ନିଜ ପ୍ରେମ ବାବଦରେ ଅପର ପକ୍ଷକୁ କହିବା ପାଇଁ ପ୍ରେମିକ କିମ୍ବା ପ୍ରେମିକା ନିଜ ନିଜ ସାଥିଙ୍କୁ କରିଥାନ୍ତି ପ୍ରେମ ନିବେଦନ । ଆଉ ଏମଧ୍ୟରୁ କିଛି ପ୍ରପୋଜାଲ ଖୁବ ସ୍ୱତନ୍ତ୍ର ହୋଇଥାଏ । ଆଉ ସେଗୁଡିକୁ ନେଇ ଚର୍ଚ୍ଚା ବି ବେଶ ଜୋର ଧରିଥାଏ । ସାଧାରଣ ଲୋକେ ବି ଏଧରଣର ଭିଡିଓ, ଫଟୋ ଆଦିକୁ ବାରମ୍ବାର ଦେଖିବାକୁ ପସନ୍ଦ କରନ୍ତି । ଏହି ନିକଟରେ ହିଁ ଏମିତି ଏକ ସମାନ ଧରଣର ଭିଡିଓ ଖୁବ ଭାଇରାଲ ହୋଇଛି । ଘଟଣାଟି ଘଟିଛି ଆୟାରଲ୍ୟାଣ୍ଡ ରାଜଧାନୀ ଡବଲିନରେ । ଏଠାକାର ପିୟର୍ସ ନାମକ ଏକ ଷ୍ଟେସନରେ ଜଣେ ମହିଳା ଲୋକୋ ପାଇଲଟଙ୍କୁ ଏକ ଅଜବ ତରିକାରେ ପ୍ରପୋଜ କରିଛନ୍ତି ତାଙ୍କ ପ୍ରେମିକ ଜଣଙ୍କ । ଆଉ ଏହି ମୁହୂର୍ତ୍ତର ଭିଡିଓ ବିଭିନ୍ନ ସୋସିଆଲ ମିଡିଆରେ ଖୁବ ଭାଇରାଲ ହେଉଥିବା ବେଳେ ଅନେକ ଲୋକପ୍ରିୟତା ବି ହାସଲ କରିଛି ।
Didn’t think anything could perk me up after a busy 13hr shift, and some Gent goes and PROPOSES to his GF driving the incoming train at pearse station. 😍😍😭🙌🏻 @IrishRail #PearseProposal 1/2 pic.twitter.com/wIN0JHPvzV
— Clodagh Maher (@Clodagh1990) December 15, 2020
ଭିଡିଓଟିକୁ ଧ୍ୟାନ ଦେଇ ଦେଖିଲେ ଆପଣ ଜାଣି ପାରିବେ ପିୟର୍ସ ଷ୍ଟେସନରେ ଆସି ଅଟକୁଛି ଏକ ଟ୍ରେନ । ଆଉ ଟ୍ରେନରୁ ଓଲ୍ହାଉଛନ୍ତି ଜଣେ ମହିଳା ଟ୍ରେନ ଡ୍ରାଇଭର । ଷ୍ଟେସନ କରିଡରରେ ଚାଲିଚାଲି ଯାଉଥିବା ସମୟରେ ତାଙ୍କ ସାମ୍ନାକୁ ହାତରେ ଫୁଲତୋଡ଼ା ନେଇ ଆସୁଛନ୍ତି ତାଙ୍କ ପ୍ରେମିକ । ନିକଟତର ହେବା ପରେ ପ୍ରେମିକ ଜଣଙ୍କ ପ୍ରେମିକାଙ୍କ ସାମ୍ନାରେ ଆଣ୍ଠୁ ମାଡି ବସି ଯାଉଛନ୍ତି । ଆଉ ହାତରେ ଧରିଥିବା ଫୁଲତୋଡ଼ା ଆଉ ବୋର୍ଡକୁ ପ୍ରେମିକାଙ୍କ ଆଡକୁ ବଢ଼ାଇ ଦେଉଛନ୍ତି । ଜୁମ କରି ଦେଖିଲେ ଜାଣିପାରିବେ ଏହି ବୋର୍ଡ ଟିରେ ଇଁରାଜୀ ଭାଷାରେ ଲେଖାଯାଇଛି ” ମୋ ସହ ବିବାହ କରିବକି” । ଆଉ ଧ୍ୟାନ ଦେଲେ ଶୁଣି ପାରିବେ ଏହି ମନୋରମ ଦୃଶ୍ୟର ବ୍ୟାକ ଗ୍ରାଉଣ୍ଡରେ ଜେମ୍ସ ବ୍ଳଣ୍ଟଙ୍କ ଗୀତ “ୟୁ ମେକ ମି ବେଟର” ବାଜୁଛି । ପ୍ରେମିକଙ୍କ ଏପରି ପ୍ରପୋଜାଲକୁ ଏଡାଇ ପାରିନାହାନ୍ତି ପ୍ରେମିକା । ଶେଷରେ ପ୍ରସ୍ତାବରେ ରାଜି ହୋଇଯାଇଛନ୍ତି ।
ଭିଡିଓ ଟିକୁ ଟ୍ୱିଟର ୟୁଜର @Clodagh 1990 ସେୟାର କରିଥିବା ବେଳେ, ସେୟାର ହେବାର କିଛି ସମୟ ଭିତରେ 3 ଲକ୍ଷ 80 ହଜାର ଲୋକ ଦେଖିଥିବା ବେଳେ 13 ହଜାରରୁ ଅଧିକ ସଂଖ୍ୟକ ଲାଇକ୍ସ ମିଳିସାରିଛି ।