କେନ୍ଦ୍ରାପଡା (କେନ୍ୟୁଜ): ଦୁଇ ଭଉଣୀଙ୍କ ସଲିଳ ସମାଧି। ଡଙ୍ଗା ଗୋଟାଇବା ବେଳେ ବୁଡିଗଲେ ୨ ଭଉଣୀ। କେନ୍ଦ୍ରାପଡ଼ା ଜିଲ୍ଲା ବାରିମୂଳ ଗାଁରେ ଏହି ଅଘଟଣ ଘଟିଛି। ଆଜି ସକାଳୁ ଦୁଇ ଭଉଣୀ କାର୍ତ୍ତିକ ପୂର୍ଣ୍ଣିମାରେ ଭସା ଯାଇଥିବା ଡଙ୍ଗା ଗୋଟାଇବାକୁ ପୋଖରୀକୁ ଯାଇଥିବାବେଳେ ବୁଡି ଯାଇଥିଲେ।
ମୃତକ ଦୁଇ ଜଣ ବିପିନ ମଲ୍ଲିକଙ୍କ ବଡ ଝିଅ ଶୁଭସ୍ମିତା ଓ ସାନ ଝିଅ ମଧୁସ୍ମିତା ବୋଲି ଜଣାପଡିଛି। ଦୁଇ ଜଣ ବହୁ ସମୟ ଧରି ଘରକୁ ନଫେରିବାରୁ ଖୋଜାଖୋଜି ପରେ ପୋଖରୀରୁ ମୃତଦେହ ଉଦ୍ଧାର କରାଯାଇଥିଲା। ସଦର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।