କାଳିଆ ପାଇଁ କୁନି ରଥ: ଛୋଟ ଛୋଟ ତୁଳସୀ କାଠିରେ ୨.୧ ସେମିର ନନ୍ଦିଘୋଷ ରଥ ତିଆରି କରି ଚର୍ଚ୍ଚାରେ ସ୍ମୃତି ରଞ୍ଜନ
ଚର୍ଚ୍ଚାରେ କଟକର ପୁଅ ସ୍ମୃତି ରଞ୍ଜନ । ମହାପ୍ରଭୁଙ୍କ ରଥଯାତ୍ରା ଉପଲକ୍ଷେ ଛୋଟ ଛୋଟ ତୁଳସୀ କାଠିରେ ୨.୧ ସେ.ମିର ମହାପ୍ରଭୁ ଜଗନ୍ନାଥଙ୍କ ନନ୍ଦିଘୋଷ ରଥ ତିଆରି କରି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ଏହି ରଥ ତିଆରି କରିବା ପାଇଁ ସ୍ମୃତିଙ୍କୁ ପାଖା ପାଖି ୨୨ ଘଣ୍ଟା ସମୟ ଲାଗିଛି ।
କଟକ (କେନ୍ୟୁଜ): ଚର୍ଚ୍ଚାରେ କଟକର ପୁଅ ସ୍ମୃତି ରଞ୍ଜନ । ମହାପ୍ରଭୁଙ୍କ ରଥଯାତ୍ରା ଉପଲକ୍ଷେ ଛୋଟ ଛୋଟ ତୁଳସୀ କାଠିରେ ୨.୧ ସେ.ମିର ମହାପ୍ରଭୁ ଜଗନ୍ନାଥଙ୍କ ନନ୍ଦିଘୋଷ ରଥ ତିଆରି କରି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ଏହି ରଥ ତିଆରି କରିବା ପାଇଁ ସ୍ମୃତିଙ୍କୁ ପାଖା ପାଖି ୨୨ ଘଣ୍ଟା ସମୟ ଲାଗିଥିଲା । ପ୍ରତି ବର୍ଷ ସ୍ମୃତି ରଥଯାତ୍ରା ସମୟରେ ରଥଯାତ୍ରା ସମ୍ବନ୍ଧୀୟ କିଛି ନୂଆ କଳାକୃତି ତିଆରି କରିଥାନ୍ତି ।
ପୂର୍ବରୁ ଶ୍ରୀମନ୍ଦିର ପରିକ୍ରମା , ୨.୩ ସେମିର ନନ୍ଦିଘୋଷ ରଥ , ୧ ଇଞ୍ଚ ମହମବତୀରେ ଜଗନ୍ନାଥଙ୍କ ମୂର୍ତ୍ତି , ଅଧା ଇଞ୍ଚ ରବରରେ ଜଗନ୍ନାଥଙ୍କ ମୂର୍ତ୍ତି ତିଆରି କରିଛନ୍ତି ସ୍ମୃତି । ତାଙ୍କର ଏହି କଳାକୃତି ପାଇଁ ଇଣ୍ଡିଆ ବୁକ ଅଫ ରେକର୍ଡ ଓ ଏସିଆ ବୁକ ଅଫ ରେକର୍ଡରେ ସେ ସ୍ଥାନ ପାଇଛନ୍ତି।। ସ୍ମୃତି ସମୟ ପାଇଲେ ଏହିଭଳି କିଛି ନୂତନ କଳାକୃତି ତିଆରି କରିଥାନ୍ତି। ଯାହା ପାଇଁ ସ୍ମୃତିଙ୍କ ବାପା ମା ବହୁତ ଗର୍ବ ଅନୁଭବ କରିଥାନ୍ତି।।
