ମୁଁ ତୁମମାନଙ୍କ କଷ୍ଟ କଳ୍ପନା କରିପାରୁଛି… ଫାଇନାଲରୁ ହାରିବା ପରେ ଟିମ ଖେଳାଳିଙ୍କ ମନୋବଳ ବଢାଇଲେ ସଚିନ ତେନ୍ଦୁଲକର : ଭିଡିଓ ଭାଇରଲ

ବିଶ୍ୱକପ ଫାଇନାଲରେ ଭାରତ ହାରିବା ପରେ ସଚିନ ତେନ୍ଦୁଲକରଙ୍କ ପ୍ରତିକ୍ରିୟା ସୋସିଆଲ ମିଡିଆରେ ଭାଇରଲ ହେଉଛି । ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଟିମ୍‌ ଖେଳାଳିଙ୍କ ମନୋବଳ ବଢାଇଛନ୍ତି । ଫାଇନାଲରେ ଟିମ୍‌ ଅଷ୍ଟ୍ରେଲିଆ ଠାରୁ ୬ ଓ୍ଵିକେଟରେ ହାରିବା ପରେ ଖେଳାଳିଙ୍କ ମନୋବଳ ବଢାଇବା ପାଇଁ ପହଞ୍ଚିଛନ୍ତି । ସଚିନ ନିଜ ପୋଷ୍ଟରେ ଲେଖିଛନ୍ତି, ଆପଣମାନଙ୍କ କଷ୍ଟ ଏବଂ ଯନ୍ତ୍ରଣା ମୁଁ ବୁଝିପାରୁଛି ।

ତେନ୍ଦୁଲକର ଏକ୍ସରେ ପୋଷ୍ଟ କରି ଲେଖିଛନ୍ତି, ଅଷ୍ଟ୍ରେଲିଆ ଷଷ୍ଠଥର ପାଇଁ ବିଶ୍ୱକପ ଜିତିଥିବାରୁ ଶୁଭେଚ୍ଛା । ସବୁଠୁ ବଡ ପଡିଆରେ ସବୁଠୁ ମହତ୍ତ୍ୱପୂର୍ଣ୍ଣ ଦିନରେ ଭଲ କ୍ରିକେଟ ଖେଳିଛନ୍ତି । ଭାରତୀୟ ଟିମର ଭାଗ୍ୟ ଖରାପ। ବଢିଆ ଖେଳୁଥିବା ଟୁର୍ଣ୍ଣାମେଣ୍ଟରେ କେବଳ ଗୋଟିଏ ଦିନ ସବୁକିଛି ଖରାପ କରିଦେବ । ମୁଁ ଖେଳାଳି, ପ୍ରଶଂସକ ଏବଂ ଶୁଭଚିନ୍ତକ କଷ୍ଟ କ’ଣ ତାହା କଳ୍ପନା କରିପାରୁଛି । ସେମାନଙ୍କ ଉପରେ କ’ଣ ବିତୁଥିବ, ତାହା ଜାଣିପାରୁଛି । ହାରିବା ଖେଳର ଅଂଶ । ତେଣୁ ଆମେ ଏତିକି ମନେ ରଖିବା ଉଚିତ, ଏହି ଟିମ୍‌ ସଂପୂର୍ଣ୍ଣ ଟୁର୍ଣ୍ଣାମେଣ୍ଟ ପାଇଁ ଆପ୍ରାଣ ଚେଷ୍ଟା କରିଛି ।

Congratulations to Australia on their sixth World Cup win. On the most important day of the biggest stage, they played better cricket.

Hard luck Team India, just one bad day in an otherwise sterling tournament can be heartbreaking. I can imagine the agony of the players, fans…

— Sachin Tendulkar (@sachin_rt) November 20, 2023

ଭିଡିଓରେ ଦେଖିବାକୁ ମିଳିଛି, ମ୍ୟାଚ ହାରିବା ପରେ ସଚିନ ମଇଦାନକୁ ଆସି ସମସ୍ତ ଖେଳାଳିଙ୍କ ସହିତ ହାତ ମିଶାଇ ସାନ୍ତ୍ୱନା ଦେଇଛନ୍ତି । ସମସ୍ତଙ୍କ ସହିତ କଥା ହୋଇ ଖେଳାଳିଙ୍କ ଦୁଃଖକୁ କମାଇବାକୁ ଚାହିଁଛନ୍ତି । ସଚିନଙ୍କ ଏଭଳି କାମ ଦେଖି ସୋସିଆଲ ମିଡିଆରେ ପ୍ରଶଂସାର ସୁଅ ଛୁଟିଛି ।

୨୦୦୩ ବିଶ୍ୱକପ ଫାଇନାଲରେ ଭାରତକୁ ଅଷ୍ଟ୍ରେଲିଆ ୧୨୫ ରନରେ ପରାସ୍ତ କରିଥିଲା । ସେହି ସମୟରେ ସଚିନ ଭାରତ ପାଇଁ ମଧ୍ୟ ଖେଳିଥିଲେ । ସଚିନ ବିଶ୍ୱକପ ୨୦୦୩ ରେ ଆଶ୍ଚର୍ଯ୍ୟଜନକ ପ୍ରଦର୍ଶନ କରିଥିଲେ ଏବଂ ୬୭୩ ରନ ସ୍କୋର କରିବାରେ ସଫଳ ହୋଇଥିଲେ । ଏଥର ବିରାଟ କୋହଲି ବିଶ୍ୱକପରେ ସର୍ବାଧିକ ରନ୍ ସଂଗ୍ରହ କରିଥିଲେ ମଧ୍ୟ ବିଶ୍ୱକପ୍ ଫାଇନାଲରେ ଭାରତ ହାରି ଯାଇଥିଲା । ୨୦୦୩ ରେ ସଚିନଙ୍କୁ ପ୍ଲେୟାର ଅଫ୍ ଟୁର୍ଣ୍ଣାମେଣ୍ଟ ଦିଆଯାଇଥିଲା, ଏଥର କୋହଲିଙ୍କୁ ପ୍ଲେୟାର ଅଫ୍ ଟୁର୍ଣ୍ଣାମେଣ୍ଟ ଦିଆଯାଇଛି ।

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।