ପଞ୍ଜାବରେ ସରକାର ଗଠନ ହେବା ପରେ ହରଭଜନ ସିଂହ ହେବେ ଆପ୍ର ରାଜ୍ୟସଭା ପ୍ରାର୍ଥୀ: କେଜ୍ରିୱାଲଙ୍କ ନିଷ୍ପତ୍ତି
ନୂଆଦିଲ୍ଲୀ : କ୍ରିକେଟର ହରଭଜନ ସିଂହଙ୍କୁ ଆମ ଆଦମୀ ପାର୍ଟି ନିଜର ରାଜ୍ୟସଭା ପ୍ରାର୍ଥୀ କରିଛି। କୁହାଯାଉଛି ଯେ ତାଙ୍କୁ ସ୍ପୋର୍ଟ ସୟୁନିଭର୍ସିଟିର ଦାୟିତ୍ୱ ମଧ୍ୟ ଦିଆଯାଇପାରେ। ନିଜେ ନିର୍ବାଚନ ପ୍ରଚାର ସମୟରେ ଭଗଓ୍ବନ୍ତ ମାନ୍ ଘୋଷଣା କରିଥିଲେ ଯେ ତାଙ୍କ କାର୍ଯ୍ୟକାଳ ମଧ୍ୟରେ ପଞ୍ଜାବରେ ଖେଳକୁ ବହୁ ପ୍ରୋତ୍ସାହନ କରାଯିବ। ଏହାସହ ଜଲନ୍ଧରରେ ଏକ ସ୍ପୋର୍ଟ ବିଶ୍ୱବିଦ୍ୟାଳୟ ପ୍ରତିଷ୍ଠା କରାଯିବ ବୋଲି ଜୋର ଦିଆଯାଇଥିଲା। ବର୍ତ୍ତମାନ ହରଭଜନ ସିଂଙ୍କୁ ରାଜ୍ୟସଭା ପ୍ରାର୍ଥୀ କରାଯାଇଛି, ଏଭଳି ପରିସ୍ଥିତିରେ ତାଙ୍କୁ ସ୍ପୋର୍ଟ ବିଶ୍ୱବିଦ୍ୟାଳୟର ଦାୟିତ୍ବ ମଧ୍ୟ ଦିଆଯାଉଛି ବୋଲି କୁହାଯାଉଛି। ଯଦି ଏହା ଘଟେ, ତେବେ ପଞ୍ଜାବରେ ଖେଳକୁ ନେଇ ଏହା ବଡ ବାର୍ତ୍ତା ହେବ।
ସୂଚନା ଅନୁଯାୟୀ ଚଳିତ ମାସ ଶେଷ ସୁଦ୍ଧା ଆମ୍ ଆଦମୀ ପାର୍ଟିକୁ ରାଜ୍ୟସଭା ପାଇଁ ପାଞ୍ଚଟି ସିଟ୍ ମିଳିବାକୁ ଯାଉଛି। ଏଥିରେ ହରଭଜନ ସିଂଙ୍କ ପ୍ରଥମ ନାମ ପ୍ରକାଶ ପାଇଛି। ଆମ୍ ଆଦମୀ ପାର୍ଟି ହାଇ କମାଣ୍ଡ ହରଭଜନ ସିଂଙ୍କ ନାମକୁ ସବୁଜ ସଙ୍କେତ ଦେଇଛି।ତେବେ ହରଭଜନଙ୍କ ନାମକୁ ନେଇ ଚର୍ଚ୍ଚା ଦୀର୍ଘ ଦିନ ଧରି ଚାଲିଥିଲା । ଯେବେଠାରୁ ଆପ୍ ସ୍ପୋର୍ଟସ୍ ୟୁନିଭର୍ସିଟି ତିଆରି କରିବା କଥା କହିଛି, ରେସ୍ରେ ସବୁଠାରୁ ଆଗରେ ହରଭଜନ ରହିଛନ୍ତି।
ଭଗବନ୍ତ ମନ ଏବଂ ହରଭଜନ ସିଂଙ୍କୁ ଘନିଷ୍ଠ ବନ୍ଧୁ। ପଞ୍ଜାବରେ ଯେତେବେଳେ ଆମ୍ ଆଦମୀ ପାର୍ଟିର ଏକ ଅପ୍ରତ୍ୟାଶିତ ବିଜୟ ହୋଇଥିଲା, ସେତେବେଳେ ହରଭଜନ ସିଂ ଟୁଇଟ୍ କରି ଭଗଓ୍ବନ୍ତ ମାନ୍ଙ୍କୁ ଅଭିନନ୍ଦନ ଜଣାଇଥିଲେ। ହରଭଜନ ଟ୍ୱିଟ୍ କରି ଲେଖିଛନ୍ତି ଯେ ଆମ୍ ଆଦମୀ ପାର୍ଟିକୁ ଅଭିନନ୍ଦନ, ମୋର ବନ୍ଧୁ ଭଗଓ୍ବନ୍ତ ମାନ୍ଙ୍କୁ ସିଏମ୍ ହୋଇଥିବାରୁ ଅଭିନନ୍ଦନ।
ପଞ୍ଜାବ ନିର୍ବାଚନ ବିଷୟରେ କହିବାକୁ ଗଲେ ଏଥର ଆମ୍ ଆଦମୀ ପାର୍ଟି ଏକ ଐତିହାସିକ ବିଜୟଲାଭ କରିଛି। ପ୍ରଥମ ଥର ପାଇଁ, ଆଦମୀ ପାର୍ଟି କେବଳ ପଞ୍ଜାବରେ ନିଜର ସରକାର ଗଠନ କରିନାହିଁ, ବରଂ ନିର୍ବାଚନରେ ବହୁ ଭେଟେରାନଙ୍କୁ ମଧ୍ୟ ପରାସ୍ତ କରିଛି। ୧୧୭ ରେ ଆମ୍ ଆଦମୀ ପାର୍ଟି ଏହି ନିର୍ବାଚନରେ ୯୨ ଟି ସିଟ୍ ଜିତିଥିଲା ।
