାଳ ହୋଟେଲ ଧାରଣାକୁ ଡିଜାଇନ୍ କରିଛନ୍ତି। ସେ ଏହି ଧାରଣାକୁ ଏକ ଭିଡିଓର ରୂପ ଦେଇଛନ୍ତି। ଆଣବିକ ଚାଳିତ ସ୍କାଏ କ୍ରୁଜ ଭବିଷ୍ୟତର ପରିବହନ ହୋଇପାରେ ବୋଲି ସେ କହିଛନ୍ତି। ଏହି ବିମାନର ଧାରଣା ଏପରି ଯେ ଏଥିରେ କୌଣସି ଅସୁବିଧା ହେବ ନାହିଁ। ଯଦି ଆକାଶରେ ବିମାନ ଭିତରେ କୌଣସି ତ୍ରୁଟି ଦେଖାଯିବ, ତେବେ ଏହାକୁ ଠିକ କରିବା ପାଇଁ ଭିତରେ ଏକ ସିଷ୍ଟମ ରହିଛି। କୃତ୍ରିମ ଇଣ୍ଟେଲିଜେନ୍ସ ସହିତ ଏହି ବିମାନ ସଂପୂର୍ଣ୍ଣ ନିୟନ୍ତ୍ରିତ ହେବ। ସବୁଠାରୁ ବଡ଼ କଥା ହେଉଛି ଏହି ବିମାନ ବିନା ପାଇଲଟରେ ଉଡ଼ିବ।
ବିମାନରେ ରେଷ୍ଟୁରାଣ୍ଟ, ସପିଂ ମଲ୍, ଜିମ୍, ଥିଏଟର, ସୁଇମିଂ ପୁଲ୍, ହସ୍ପିଟାଲର ସୁବିଧା ମଧ୍ୟ ଯୋଗାଇ ଦିଆଯିବ। ଏହି ବିମାନର ଉପରେ ଏକ ବଡ ହଲ୍ ନିର୍ମାଣ ହେବ। ଏହି ହଲ୍ ରୁ ଆପଣ ଆପଣଙ୍କ ଚାରିପାଖରେ ୩୬୦ ଡିଗ୍ରୀ ହିସାବରେ ଦେଖିପାରିବେ। କିନ୍ତୁ କିଛି ଲୋକ ସ୍କାଏ କ୍ରୁଜ୍ ର ଧାରଣାକୁ ହାୱାଇ ଟାଇଟାନିକ୍ ଭାବରେ ନାମିତ କରିଛନ୍ତି। ଲୋକମାନେ କହିଛନ୍ତି ଯେ ଏହା ଟାଇଟାନିକ୍ ଆକାଶରେ ଉଡୁଥିବା ପ୍ରମାଣିତ ହେବ। ଲୋକମାନେ ଏହି ବିମାନ ବିଷୟରେ ବିଭିନ୍ନ ପ୍ରକାରର ମନ୍ତବ୍ୟ ଦେଉଛନ୍ତି। କିଛି ଲୋକମାନେ କହିଛନ୍ତି ଯେ ଏହା ମଧ୍ୟ ଭାଙ୍ଗିଯିବାର ଆଶଙ୍କା ରହିଛି। କିନ୍ତୁ ଏହା ଭଲ ଟେକ୍ନୋଲଜି ସହିତ ତିଆରି କରାଯାଉଛି ବୋଲି ଏହାକୁ ତିଆରି କରୁଥିବା କମ୍ପାନୀ କହିଛି।