କିଛି ଇୟରଫୋନରେ ଥାଏ ଏକ୍ସଟ୍ରା ହୋଲ୍, ଜାଣନ୍ତୁ କ’ଣ ହୋଇଥାଏ ଏହାର କାମ
ଅଧିକାଂଶ ଲୋକ ନିଶ୍ଚୟ ଧ୍ୟାନ ଦେଇଥିବେ ଯେ ଏସବୁର ଆକାରରେ କୌଣସି ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଦେଖାଯାଇ ନାହିଁ । ଏହା ବ୍ୟତୀତ, ଖୁବ୍ କମ୍ ଲୋକ ଜାଣିଥିବେ ଯେ ଇୟରଫୋନ୍ କିମ୍ବା ଇୟରବଡ ପଛରେ ଏକ ଛୋଟ ହୋଲ୍ ଅଛି । ତେବେ ଆଜି ଆମେ ଆପଣଙ୍କୁ କହିବୁ ଏହା କାହିଁକି ରହିଛି ଏବଂ ଏହି ହୋଲର କାମ କ'ଣ ।
ସ୍ମାର୍ଟଫୋନର ଏହି ଯୁଗରେ, ଅଧିକାଂଶ ଲୋକ ଗୀତ ଶୁଣିବା ଏବଂ ଫିଲ୍ମ ଦେଖିବା ପାଇଁ ଇୟରଫୋନ୍ ବ୍ୟବହାର କରନ୍ତି । ଟେକ୍ନୋଲୋଜି ସହିତ ଇୟରଫୋନ୍ ବର୍ତ୍ତମାନ ବଜାରରେ ବ୍ଲୁଟୁଥ୍ ଇୟରଫୋନ୍, ଇୟରବଡ୍ ଭଳି ଅନେକ ରୂପରେ ଆସିଛି । ଅଧିକାଂଶ ଲୋକ ନିଶ୍ଚୟ ଧ୍ୟାନ ଦେଇଥିବେ ଯେ ଏସବୁର ଆକାରରେ କୌଣସି ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଦେଖାଯାଇ ନାହିଁ । ଏହା ବ୍ୟତୀତ, ଖୁବ୍ କମ୍ ଲୋକ ଜାଣିଥିବେ ଯେ ଇୟରଫୋନ୍ କିମ୍ବା ଇୟରବଡ ପଛରେ ଏକ ଛୋଟ ହୋଲ୍ ଅଛି । ତେବେ ଆଜି ଆମେ ଆପଣଙ୍କୁ କହିବୁ ଏହା କାହିଁକି ରହିଛି ଏବଂ ଏହି ହୋଲର କାମ କ’ଣ ।
ଆପଣଙ୍କୁ କହି ରଖୁଛୁ ଯେ ଇୟରଫୋନ୍ ପଛରେ ଥିବା ଛୋଟ ହୋଲ୍ କେବଳ ଡିଜାଇନ୍ ର ଏକ ଅଂଶ ନୁହେଁ, କିନ୍ତୁ ଏହାର ଏକ ବିଶେଷ ଉଦ୍ଦେଶ୍ୟ ଅଛି । ଇୟରଫୋନରେ ଥିବା ସେହି ଛୋଟ ହୋଲକୁ ଏକ ଭେଣ୍ଟ କିମ୍ବା ବାସ୍ ପୋର୍ଟ କୁହାଯାଏ । ଏଗୁଡିକ ଅନେକ ଉଦ୍ଦେଶ୍ୟରେ ରହିଥାଏ, ଯେପରିକି କାନ ଭିତରେ ଥିବା ବାୟୁ ଚାପକୁ ସମାନ କରିବା, ସାଉଣ୍ଡ କ୍ୱାଲିଟିରେ ଉନ୍ନତି ଆଣିବା ଏବଂ ଉନ୍ନତ ବାସ୍ ଯୋଗାଇବାରେ ସାହାଯ୍ୟ କରିବା । ସୂଚନା ଅନୁଯାୟୀ, ଇୟରଫୋନରେ ହୋଲ୍ ଏଥିପାଇଁ ମଧ୍ୟ ଦିଆଯାଏ ଯାହା ଦ୍ୱାରା ବାୟୁ ପ୍ରବାହିତ ହୋଇପାରିବ ।
ଇୟରଫୋନ୍ ଲଗାଇବା ସମୟରେ ଏହା କାନ ଭିତରେ ସୃଷ୍ଟି ହୋଇଥିବା ପ୍ରେସରକୁ କମ କରିବାରେ ସାହାଯ୍ୟ କରିଥାଏ । ଯେଉଁସବୁ ଇୟରଫୋନ୍ ମାନଙ୍କରେ ହୋଲ୍ ନଥାଏ ତାହା କାନରେ ବହୁତ ପ୍ରେସର ସୃଷ୍ଟି କରିପାରେ । ଏହା ବ୍ୟତୀତ ଯଦି ଇୟରଫୋନରେ ଏହି ଛୋଟ ହୋଲ୍ ନଥାଏ ତେବେ ଏହା ଅନେକ ଲୋକଙ୍କୁ କାନ ଯନ୍ତ୍ରଣା ମଧ୍ୟ ଦେଇପାରେ । ସେହି ହୋଲଗୁଡ଼ିକ ଇୟରଫୋନର ସ୍ପିକର ଡ୍ରାଇଭରର ଭିତର ଓ ବାହାରେ ପ୍ରେସରକୁ ସମାନ କରିବାରେ ସାହାଯ୍ୟ କରେ ।
ଛୋଟ ହୋଲ୍ କାନରୁ ଇୟରଫୋନ୍ ଭର୍ତ୍ତି କରିବା କିମ୍ବା ବାହାର କରିବା ସମୟରେ ମଧ୍ୟ ଏକ ‘ପପ୍’ ଧ୍ୱନି ଉତ୍ପନ୍ନ କରିବାର ସମ୍ଭାବନାକୁ ହ୍ରାସ କରିବାରେ ସାହାଯ୍ୟ କରେ । ଯଦିଓ ଏହି କାରଣରୁ, ବାହାର ସାଉଣ୍ଡ ମଧ୍ୟ କାନରେ ପହଞ୍ଚିଥାଏ, କିନ୍ତୁ ଏହା ସାଉଣ୍ଡ କ୍ୱାଲିଟିକୁ ନଷ୍ଟ କରେ ନାହିଁ । ଏଥି ସହିତ, ଆପଲ୍ ଏୟାରପଡ୍ସରେ ଦିଆଯାଇଥିବା ହୋଲ୍ କେବଳ ବାସ୍ ସନ୍ତୁଳନକୁ ଉନ୍ନତ କରିବାରେ ସାହାଯ୍ୟ କରେ ନାହିଁ ବରଂ ସ୍ପିକର ଭାଇବ୍ରେସନକୁ ଉନ୍ନତ କରିବାରେ ମଧ୍ୟ ସାହାଯ୍ୟ କରିଥାଏ ।
