କର୍ଣ୍ଣାଟକର ଏକ ପ୍ରତିଷ୍ଠିତ କଲେଜର ଛାତ୍ରମାନଙ୍କ ଏକ ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି । ଯେଉଁଥିରେ ଛାତ୍ରମାନେ ଲିପ୍ କିସ କରୁଥିବା ଦେଖାଯାଉଛି। ଏହି ସମୟରେ ଅନେକ ଲୋକ ମଧ୍ୟ ସେଠାରେ ଉପସ୍ଥିତ ଥିଲେ। ଏହାକୁ ନେଇ ବିବାଦ ବଢିବା ପରେ ପୋଲିସ ଜଣେ ଛାତ୍ରଙ୍କୁ ଗିରଫ କରିଥିଲା। ଭିଡିଓରେ ଦେଖାଯାଇଥିବା ଛାତ୍ରମାନେ ଏକ ପ୍ରତିଷ୍ଠିତ କଲେଜର ଅଟନ୍ତି ।
ଖବର ଅନୁଯାୟୀ ଭାଇରାଲ ହେଉଥିବା ଭିଡିଓରେ ଏହା ଦେଖିବାକୁ ମିଳେ ଯେ ଉଭୟ ଯୁବକ ଓ ଯୁବତୀ କଲେଜ ୟୁନିଫର୍ମରେ ଥିବାବେଳେ କିସ୍ କରୁଥିବା ଭାଇରାଲ୍ ଭିଡିଓରେ ଦେଖିବାକୁ ମିଳିଛି। ଏହି ସମୟରେ ସେଠାରେ ଉପସ୍ଥିତ ଥିବା ସେମାନଙ୍କର ସାଙ୍ଗମାନେ ସେମାନଙ୍କୁ ଉତ୍ସାହିତ କରୁଥିବା ଭିଡିଓରେ ଦେଖିବାକୁ ମିଳିଛି। ଛାତ୍ରଛାତ୍ରୀମାନେ ଏକ କିସିଂ ପ୍ରତିଯୋଗିତା ଆୟୋଜନ କରିଥିଲେ ବୋଲି ପୋଲିସ୍ ସୂଚନା ଦେଇଛି। କିସ୍ ଭିଡିଓ ଶୁଟିଂ କରିଥିବା ଯୁବକଙ୍କୁ ପୋଲିସ୍ ଅଟକ ରଖି ପଚରାଉଚରା ଚଳାଇଛି।
ପୋଲିସ୍ ସୂଚନା ଅନୁସାରେ, ୬ ମାସ ପୂର୍ବେ ଏକ ପ୍ରାଇଭେଟ୍ ଫ୍ଲାଟ୍ରେ ଏହି ଘଟଣା ଘଟିଥିଲା। ସେହି ସମୟରେ ସେଠାରେ ଉପସ୍ଥିତ ଛାତ୍ରଛାତ୍ରୀଙ୍କ ମଧ୍ୟରୁ ଜଣେ ଛାତ୍ର ସପ୍ତାହକ ପୂର୍ବେ ହ୍ୱାଟ୍ସଆପ୍ରେ ଭିଡିଓ ସେୟାର କରିଥିଲେ। ଯାହା ପରେ ଭାଇରାଲ୍ ହୋଇଥିଲା। ଘଟଣା ଜଣାପଡ଼ିବା ପରେ ସେମାନଙ୍କୁ ନିଲମ୍ବିତ ପାଇଁ କଲେଜ କର୍ତ୍ତୃପକ୍ଷ ଚେତାବନୀ ଦେଇଥିଲେ। ହେଲେ ପରେ ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିଲା। ନା କଲେଜ କର୍ତ୍ତୃପକ୍ଷ ନା ଅଭିଭାବକ କେହିବି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲେ। ଏପରିକି ପୋଲିସ୍ରେ ଏନେଇ କୌଣସି ଅଭିଯୋଗ ମଧ୍ୟ ହୋଇନଥିଲା।
ସୋସିଆଲ ମିଡ଼ିଆ ଅନେକ ଉପଭୋକ୍ତା ଭିଡିଓ ଉପରେ ମନ୍ତବ୍ୟ ଦେଇଛନ୍ତି। କିଛି ଲୋକ ଏହାକୁ ପସନ୍ଦ କରିଥିବାବେଳେ କିଛି ଉପଭୋକ୍ତା ଏହାକୁ ଶସ୍ତା ବୋଲି କହିଛନ୍ତି। କିଛି ଲୋକ କଲେଜକୁ ଖରାପ ବୋଲି କହିଛନ୍ତି। ସୂଚନାନୁସାରେ, ଛାତ୍ରମାନେ କଲେଜରେ ଲିପ୍ କିସ ପ୍ରତିଯୋଗିତା ଆୟୋଜନ କରିଥିଲେ। ଏଥିରେ ଅନେକ ଛାତ୍ର ମଧ୍ୟ ସାମିଲ ହୋଇଥିଲେ। କୁହାଯାଉଛି ଯେ ଏହି ପ୍ରତିଯୋଗିତାରେ ଜିତିଥିବା ଛାତ୍ରମାନଙ୍କୁ ମଧ୍ୟ ପୁରସ୍କାର ଘୋଷଣା କରାଯାଇଥିଲା।