ବୁମରାଙ୍କ ବୋଲିଂରେ ବୋଲ୍ଡ ହୋଇଗଲା ଇଂଲଣ୍ଡ ଟିମ୍, ପ୍ରଥମ ପାଳିରେ ୨୫୩ରେ ଅଲଆଉଟ
ବିଶାଖାପାଟନମର ଓ୍ଵାଇଏସ ରେଡ୍ଡି ଷ୍ଟାଡିୟମରେ ଚାଲିଥିବା ଭାରତ-ଇଂଲଣ୍ଡ ଦ୍ୱିତୀୟ ଟେଷ୍ଟରେ ପ୍ରଥମ ଇନିଂସରେ ୨୫୩ ରନ୍ କରି ଅଲଆଉଟ ହୋଇଛି ଇଂଲଣ୍ଡ । ଇଂଲଣ୍ଡ ଟିମ୍ ୨୫୩ ରନ୍ କରି ଅଲଆଉଟ ହୋଇଥିବା ବେଳେ ଭାରତ ୧୭୧ ରନରେ ଆଗୁଆ ରହିଛି ।
ବୁମରା କଲେ କମାଲ । ଆଉ ୬ ଓ୍ଵିକେଟ ନେଇ ଇଂଲଣ୍ଡ ଟିମକୁ କଲେ ଧରାଶାୟୀ । ବିଶାଖାପାଟନମର ଓ୍ଵାଇଏସ ରେଡ୍ଡି ଷ୍ଟାଡିୟମରେ ଚାଲିଥିବା ଭାରତ-ଇଂଲଣ୍ଡ ଦ୍ୱିତୀୟ ଟେଷ୍ଟରେ ପ୍ରଥମ ଇନିଂସରେ ୨୫୩ ରନ୍ କରି ଅଲଆଉଟ ହୋଇଛି ଇଂଲଣ୍ଡ । ଇଂଲଣ୍ଡ ଟିମ୍ ୨୫୩ ରନ୍ କରି ଅଲଆଉଟ ହୋଇଥିବା ବେଳେ ଭାରତ ୧୪୩ ରନରେ ଆଗୁଆ ରହିଛି ।
ପରେ ଦ୍ୱିତୀୟ ପାଳି ଆରମ୍ଭ କରି ଆଜି ଦ୍ୱିତୀୟ ଦିବସ ଖେଳ ଶେଷ ସୁଦ୍ଧା ଘରୋଇ ଦଳ ବିନା ୱିକେଟରେ ୨୮ ରନ୍ କରିଛି । ଫଳରେ ମୋଟ ୧୭୧ ରନ୍ରେ ଆଗୁଆ ରହିଛି । ପ୍ରଥମ ପାଳିରେ ଦ୍ୱିଶତକ କରିଥିବା ଯଶସ୍ୱୀ ଜୟସ୍ୱାଲ ୧୫ ଏବଂ ଅଧିନାୟକ ରୋହିତ ଶର୍ମା ୧୩ ରନ୍ କରି ଅପରାଜିତ ଅଛନ୍ତି ।
ଇଂଲଣ୍ଡ ପ୍ରଥମ ଇନିଂସ ଆରମ୍ଭରେ ଭଲ ଖେଳିଥିଲା । ପ୍ରଥମରୁ ୧ ଓ୍ଵିକେଟ ହରାଇ ୧୧୩ ରନ୍ କରିଥିଲା । ଏମିତି ଲାଗୁଥିଲା ଇଂଲଣ୍ଡ ଟିମ୍ ପ୍ରଥମ ଇନିଂସରେ କିଛି ବଡ ସ୍କୋର କରିବ । କିନ୍ତୁ କୁଲଦୀପ ଯାଦବ ୧୭ ବଲରେ ୨୧ ରନ କରିଥିବା ଡକେଟଙ୍କୁ ଆଉଟ କରି ଭାରତକୁ ପ୍ରଥମ ସଫଳତା ଦେଇଥିଲେ। କିନ୍ତୁ ବୁମରାଙ୍କ ଲକ୍ଷ୍ୟ କିଛି ଅଲଗା ଥିଲା । ବୁମରାଙ୍କ ବୋଲିଂରେ ଚିତପଟାଙ୍ଗ ଦେଲା ଟିମ୍ । ଆଉ ବୁମରାଙ୍କ ସାଥ ଦେଇଥିଲେ କୁଲଦୀପ ଯାଦବ । ଦୁହେଁ ଇଂଲଣ୍ଡ ଟିମକୁ ଲଗାତାର ଝଟକା ଦେଇଥିଲେ । ତେଣୁ ଇଂଲଣ୍ଡ ଟିମ୍ ପ୍ରଥମ ପାଳିରେ ୨୫୩ ରନରେ ଅଲଆଉଟ୍ ହୋଇଯାଇଥିଲା । ଦ୍ୱିତୀୟ ଦିନ ଖେଳରେ ବୁମରା ୬ ଓ୍ଵିକେଟ ନେଇ ୪୫ ରନ୍ ଦେଇଥିଲେ । ଇଂଲଣ୍ଡ ପକ୍ଷରୁ ଜ୍ୟାକ କ୍ରୋଲି ୭୬ ରନ୍ କରିଛନ୍ତି । ସେହିପରି ବେନ ଷ୍ଟ୍ରୋକ୍ସ ୪୭ ରନ୍, ବିୟରଷ୍ଟୋ ୨୫, ହାର୍ଟଲୀ ୨୧ ରନ୍ କରିଛନ୍ତି ।
ଭାରତ ପକ୍ଷରୁ ବୁମରା ୬ଟି, କୁଲଦୀପ ଯାଦବ ୩ଟି ଏବଂ ଅକ୍ଷର ପଟେଲ ୧ଟି ଓ୍ଵିକେଟ ନେଇଛନ୍ତି ।
ଭାରତ ପ୍ରଥମ ଇନିଂସରେ ୩୯୬ ରନ୍ କରି ଅଲଆଉଟ ହୋଇଥିଲା । ଭାରତ ପକ୍ଷରୁ ଜୟସ୍ୱାଲ ୨୦୯ ରନ୍ କରିଥିଲେ । ତେବେ ଭାରତ ଏବେ ଦ୍ୱିତୀୟ ଇନିଂସ ବ୍ୟାଟିଂ କରୁଛି ।
