ଆଜି ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନସ୍ ଓ କୋଲକାତା ନାଇଟ ରାଇଡର୍ସ, କମ୍ବ୍ୟାକ୍ କରିପାରନ୍ତି ରୋହିତ ଶର୍ମା
ଆଜି ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନସ୍ ଓ କୋଲକାତା ନାଇଟ ରାଇଡର୍ସ। ଆଜି ମୁମ୍ବାଇ ଟିମକୁ କମ୍ବ୍ୟାକ୍ କରିପାରନ୍ତି ହିଟ୍ମ୍ୟାନ୍ ରୋହିତ ଶର୍ମା। ଆହତ ଯୋଗୁ ପୂର୍ବ ମ୍ୟାଚ୍ରେ ରୋହିତ ଶର୍ମା ଖେଳିନଥିଲେ। ଟିମ୍ରେ ରୋହିତ ଶର୍ମା ଓ ହାର୍ଦ୍ଦିକ ପାଣ୍ଡ୍ୟା ଅନୁପସ୍ଥିତ ଥିବା ଦେଖିବାକୁ ମିଳିଥିଲା। ପୂର୍ବ ମ୍ୟାଚ୍ରେ ଚେନ୍ନାଇ ଠାରୁ ପରାଜୟ ହୋଇଥିଲା ମୁମ୍ବାଇ। ଟିମ୍କୁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହେବାକୁ ପଡ଼ିଥିଲା।
ଅନ୍ୟପଟେ ବିଜୟରୁ ଦ୍ୱିତୀୟ ପର୍ଯ୍ୟାୟ ଆରମ୍ଭ କରିଛି କୋଲକାତା। ଶକ୍ତିଶାଳୀ ଆରସିବିକୁ ୯ ଓ୍ଵିକେଟରେ ହରାଇଥିଲା କେକେଆର। ଆଜିର ମ୍ୟାଚ୍ ସଂଘର୍ଷପୂର୍ଣ୍ଣ ଥିବାରୁ ରୋହିତ ଶର୍ମା ଖେଳିବାର ଯଥେଷ୍ଟ ସମ୍ଭାବନା ରହିଛି। ଟିମ୍ରେ ହାର୍ଦ୍ଦିକ ପାଣ୍ଡ୍ୟା ଅନୁପସ୍ଥିତ ରହିଲେ ତାଙ୍କ ସ୍ଥାନ ନେବେ ସୌରଭ ତିଓ୍ଵାରୀ। ତେବେ ଏନେଇ ମୁମ୍ବାଇ ତରଫରୁ କୌଣସି ସୂଚନା ଦିଆଯାଇନାହିଁ।
ପଏଣ୍ଟ ଟେବୁଲରେ ମୁମ୍ବାଇ ୮ ପଏଣ୍ଟ ପାଇ ଏବେ ଚତୁର୍ଥ ସ୍ଥାନରେ ଥିବା ବେଳେ କୋଲକାତା ୬ ପଏଣ୍ଟ ପାଇ ଷଷ୍ଠ ସ୍ଥାନରେ ରହିଛି। ପୂର୍ବରୁ ମୁମ୍ବାଇ ଓ କୋଲକାତା ୨୮ଟି ମ୍ୟାଚ୍ରେ ମୁହାଁମୁହିଁ ହୋଇଛନ୍ତି। ଆଇପିଏଲ୍ରେ ମୁମ୍ବାଇ ୨୨ଟି ମ୍ୟାଚ୍ରେ ଜିତିଥିବା ବେଳେ କୋଲକାତା ମାତ୍ର ୬ଟି ମ୍ୟାଚ୍ରେ ଜିତିଛି।
