ଅଜବ ମନ୍ଦିର, ଏହି ମନ୍ଦିରରେ ଭଗବାନ ରାମଙ୍କ ବିନା ପୂଜା ପାଆନ୍ତି ମା ସୀତା
ଭଗବାନ ରାମଙ୍କ ବିନା ମା ସୀତା ଅସମ୍ପୂର୍ଣ୍ଣ ବୋଲି କୁହାଯାଉ ଥିବା ବେଳେ ସେଥିପାଇଁ ସବୁ ମନ୍ଦିରରେ ଭଗବାନ୍ ମା’ଙ୍କ ସହ ରାମ ପୂଜା ପାଆନ୍ତି । କିନ୍ତୁ ମହାରାଷ୍ଟ୍ରରେ ରାମଙ୍କ ବିନା ପୂଜା ପାଆନ୍ତି ମା ସୀତା । ଦେଶରେ ସୀତା ମାଙ୍କ ବହୁ ମନ୍ଦିର ରହିଛି ।
ଭାରତ ହେଉଛି ଧାର୍ମିକ ଦେଶ । ଭାରତକୁ ମନ୍ଦିର ମାଳିନୀ ଦେଶ ବୋଲି କୁହାଯାଏ । ଏହି ଦେଶରେ ରହିଛି ଛୋଟ ବଡ଼ ଅନେକ ମନ୍ଦିର । ପ୍ରତ୍ୟେକ ମନ୍ଦିରରେ ରହିଛି ଅନେକ ବିଶେଷତ୍ୱ । ତେବେ ଆଜି ଆମେ ଆପଣଙ୍କୁ ଏପରି ଏକ ମନ୍ଦିର ବିଷୟରେ କହିବାକୁ ଯାଉଛୁ ଯେଉଁ ମନ୍ଦିରରେ ରାମଙ୍କ ବିନା ପୂଜା ପାଆନ୍ତି ମା ସୀତା । ମହାରାଷ୍ଟ୍ରର ୟାବତମଲ ଏକ ଜିଲ୍ଲାରେ ରହିଛି ଏହି ମନ୍ଦିର । ଯାହା ସୀତା ମନ୍ଦିର ନାଁରେ ପ୍ରସିଦ୍ଧ । ସ୍ଥାନୀୟ ଅଞ୍ଚଳରେ ପୂର୍ଣ୍ଣ ଭକ୍ତି ସହକାରେ ମା’ଙ୍କର ଆରାଧାନା କରିଥାଆନ୍ତି । ମା’ଙ୍କ ଏହି ମନ୍ଦିରକୁ ମମତାର ନିଦର୍ଶନ ବୋଲି ସ୍ଥାଡ଼ୀୟ ଲୋକେ କୁହନ୍ତି ।
ତେବେ ଏହି ମନ୍ଦିରଟି ବହୁତ ଦିନ ଧରି ବନ୍ଦ ରହିଥିଲା । କିନ୍ତୁ ଏହି ମନ୍ଦିରକୁ ଶ୍ରଦ୍ଧାଳୁଙ୍କ ଉଦ୍ୟମରେ ଖୋଲାଯାଇଛି । ସେଠାରେ ମାଆ ସୀତାଙ୍କ ନୂଆ ମୂର୍ତ୍ତି ସ୍ଥାପନ କରାଯିବା ସହ ପ୍ରାଣ ପ୍ରତିଷ୍ଠା କରାଯାଇଛି । ଏହି ମନ୍ଦିରରେ ମା ସୀତାଙ୍କ ସହ ପୁତ୍ର ଲବକୁଶଙ୍କ ପ୍ରତିମା ରହିଛି । କିନ୍ତୁ ରାମ ଲକ୍ଷ୍ମଣ ଏହି ମନ୍ଦିରରେ ପୂଜା ପାଉନାହଁନ୍ତି । ସବୁଠାରୁ ବଡ଼ କଥା ହେଉଛି ଏହି ମନ୍ଦିରରେ ମା ସୀତାଙ୍କ ବନବାସ ଯିବା ସମୟର ସମସ୍ତ ଘଟଣାକୁ ଦର୍ଶାଯାଇଛି । ଯାହାକୁ ଦେଖିବା ବହୁ ସଂଖ୍ୟାରେ ଶ୍ରଦ୍ଧାଳୁ ମାନେ କାହିଁ କେତେ ଦୂରରୁ ଧାଇଁ ଆସିଥାଆନ୍ତି । ସ୍ଥାନୀୟ ଲୋକେ ଏହି ମନ୍ଦିରକୁ ସାହସର ପ୍ରତୀକ ମଧ୍ୟ କହିଥାଆନ୍ତି ।
ତେବେ ଭଗବାନ ରାମଙ୍କ ବିନା ମା ସୀତା ଅସମ୍ପୂର୍ଣ୍ଣ ବୋଲି କୁହାଯାଉ ଥିବା ବେଳେ ସେଥିପାଇଁ ସବୁ ମନ୍ଦିରରେ ଭଗବାନ୍ ମା’ଙ୍କ ସହ ରାମ ପୂଜା ପାଆନ୍ତି । କିନ୍ତୁ ମହାରାଷ୍ଟ୍ରରେ ରାମଙ୍କ ବିନା ପୂଜା ପାଆନ୍ତି ମା ସୀତା । ଦେଶରେ ସୀତା ମାଙ୍କ ବହୁ ମନ୍ଦିର ରହିଛି । ଅଯୋଧ୍ୟାରେ ମଧ୍ୟ ଏକ ସୀତାମନ୍ଦିର ରହିଛି ଯାହାକୁ ଭବ୍ୟ ରୂପ ଦିଆଯାଉଛି । ସେହିପରି ବାରଣାସୀର ଅସ୍ତିଘାଟରେ ଏକ ସୀତାମନ୍ଦିର ଅଛି । କିନ୍ତୁ ମହାରାଷ୍ଟ୍ରର ଏହି ମନ୍ଦିରରେ ମା ସୀତା ଲବକୁଶଙ୍କ ସହ ପୂଜା ପାଉଛନ୍ତି । କୁହାଯାଏ ମା ସୀତା ଏହିଠାରେ ହିଁ ଧରିତ୍ରୀ ମଧ୍ୟରେ ଲୀନ ହୋଇଯାଇଥିଲେ ।ସେବେଠୁ ଏହି ମନ୍ଦିରରେ ମାଙ୍କୁ ପୂଜା କରାଯାଉଛି ।ଏହି ମନ୍ଦିରରେ ମାଙ୍କ ଆରଧାନା କଲେ ସମସ୍ତ ମନସ୍କାମନା ପୂର୍ଣ୍ଣ ହୁଏ ବୋଲି ଭକ୍ତଙ୍କ ବିଶ୍ୱାସ ରହିଛି ।